انا ممكن اقترح (هجرب افتى يعني ) اقتراح للناس...

[Ahlam Halim]

انا ممكن اقترح (هجرب افتى يعني ) اقتراح للناس اللي عايزة تسافر وبتقبض مش اقل من 2000 جنيه.. وخالينا نتفق انك هاتقرص على نفسك..
حضرتك ممكن تدخل جمعيه ب 1000 جنيه لمدة سنة وتقبضها الاول.. يعني يكون معاك 12000 جنية تعملهم شهادة لمدة سنة ونص بفايدة 20%.. بعد السنة ونص هايكون معاك 15600 اعتقد يكونوا مبلغ حلو لاول سفريه.. وارشحلك جورجيا في اكتوبر 2018
المهم تحدد انت عايز تروح فين وتبدأ تذاكر البلد دي كويس جدا وتسأل كتير..

هاتقولي مش بشتغل او مش بقبض كده.. هاقولك يبقي خالي هدفك انك تشتغل بالرقم دا... لازم يكون في ايديك حاجه تشغلك بالرقم دا..
بالتوفيق لجميع الحالمين بالسفر..

تحديث البوست.. في ناس قالت اقتراحات احسن من الشهادة:
-حول المبلغ دولارات
-حاول يكون عندك دخل ثابت بالدولار
-اشتري جنيهات دهب بدل الشهادة

 

[Khaled Badry]

المشكلة ان الدولار بيجري اسرع , انا اقترح يشتري دولارات بدل الشهادة

 

[Lolo Mohammed]

 

[Dalia Sedky]

او يشوف شغل يعمل منه دخل بالدولار

 

[Radwa Ahmed]

Rehab Ahmed Nessreen Abdel Hamid Marwa Abdel-hamid هههههه الفكرة انتشرت

 

[Mira G. Aziz]

بصى هو حل رائع بس اظن ان على مايخلص كل ده و يجى ياخد الفلوس الدولار هيكون وصل 30 جنيه ولا حاجه فياخدهم يعمل بيهم شوبيج من السوبرماركت و يروح انا من رأى انه ياخد قرض و يسافر و يبقى يسدد الفلوس برحته بقى

 

[Mohammed Salem]

بعد سنتين و نص حيبقي الدولار ب اربعين جنيه و الستاشر الف بقوا يساووا ٥٠٠$ و لف وارجع تاني

 

[Ahlam Halim]

كل الناس اللي بتتكلم في ان سعر الدولار هايعلى.. دا مش بيحل حاجه.. احنا بنحبط نغسنا وخلاص.. الي الان سعر الدولار معدله ثابت.. المهم ان الناس تاخد خطوة وتعمل اللي عليها.. وربنا بيبص لاجتهاد الناس وامانتهم.. بلاش نحبط نفسنا بكلام هو كله في المستقبل.. المستقبل في ايد ربنا.. اعمل اللي عليك انهارده
تفاءلوووووووا ياشعب

 

[Mhmd Samy Kamel]

ما هو كدة كدة الناس بتشتغل وبتجيب فلوس متفاوتة،،، ايه الجديد يعني في الكلام؟
المطلوب فعلا هو وضع برامج واضح لرحلات لبلاد مخفضة التكلفة

 

[Mohamed Magdi]

حضرتك انا داخلها سنتين و هقبضها قبل الأخير
و أول ما هقبضها هسافر 10 ايام افرتك اللي قبضته

 

[Ahmed Ellen]

اوكي تمام

 

[مروة حسين]

عندنا فى أسيوط الألف جنيه يقولو عليها مرتب مغرى

 

[Ahmed Ellen]

اه

 

[Silvana Dawoud]

الاقتراح دة حلو جدا بس لو مسمحولى أضيف فيه حاجة
بدل ما يشترى شهادة يشترى اى حاجة تانية جنيهات دهب مثلا (لأن ملهاش مصنعية ) وقتها مهما قل سعر الجنية ماحدش هيخسر اوى وهو بيبع. ... الفلوس قيمتها بتقل جدا وبتضعف لما تتشال ورق الأفضل دايما تتحط فى شراء اى حاجة وتتباع بس حاجة بيعها سهل

 

[Abanoub Hero]

اصلا الشهاده ال20% اتوقفت مفيش الكلام ده وبعدين لو لقدر الله سيبت الشغل اروح فين

 

[Tamer Saad]

الشهاده ...20% متوقفتش ..شغاله زى السكينه فالحلاوه.....

 

[Mohamed Rashad]

عشان تاخدى ٢٠٪‏ مكسب لازم تعملى الشهادة نظام الخمس سنوات ولو كسرتيها قبل كدة هيخصمو منك الفلوس اللى خدتيها وبخصوص الدولار خلاص مبقاش وسيلة للمكسب لانه مش هيعلى تانى بالصور القديمة الا لو لقدر الله حصلت هزة جامدة للبلد والجنيه الدهب نفس الكلام اعتقد ده للتوضيح بس وربنا يوفقكم

 

[Victor Farouk Fahmy]

صباح الفل على احلى جروب انا بقا ليا استفسار وطالما الموضوع اتفتح انا عندى توفير بالدولار مبلغ مش كبير ف البنك الكبير العجيب بقا أن كشف الحساب جه والمبلغ الأصل بيقل اه الحل

 

[Victor Farouk Fahmy]

ايه رايكم أن واحد من البنك الكبير بيقول ممكن يعلو الفوائد عن كدا كمان مش عارف هما بيلمو الفلوس ليه

 

[Ghada A. Ghany]

سافر جوة بلدك الأول. بلدك حلوة اوي وكل الدنيا بتيجي تشوفها