السفر واليقين في ناس كتير شوفتهم بيسألوا...

[Abady Breezy]

السفر واليقين

في ناس كتير شوفتهم بيسألوا ازاي الناس دي بتسافر هنقلكم تجربتي مع دبي و ازاي من ١٠ ج في جيببي لااحلي اسبوع في احلي مكان في دبي (الجميرا)

كنت قاعد علي قهوه في عين شمس وحوليا صحابي بقولهم انا حلم حياتي اسافر دبي إن شاء الله لو اروح ساعتيين اتغداء عند برج خليفه و ارجع تاني , الكل فضل يتريق عليا انت فاكر نفسك رجل اعمال والكلام ده...

وبكلمهم وانا كلي يقين اني هسافر المهم تلف الايام بسرعه وصحابي مسافريين بطوله في دبي وجهتههم مشكله في الفيزا كلمت حد معرفه ليهم بس للاسف التوقيت كان قصير فجاءه ومن غير سابق انذار الراجل المعرفه قالي لو عايز تسافر هجبلك الفيزا والتذكره ب١٦٠٠ اه والله، جبلي تذكرة طيران staff علي الاتحاد الإماراتي , والناس اللي كنسلوا السفريه قالولي عشان كنت هتساعدنا ومعرفتش هنساعدك احنا، وجبولي السكن عند واحد صاحبهم طلع كمان شغال في اتلانتس، واحنا دلوقتي صحاب جدا مصاريفي كلها ٤٥٠٠ الكلام ده كان في ٢٠١٤

خد احلي اسبوع بدل ساعتيين الحلم اتحقق بعد ماحلمتوا بشهريين بظبط رسالتي احلم وخطط وربنا هيدبرها من عنده اهم شئ اليقين بالله
#سافر

ما يدريك لعلك ستقف قريباً امام امانيك قائلا(قد جعلها ربي حقا)

 

[يوسف بيك وهبي]

اليقين بالله ، عقبال كل سنه

 

[Mustapha Mahmoud]

حاجه تخلي الواحد كله طاقه ايجابيه بصراحه تسلم

 

[Tota Rose]

ربنا يكرمك وتحقق كل احلامك

 

[Nahla Elbagory]

احلي بوست

 

[Afnan Mahmoud]

فيزا وتذكرة ب 1600 بس ماشاء الله
أنا لسه مطلعاهم من شهر بس عكس الرقم 6100

 

[Dalia Ahmed]

الله الوهاب

 

[Eman A Atef]

انا حصلي نفس الحكايه
قبل اول مره اسافر فيها كنت قاعده مع صحابي و بقولهم انا نفسي اسافر و من غير ما ادفع فلوس كمان
عدى شهر تقريبا و لقيت الشركه عندنا عامله قرعه لكل واحد فقط من كل اداره على مستوى مجموعة شركات
مديري حط اسمي و طبعا استحاله كنت اصدق ان اسمي هو اللي يطلع بين الف موظف مثلا
و سافرت و قعدت في اتلانتس كمان اربع ايام من غير و لا قرش دفعته
الشركه عندنا عملت الموضوع ده مره واحده فقط و كانت من نصيبي و ما اتكررتش
و من ساعتها بقيت بسافر الحمد الله

على قد تصديقك لحلمك هيتحقق ان شاء الله

 

[Manar Gaber]

البوست جه ف وقته والله <3 واحب اشكر طيران الاتحاد اللي مظبطنا والله

 

[Mohamed Helal]

عايش فيها بقالي 10سنين وحاسسها عادي خالص بنزل مصر بحب الزحمه وريحه مصر .هههه

 

[Mohamed Helal]

الناس اللي عايزو تسافر دبي المووضع سهل جدا جدا جدا فوق ما تتخيله .. اسال وانا هقولك تعمل ايه .

 

[Ahmed Barakat Ibrahim]

دبي جميله روحتها ٥ مرات واتضح ان نفس الفلوس توديني اوربا افضل وقت شهر ٣ و٤ او ١٠و١١ الصيف حار جدا درجه الحراره توصل ٥٠

 

[Dalia Sedky]

هو اي حاجة بتفكر فيها وانت متيقن منها بتحصل فعللا مش السفر بس. حسب قانون الجذب

 

[Nada Khaled]

احلى حاجة فى الدنيا انك قدرت تحقك حلمك و مخلتش حد يقتلوا اصل سبحان الله ربنا بيوعدنا بناس فى حياتنا بيموتوا احلامنا و طموحنا

 

[Ahmed Atteya]

هو انت كده الحظ ونيتك الصافيه ساعدتك بس عشان الواحد يسافر لازم يشتغل ويعمل مبلغ معقول ويتعلم ويستعد لان مش الحظ ممكن يخدمك علي طول..اما بالنسبه لدبي فبالنسبالي اخر مكان ممكن افكر اسافرله لانها عباره عن غابات اسمنتيه و مالهاش اي طابع او فكر ثقافي خاص بلد كلها هنود وباكستانيين وفلبينين يعني افضل اروح الهند او الفلبين افضل...وضيف كمان انها اسوأ جو درجه حراره مهوله ورطوبه خانقه وانا مش هروح عشان اتنقل جوه كتل اسمنتيه مكيفه انا احب الاوت دور واتعرف علي اهل البلد الحقيقين وده لان اجازتي في الصيف فقط عشان محدتش يقلي روحها في الشتا..يعني البلد نار في الصيف ورطوبه واكيد مش هروح ادفع فيزا وفلوس عشان اروح اقعد في مول او اطلع برج خليفه اللي بيطلع علي كتل اسمنتيه وراها صحرا وغبار يعني..انا بالنسبالي اروح شارم احسن كتييير..او اروح ماليزيا لاني هتعرف علي ثقافه اهل البلد وطبيعه جميله....وده ذوق شخصي ورأيي اللي ممكن نختلف او نتفق عليه..والسفر اذواق

 

[Ehab Osama]

دة كلام محترم

 

[Entsar Abd Alkarim]

م

 

[Kholod AbdAllah Omar]

Omnia Fouad

 

[Roman Var]

الامام علي قال انت تحصل على ما تتوقع او تفكر
تقريبا يعني عشان مكونش بفتي،ف هي حسن ظن بالله

 

[Nesren Nesren]

اتلانتس ... حظك تحفه