M
Mohamed Youssef
:: مسافر ::
البلد حلوة جدا ، من احلي البلاد اللي في الدنيا ، العمله بتاعتهم اسمها راند بحوالي جنيه و نص ، بس البلد غاليه يمكن زي اوروبا لو ما كانش اكتر ، المنطقة الوحيده الأمان هي كيب تاون بس بردو مش امان للدرجه يعني ، باقي المحافظات يفضل انك تتحرك الصبح و في شوارع كبيره ، كده مده البلد احلي بكتير الصبح عشان المناظر الطبيعيه اللي فيها ، الجو عكسنا يعني الصيف بيبقي من شهر ١٠ لحد شهر ٣ و الشتا بيبقي من شهر ٥ لحد شهر ٨ ، الناس هناك طيبين جدا و كرما جدا ، بس في نفس الوقت فيها حراميا كتير ، مانصحش بالشوبينج هناك عشان فعلا البلد غاليا ، بس ممكن تجيبوا حجات هاند ميد بتبقي حلوه اوي ، واهم حاجه الفصال عشان بيرفعوا الأسعار علي الأجانب
M
Maged Shawky Saad
:: مسافر ::
A
A Noaman Fata
:: مسافر ::
انا لسه عامل landing في jhb من ساعة بس . البلد طبعا جميلة جدا جدا جدا ، انا عايش هناك ، الڤيزا مش صعبة بس الورق يكون مظبوط زي ما طالبين ، الأسعار أرخص من مصر في معظم الحاجات ، Cape Town and Durban احلي مدنتين بس في أماكن مغمورة تحفة مش معروفة الا لأهل البلد ، نسبة الأمان مش زي ما الناس متخيلاها بس دايما خليك في الزحمة وممكن تخرج لحد ٤ الفجر بس يكون في أماكن معينة الي فيها الخروج وفيها ناس .
M
Mohamed Saber Farag
:: مسافر ::
اهم حاجة ان الناس المحترمة اللي بشكرها جدا قالت انها بلد جميلة و ان التاشيرة سهلة و دا يخليني اتمسك بيها اكتر انها تكون اول سفرية ليا برا مصر ..
شكراً ليكو كلكو
بالنسبة للطبران .. انا مش لاقي غير طيران اثيوبي و بس ل بيوصل هناك و التدكرة في رينج حوالي ٤٠٠-٥٠٠ دولار
لو حد يعرف حاجة ارخص يبقي مشكورا
شكراً ليكو كلكو
بالنسبة للطبران .. انا مش لاقي غير طيران اثيوبي و بس ل بيوصل هناك و التدكرة في رينج حوالي ٤٠٠-٥٠٠ دولار
لو حد يعرف حاجة ارخص يبقي مشكورا
O
Omar Abdalla
:: مسافر ::
جنوب افريقيا بلدي بحبها وبعشقها عايش فيها من 15 سنه عمري ما قابلت مشكله من ناحيه الامان .انا شايفها امان بالنسبه لي خطره في بعض الاماكن زي جوهانسبرج و طبعا مش كل جوهانسبرج فيها مدن تحفه وتجنن زي كيب تاون و ديربان و بورت اليزابيث و جورج تاون و إيست لندن و بلومفونتين و ضواحيها زي كلارينس و جولدن جيت .العمله الراند وبتعمل حوالي جنيه ونص .كانت ارخص من مصر قبل تعويم الجنيه حاليا غاليه حاجات بسيطه عن مصر .المطاعم والفنادق و الخدمه هنا علي أعلي مستوي وافضل من اوروبا كمان .بسبور جنوب افريقيا تاني اقوي بسبور في القاره.بييجي بعد بسبور موريشيوس اللي بيدخل 134 دوله .بسبور جنوب افريقيا بيدخل 108 دول بدون فيزا .امبر منتج للماس والدهب في العالم .الفيزا لو ورقك مش قوي ومتظبط صح هتلاقيها صعبه عليك و بيرفضوا مصريين كتير جدا .بالتوفيق ان شاء الله
S
Samuel Nabil
:: مسافر ::