A
Ayman Sayed
:: مسافر ::
***** الجزيرة المجهولة*****
طبعا مافيش حد فينا ما حلمش انه لوحده على جزيرة وشاطئ 2 او 3 كيلو ومافيش بنى آدمين معاك.
على فكرة ده ممكن وواقع.
لو عجبتكو الصور هنزل تقرير عن الجزيرة دى يارب تعجبكو.
ولأن واضح ان فكرة التشويق فى عدم ذكر اسم الجزيرة مضايقة ناس فانا هاقول اسم الجزيرة.
الجزيرة هى جزيرة koh rong. فى كمبوديا يا جماعة ولا تزعلو.
وادى التقرير بتاع الجزيرة يا جماعة وآسف للتأخير.
أولا لازم اقول ان الجزيرة دى للناس المكحرتة ببساطة لانك هتشوف فيها حشرات وحيوانات غريبة غير القرود والحاجات اللذيذة بتاعة آسيا.
طبعا الكلام ده هيبقى عادى اوى للناس اللى بتسافر آسيا وشافو الحاجات دى كتير بس الغريب بقى انك هتلاقى الحاجات دى معاك جوة الشاليه.
يعنى مافيش مانع انك تلاقى ابراص باحجام مختلفة. حته عقرب صغنن كده. ده غير حشرات غريبة مش عارفها بصراحة.
يعنى ممكن المدام تقعد تعيطلك وتقولك روحنى يا محمد. انا مش هانام جوة الشاليه. الله يخربيت اللى شار علينا الشورة الهباب دى
الرحلة كانت ما بين تايلاند وكمبوديا. والجزيرة بتقع فى الجزء الجنوبى الغربى من كمبوديا فى خليج تايلاند.
اقرب مدينة للجزيرة هى مدينة ساحليه اسمها sihanouksville ودى بتبعد عن الجزيرة بحوالى 30 كيلو. ودى بتاخدها بمركب تعبان جدا فى حوالى 3 ساعات.
دلوقتى سمعت بقى فيه مركب سريع ونضيف بياخدها فى حوالى ساعتين وتمنه 20$ one way.
الجزيرة كلها تقريبا عليها 10 فنادق بس. وكلهم بعيد عن بعض جدا.
الفندق اسمه palm beach bungalows وده تقريبا واخد جهه كاملة من الجزيرة. يعنى حوالى 3 كيلو واكتر شاطئ خاص.
سعر الفندق فى الهاى سيزون اللى هو ديسمبر ويناير وفبراير حوالى 40 او 50 $ من غير وجبات. ومطعم الفندق بيقدم وجبات باسعار معقولة. ده غير ان فى بقال جنب الفندق بيبيع سناكس ومشروبات وحاجات كتير.
تخيل بقى انك ماعندكش كهربا فى الشاليه طول النهار والكهربا بتيجى من الساعة غ المغرب لحد 11 بالليل بس.
تخيل ان مافيش نت ولا واى فاى يعنى معزول عن العالم تماما.
يعنى باختصار شوفلك حاجة تانية تعملها غير ان كل واحد فيكو يحط بوزة فى موبايله زى ما بيحصل معانا كلنا.
اتكلمو مع بعض او اتفرجو ع الغروب واسمعو صوت صرصور البحر بالليل او اتكلمو مع بقيه الجيست واسمعو منهم هما عملو ايه فى يومهم.
الفندق كان حوالى 15 شاليه يعنى بكتيره 30 واحد بس على الناحية دى من الجزيرة. بأمانة كنت حاسس انى لوحدى على البيتش وباشوف الناس دى بالليل بس على العشا وده لان فى انشطة كتير ممكن تعملها زى السنوركلينج والغطس او انك تاخد كانو مجانا من الفندق وتسرح بيه على الجزيرة وتروح القرية الشعبيه اللى عايش فيها اهل الجزيرة الاصليين.
شوفو يا جماعة..... كمبوديا للأسف عموما بلد مش نضيفة وناسها الى حد ما لسه خارجين من فترة حكم شيوعى طاحنة ومدابح بشعة. الناس منبهرين بالسياح وشايفين ان السايح ده دولار وماشى على الارض. ( زى حالتنا بالظبط)
كميوديا فيها شبه كبير مننا وده اللى خلاني اهرب منها على طول بعد الجزيرة وطلعت على تايلاند تانى من الحدود البرية ما بينهم.
وسبحان الله فى الفرق الشاسع ما بين البلدين واللى هتلاحظوه بمجرد ما رجلك تسيب كمبوديا وتعدى الناحية التانية على تايلاند. فرق كبير ما بين الناس والنضافة لصالح تايلاند طبعا.
ببساطة شديدة اللى عايز يحقق حلم الجزيرة بجد يطلع على koh rong Cambodia.
يارب اكون عرفت اقدم اول تقرير ليا عن رحلة الجزيرة واللى عايز اى استفسار يتفضل ويارب اقدر اساعدكو.
طبعا مافيش حد فينا ما حلمش انه لوحده على جزيرة وشاطئ 2 او 3 كيلو ومافيش بنى آدمين معاك.
على فكرة ده ممكن وواقع.
لو عجبتكو الصور هنزل تقرير عن الجزيرة دى يارب تعجبكو.
ولأن واضح ان فكرة التشويق فى عدم ذكر اسم الجزيرة مضايقة ناس فانا هاقول اسم الجزيرة.
الجزيرة هى جزيرة koh rong. فى كمبوديا يا جماعة ولا تزعلو.
وادى التقرير بتاع الجزيرة يا جماعة وآسف للتأخير.
أولا لازم اقول ان الجزيرة دى للناس المكحرتة ببساطة لانك هتشوف فيها حشرات وحيوانات غريبة غير القرود والحاجات اللذيذة بتاعة آسيا.
طبعا الكلام ده هيبقى عادى اوى للناس اللى بتسافر آسيا وشافو الحاجات دى كتير بس الغريب بقى انك هتلاقى الحاجات دى معاك جوة الشاليه.
يعنى مافيش مانع انك تلاقى ابراص باحجام مختلفة. حته عقرب صغنن كده. ده غير حشرات غريبة مش عارفها بصراحة.
يعنى ممكن المدام تقعد تعيطلك وتقولك روحنى يا محمد. انا مش هانام جوة الشاليه. الله يخربيت اللى شار علينا الشورة الهباب دى
الرحلة كانت ما بين تايلاند وكمبوديا. والجزيرة بتقع فى الجزء الجنوبى الغربى من كمبوديا فى خليج تايلاند.
اقرب مدينة للجزيرة هى مدينة ساحليه اسمها sihanouksville ودى بتبعد عن الجزيرة بحوالى 30 كيلو. ودى بتاخدها بمركب تعبان جدا فى حوالى 3 ساعات.
دلوقتى سمعت بقى فيه مركب سريع ونضيف بياخدها فى حوالى ساعتين وتمنه 20$ one way.
الجزيرة كلها تقريبا عليها 10 فنادق بس. وكلهم بعيد عن بعض جدا.
الفندق اسمه palm beach bungalows وده تقريبا واخد جهه كاملة من الجزيرة. يعنى حوالى 3 كيلو واكتر شاطئ خاص.
سعر الفندق فى الهاى سيزون اللى هو ديسمبر ويناير وفبراير حوالى 40 او 50 $ من غير وجبات. ومطعم الفندق بيقدم وجبات باسعار معقولة. ده غير ان فى بقال جنب الفندق بيبيع سناكس ومشروبات وحاجات كتير.
تخيل بقى انك ماعندكش كهربا فى الشاليه طول النهار والكهربا بتيجى من الساعة غ المغرب لحد 11 بالليل بس.
تخيل ان مافيش نت ولا واى فاى يعنى معزول عن العالم تماما.
يعنى باختصار شوفلك حاجة تانية تعملها غير ان كل واحد فيكو يحط بوزة فى موبايله زى ما بيحصل معانا كلنا.
اتكلمو مع بعض او اتفرجو ع الغروب واسمعو صوت صرصور البحر بالليل او اتكلمو مع بقيه الجيست واسمعو منهم هما عملو ايه فى يومهم.
الفندق كان حوالى 15 شاليه يعنى بكتيره 30 واحد بس على الناحية دى من الجزيرة. بأمانة كنت حاسس انى لوحدى على البيتش وباشوف الناس دى بالليل بس على العشا وده لان فى انشطة كتير ممكن تعملها زى السنوركلينج والغطس او انك تاخد كانو مجانا من الفندق وتسرح بيه على الجزيرة وتروح القرية الشعبيه اللى عايش فيها اهل الجزيرة الاصليين.
شوفو يا جماعة..... كمبوديا للأسف عموما بلد مش نضيفة وناسها الى حد ما لسه خارجين من فترة حكم شيوعى طاحنة ومدابح بشعة. الناس منبهرين بالسياح وشايفين ان السايح ده دولار وماشى على الارض. ( زى حالتنا بالظبط)
كميوديا فيها شبه كبير مننا وده اللى خلاني اهرب منها على طول بعد الجزيرة وطلعت على تايلاند تانى من الحدود البرية ما بينهم.
وسبحان الله فى الفرق الشاسع ما بين البلدين واللى هتلاحظوه بمجرد ما رجلك تسيب كمبوديا وتعدى الناحية التانية على تايلاند. فرق كبير ما بين الناس والنضافة لصالح تايلاند طبعا.
ببساطة شديدة اللى عايز يحقق حلم الجزيرة بجد يطلع على koh rong Cambodia.
يارب اكون عرفت اقدم اول تقرير ليا عن رحلة الجزيرة واللى عايز اى استفسار يتفضل ويارب اقدر اساعدكو.