لو معاك ١٠٠٠٠ جنيه تاخد كورس في مجال دراستك...

[Señoría Waél]

لو معاك ١٠٠٠٠ جنيه تاخد كورس في مجال دراستك ولا تسافر !
ولو معاك ٥٠٠٠٠ تعمل ماستر او دكتوره في مجال شغلك ولا تسافر !
ولو معاك ٢٠٠٠٠٠ تعمل بيزنس في مجال شغلك ولا تسافر !

انت لما تتصور جنب برج ايفل او تعمل سفاري جنب زرافه او تروح جزيره انت كده عملت انجاز !،،لا طبعا نص البشريه عملت زيك ،،اوعي تخلي السفر هو بوابه الهروب من فشلك،،،اذا معاك الفلوس دي ومفكرتش تتطور من نفسك فانت خايف وتقول انا اسافر احسن زي اللي بيسافروا!

ركزوا ياجماعه في الناس اللي بيسافروا اغلبهم ماشاء الله ناجحين في شغلهم ومتجوزين وبيسافروا والسؤال دايما اللي بتتساله في اي مكان بروحه هو انت بتشتغل ايه او بتعمل ايه في حياتك ! مش سافرت كام بلد!

اغلب الناس اللي عاملين صفحات للسفر تعبوا في حياتهم عشان يوصلوا ل انهم يلفوا العالم ومنهم ذكي وموقفش حياته ومنهم اللي هيفضل يقولك سافر ومتتجوزش والسفر رخيص!!

لا السفر غالي مش رخيص واللي بيقولك اوعي تحوش وتتجوز هو بيتجوز واللي يقولك انا بلف الدول كلها عشان السفر رخيص بيبقي عنده مصدر دخل سواء مشروع او شهادات

خلاص الكلام تقدر تشتغل ٥ سنين وتلف العالم بارخص حاجه وتقعد في هوستل رخيص وتاكل اي حاجه وتقدر تشتغل ١٠ سنين بس بعدها تسافر مع اولادك وناجح ومكمل في حياتك الطبيعيه وتستمتع بالبلد اللي بتسافر ليها

 

[Tom Jerry]

كل واحد بحسبها بطريقتها

 

[Karem Abubakr]

مقارنة في غير محلها
السفر زي الاكل و الشرب كمان ويمكن احسن

 

[Neverna Ibrahim]

طيب عاوز ايه يعني ما كل واحد حر

 

[Amr Ibrahim Diab]

والله كلام مش وحش بس في كم مقارنة كدة غريبة عارف مثلاً البيقارن عربية فراري بأمراة جميلة جداً

 

[Mohammed M. Attar]

احلى اختيار هو السفر من خلال منحة او بعثة للحصول على شهادة جامعية او ماجستير او دكتوراه يبقي جمعت 3 مزايا السفر و مجانا و كمان مضيعتش وقتك على الفاضي و أخدت شهادة محترمة لما ترجع بلدك تقدر تشتغل بيها كويس ومرتب محترم وممكن تكون عملت علاقات كويسة في البلد الي سافرتلها بحيث تضمن لنفسك شغل او وظيفة فيها بعد انتهاء الدراسة ويا سلام لو متجوز و عندك اولاد يبقي كمان يعيشوا و يتعلموا في بلاد نظيفة تقدر قيمة العلم والمعرفه كما يؤثر بشكل إيجابي على شخصيتهم

 

[Weam Salah]

هو كلامك كويس ولطيف بس كل واحد حر وادراك بنفسه انت كمان دلوقتي متفرقش عن إللى بيقولك منحوس وسافر ولا إللى يقولك السفر رخيص كل واحد فاهم وعارف حياته ماشيه ازاى وعارف التزاماته

 

[Suzan Mohamed]

لا اتفقققق ️️️
اسمحلي / اسمحيلي
انت ليه حضرتك سواء كنت مذكر ولا مؤنث مركز في حوار الجواز أوي اللي هو اصلا تلات اربع اللي متجوزين بيطلقوا هو دة المستقبل !!!!
وايه المشكلة لما حد يشتغل ويحقق ذاته ويحوش مبلغ ويسافر شوية يعني
ان لبدنك عليك حق وبعدين الراحة النفسية احسن شيئ

 

[Amr Ibrahim Diab]

وربنا هو كلامة كويس جداً بس هو الفكرة في المقارنات لكن الجواز والبيت والاولاد حاجة زي الفل ربنا خلقنا لنعمر

 

[Mafesh Menha]

لو مليون برده هسافر

 

[Hesham Samir]

انا عارف قصدك ببتاع اوعي تحوش وتتجوز
وفي الاخر لقيناه اتجوز

 

[محمد أحمد فهمى]

وبعدين طيب عالصبح يعنى

 

[Mahmoud Nunu]

مش هقولك بتختلف معاك وكلام مابنفعش يبقى قاعده لاي حد يمشي عليها، بس عندي سؤال ممكن تردلي عليه انا لو معايا ٥٠ الف جنبه وعايز ادرس MBA او Master in Marketing بره مصر، ممكن تقولي ازاي؟ انا بسافر والسفر كان حلم واتحقق بس الدراسة الحلم الاكبر بالنسبالي، ممكن تقولي احققه ازاي بنفس المبلغ اللي قولت عليه؟ وماتقوليش وفر عليه مبلغ تاني عشان تقدر تدرس.

ع فكرة السفر مش فكرة ان اتصور في بلد كام صورة، السفر حلم ومغامرة

كمان السفر مش سهل لكل الناس بل احيانا بياخد سنين من تعب وبدل مجهود عشان يتحقق، بس تاني وتالت السفر للدراسة بقى ده اصعب من السفر للسياحه بكتييييييير من كل النواحي)

 

[Mostafa Mahmoud]

في الجون وفي ناس هتزعل من كلامك

 

[Mostafa Hegazy]

هو السفر من وجهة نظري مَش حلم
انا سافرت كتير وملقتش جديد يعني
وكله زي بعضه والله، انا عموما قابلت نوعين من الناس
ناس بتحب تسافر عشان دي هواية عندها وفعلا بتستمع وخاصة لما تعرف ثقافة البلد اللي بتسافرها وبتقرأ في اي بلد بتروحها وبتحاول فعلا تخلق نوع من انواع السعادة وفِي نفس الوقت بيكون عارف التزاماته كويس
النوع التاني هو النوع اللي عنده نقص وبيحاول دايما من خلال سفره يوصل رسالة لغيره ودول الأغلبية للأسف، بالظبط زي واحدة متخلفة من يومين منزلة بوست علي جروب كله بنات بتاخد رأيهم في فستان فرحها اللي هتلبسه بعد يومين، ههههه دي تقول لعدم الإحساس قوم وانا اقعد مكانك،
بس هقولك هو أولويات والتزامات وبتختلف من شخص للتاني وكل واحد علي حسب قدرته المادية وقدرته علي تحمل الاعباء وده رزق بتاع ربنا مَش بتاعنا، لكن توقيت السفر ده محدش يقدر يتكلم فيه
سافر وهو فقير
سافر وهو غني
سافر وهو بيهرب من مشاكله
سافر بعد ما فشل يتجوز البنت اللي بيحبها
سافر بعد ما نصب عالناس وخد منهم شوية فلوس
دي ملناش دعوة بيها
المهم انه راضي عن نفسه
وانا شخصيا بقول للناس سافرو وافهمو الكون ماشي ازاي، بس في نفس الوقت اطرح امكانياتك في تواضع لان في غيرك محروم من النعمة دي لظروف فلوس او عيلة او عدم قدرة، متبقاش غبي يعني وانت بتتفشخر

 

[Kareem Ahmed]

هو ليه اعتبرت اللى بيسافر فاشل و بيهرب من الفشل بالسفر؟؟؟!!!! ... يعنى مينفعش الواحد يسافر يتفسح و يغير جو الا لما يكون فاشل ... و منين جبت الاستنتاج العجيب ان الواحد يا اما حيطور من نفسه يا اما حيسافر؟ ازاى حطيت السفر عائق امام تطوير الانسان لنفسه ؟! ايه الكلام العجيب ده؟

 

[Ahmed Ali]

الناس بتعمل دبلومه وبتاكل وتتنفس وتنام وتصحي في ناس السفر عندها زي الهوا والنوم والاكل مينفعش يدخل مقارانات مع حاجه تانيه لأنه شئ اساسي عندهم وملعاش علاقه بمساوي مادي او اجتماعي

 

[Nader Adel]

كلامك صح مليون ف الميه

 

[Abu Yousuf El Emam]

كلام جميل جدا والله

 

[Ahmad Abduallah]

طيب ممكن اسافر بس