اول مره اشارك في الجروب بصور من رحله طلعتها...

[Ghada Galal Hamed]

اول مره اشارك في الجروب بصور من رحله طلعتها للمغرب السنه اللي فاتت .. رحنا اماكن كتير جدا و كلها اروع من بعض . منها بين الوديان و افران و شيفشاون و طنجه و كهف هرقل و كازابلانكا
المغرب كلها جبال و اغلب مسطحاتها خضراء والطبيعه ساحره و كمان العماره الاسلاميه بتعبر عن تاريخ الاندلس .... و اسعار كل حاجه هناك ارخص من مصر بكتيييير
اهلها طيبين اوى .. و الطواجن اشكال و الوان " الطاجين " و كمان الاقمشه مبهره و اغلبها صناعه يدويه و التوابل و زيت الأرجان زى زيت الزيتون بيتصنع منه كل حاجه تقريبا
يا رب الصور تعجبكم

 

[Simo Ayoch]

صور جميلة جدا برافو

 

[Ibrahim Ismail]

المغرب حلوه اصلا

 

[Ghada Galal Hamed]

كل محافظه كآنك في بلد تانيه .. بس المجمل ولا في الاحلام

 

[Omnia Magdy]

حلوة اووووي.سلمت يداكي روعة

 

[Enass Attia]

الصور تحفه
بس عاوزين شويه تفاصيل الحجز والانتقالات والفنادق
وهل أمان لو بنات بس طلعوا

 

[Ghada Galal Hamed]

انا بطلع كل رحلاتي مع جروبات نوادى تصوير .. لانهم دايما بيلفوا اماكن اكتر بكتير من اي شركات السياحه و بيكونوا مسئولين عن الرحله من الالف للياء من اكل لانتقالات لمزارات و الفنادق نضيفه جدااا و الشوارع حتي زى ما شايفين و بيكون في مرشد سياحي من اهل البلد
وبالنسبه للمغرب احنا كنا بنتحرك لوحدنا بأمان و همه بيعشقوا المصريين

 

[Wael Kamash]

محتاجه تاشيره من السفاره ؟

 

[Nadiah Ahmed]

الله تجنن ما شاء الله <3

 

[محمود العجمي]

ممكن تقوليلنا تكلفة الرحلة من طيران واقامة وايه المشكلات اللي قبلتك ؟

 

[Ghada Galal Hamed]

انا ناشره اكتر من 600 صوره في البوماتي للي حابب يتفرج علي تفاصيل اكتر

 

[Ghada Galal Hamed]

السنه اللي فاتت عملت 9000 ج شامله كل حاجه الطيران و الفنادق و الانتقالات الداخليه مع العلم ان المسافات كبيره جدا بين كل منطقه و التانيه

 

[Ghada Galal Hamed]

الحقيقه ما فيش اي مشاكل قابلتنا
بالعكس اهل المغرب زى المصريين ولاد بلد و جدعان و كنا بنتحرك براحتنا و لما اتوه اسأل اي حد يوصلني و نقعد في اي مكان و همه كرماء و بيحبوا مصر و اهل مصر و الاهم ان التأمين هناك عالي جدا .... و بدون مبالغه العسكري هناك بيعملوا له حساب زى اللواء هنا مثلا و مش من حق اي حد يتناقش معاه اصلا

 

[Mohamed Ali Ahmed]

 

[Yasser Ibrahim]

Nice

 

[Moataz Ali]

بيلويدان من أجمل الأماكن و المناظر الطبيعية في العالم ... و جو رائع و صحي جدا ....

 

[Habiba Moataz]

اتوحشت المغرب بالزاف

 

[Red Eagle]

فعلا من أجمل الوجهات السياحية العالمية وأرخصها أيضا والواحد يقدر يستمتع بكل حاجه ممكن تتعمل فى أوروبا وأسيا بأسعار أرخص والتنوع والثراء الثقافى هناك بيعطى البلد سحر خاص غير سحر طبيعتها الغناء وجمالها هى بالفعل بمثابة كنز غافل عنه الكثيرون

 

[Siham Lz]

Mona

 

[Ahmed Farouk]

لو في رحلة للمغرب بلغوني