عايز استفسر عن حاجة ساعات ف الافلام...

  • بادئ الموضوع بادئ الموضوع Ahmed M Youssif
  • تاريخ البدء تاريخ البدء
عرض العطلة
A

Ahmed M Youssif

:: مسافر ::
#1
عايز استفسر عن حاجة
ساعات ف الافلام والمسلسلات الاجنبية بيقولوا ان من الحاجات المنقرضة عندهم شركات السياحة.. انا عارف طبعا ان عشان الثقافة دى تجلنا محتاجة وقت .. بس عايز اعرف ايه اللى شركة السياحة ف مصر تقدر تعمله وانا معرفش اعمله هل مثلا بيجيبوا اسعار افضل من ان اجيبها من النت ولا الموضوع مجرد استسهال بالنسبالنا
 
#4
مع توسع استخدام الانترنت معادش لشركات السياحة دور , زمان كانت بتلعب دور الوسيط لكن دلوقتي كل شيء محتاح علي الانترنت من مصدرها , علي المستوي الدولي او السياحة الدولية ملهاش اي دور غير انها تقوم بعملية ادارة خطة السفر مقابل ربح نسبي , واي حد عنده خلفية عن تنظيم رحلتة مش هيستفيد حاجة بالعكس هيوفر , انما علي المستوي المحلي فيه بعض الفنادق والمنتجعات بتسوق عروضها عن طريق شركات السياحة ودي الميزة الوحيدة المستمرة .
 
#5
مواقع الحجز على الانترنت بتعتبر نوع من شركات السياحة معروف ب OTA او Online Travel Agency اللى العميل بيقدر يحجز ويدفع اون لاين من خلالها. اما شركات السياحة العاادية معروفة ب Offline Travel Agency وظيفتها انها تساعدك فى تنظيم البرنامج السياحى وبسعر أفضل من الاون لاين. مع العلم ان اى موقع اون لاين بيكون هامش الربح للفنادق 25% مع العلم ان شركات السياحة بتضع هامش ربح فى المتوسط 10 او 15 % وبالنسبة للطيران بيكون العكس الاون لاين ارخص لان شركة السياحة او مكتب الطيران بتزود 200 جنية رسوم اصدار التذكرة.
 
عرض العطلة
#7
اظن لسة ليهم ادوار لا نستطيع القيام بها بشكل منفرد
مثلا الحجز لعدد كبير سواء طيران او فنادق
كذلك لو عندك عدد على رحلة انت بتنظمها ولسة مش متأكد مين هاييجي ومين هاياخد تأشيرة ... الخ تقدر من خلالهم تعمل "بلوك" لعدد من المقاعد بدون اسماء الى ان تتأكد من هم المسافرين
باختصار في المجموعات او العائلات الكبيرة لازم هاتلجألهم
 
#8
انا مش مقتنع خالص ليهم لان البيحجزلي عمره ما بيكون سافر اي بلد من إلانا بروحها فمش هينصحك بمكان كويس عمره ما شافه
 
#9
لكن في شركات سياحه كبري عندها طائرتها الخاصه بتبقي رحلتها رخيصه بس انا عمري ما حجزت مع شركه سياحه الا مره وكانت عمره
 
#10
انا معرفش بالنسبة لشغل الشركات في مصر لكن عامة شركات السياحة والاون لاين بيكملوا بعض ممكن الفندق بيعمل حصة للاون لاين بسعر وحصة للشركات بسعر احيانا تيجي تشوف فندق على بوكينج ماتلاقيش وفنفس الوقت تلاقيه موجود عند شركة سياحة او موقع الفندق نفسه للافراد وكمان الشركات ميزتها في تنظيم الرحلات الداخلية احيانا بتكون اوفر من ان الشخص يتعامل مع نفسه لانها بتكون بتخدم مجموعات فبتاخد عروض من المزارات والمطاعم والكافيهات
 
عرض العطلة
#14
شركة السياحة فى الخارج هى فقط اللى من حقها تنظيم البرامج السياحية
اما وكالة السفر بنبيع البرامج دى و تسوقها لشركة السياحة
 
عرض العطلة
عرض العطلة
أعلى أسفل
عودة
قائمة