W
Wael Haroun
:: مسافر ::
( ملخص خوازيق ) رحلتي الاولي إلى ايطاليا اللي بقيت بالصدفة رحلتي إلي فرنسا وإيطاليا 2015 :
مرحلة الإعداد والتخطيط للرحلة :
الهدف المرجو من الرحلة(تبعاً لتخطيطي الساذج) : زيارة جنوب إيطاليا
نابولى ← مدن ساحل امالفي (مدن اسفل الجبال ) وخصوصا مدينة بوسيتانو
المهم دخلت علي بوكينج وحجزت تسعة ايام بثمان ليالي بالفطار بسعر رخيص فحت (الخازوق الاول حجز غير قابل للاسترداد) بعد كدة دخلت على موقع (travelstart.com) ولقيت ارخص تذكرة طيران من القاهرة إلى نابولي طيران تركي ترانزيت ساعتين ونص يوم 25 / 6 وبكل سذاجه توجهت إلي مكتب الطيران التركي وحجزت تذكرتين موكدتين (ومن هنا يلوح لكم الخازوق التاني يهرول من بعيد )ايوووه هو دا اللي حصل حجزت تذاكر طيران مؤكدة قبل ما احجز موعد تقديم في السفارة الايطالية ...... خد بقي اللي جيه دى علي صدرك الأبليكشن بتاع السفارة الايطاليه يشير إلي عدم وجود ميعاد فاضي بالسفارة الأيطاليه الا بعد شهر اكتوبر هههههه بيقولك شهر اكتوبر ((دا بقي مش خازووق بس .... دا المعني الحرفي لـ الدنيا ماشيه بظهرها وحطيت عليا )) الطم ولا اصوت ولا دا الوقت المناسب عشان اتعلم شرب الشيشة وانسي اللي فات ....المهم مفيش امل في السفارة وباقي كام اسبوع على موعد السفر وانا بكلم واحد صاحبي على السفرية اللى ضاعت وان بوكينج هياخد الفلوس اهى اهي تعبي وشقايا لان الحجز غير قابل للاسترداد قاللي لا اتصل ببوكينج وقولهم انك مالقتش ميعاد في السفارة واجل الحجز لشهر مختلف بس الاول غير تاريخ السفر مع الطيران التركي ..روحت الطيران التركى وغيرت تاريخ السفر ليوم 25/9 الي باريس (والنعمة ما كانت في بالي خالص) ودفعت 700 جنيه فرق علي كل تذكرة واتصلت ببوكينج وشرحت الموقف وردوا بعد يومين ان صاحب الفندق معندهوش مانع بس هندفع 1000 جنيه زيادة فرق السعر في شهر 9 ..... واخدت ميعاد في مكتب tls قبل ميعاد السفر بشهرين ...واخدنا انا وزوجتي تاشيرة تشنجن من السفارة الفرنسيه ...انا قادم يا اوربا ............................يتبع
مرحلة الإعداد والتخطيط للرحلة :
الهدف المرجو من الرحلة(تبعاً لتخطيطي الساذج) : زيارة جنوب إيطاليا
نابولى ← مدن ساحل امالفي (مدن اسفل الجبال ) وخصوصا مدينة بوسيتانو
المهم دخلت علي بوكينج وحجزت تسعة ايام بثمان ليالي بالفطار بسعر رخيص فحت (الخازوق الاول حجز غير قابل للاسترداد) بعد كدة دخلت على موقع (travelstart.com) ولقيت ارخص تذكرة طيران من القاهرة إلى نابولي طيران تركي ترانزيت ساعتين ونص يوم 25 / 6 وبكل سذاجه توجهت إلي مكتب الطيران التركي وحجزت تذكرتين موكدتين (ومن هنا يلوح لكم الخازوق التاني يهرول من بعيد )ايوووه هو دا اللي حصل حجزت تذاكر طيران مؤكدة قبل ما احجز موعد تقديم في السفارة الايطالية ...... خد بقي اللي جيه دى علي صدرك الأبليكشن بتاع السفارة الايطاليه يشير إلي عدم وجود ميعاد فاضي بالسفارة الأيطاليه الا بعد شهر اكتوبر هههههه بيقولك شهر اكتوبر ((دا بقي مش خازووق بس .... دا المعني الحرفي لـ الدنيا ماشيه بظهرها وحطيت عليا )) الطم ولا اصوت ولا دا الوقت المناسب عشان اتعلم شرب الشيشة وانسي اللي فات ....المهم مفيش امل في السفارة وباقي كام اسبوع على موعد السفر وانا بكلم واحد صاحبي على السفرية اللى ضاعت وان بوكينج هياخد الفلوس اهى اهي تعبي وشقايا لان الحجز غير قابل للاسترداد قاللي لا اتصل ببوكينج وقولهم انك مالقتش ميعاد في السفارة واجل الحجز لشهر مختلف بس الاول غير تاريخ السفر مع الطيران التركي ..روحت الطيران التركى وغيرت تاريخ السفر ليوم 25/9 الي باريس (والنعمة ما كانت في بالي خالص) ودفعت 700 جنيه فرق علي كل تذكرة واتصلت ببوكينج وشرحت الموقف وردوا بعد يومين ان صاحب الفندق معندهوش مانع بس هندفع 1000 جنيه زيادة فرق السعر في شهر 9 ..... واخدت ميعاد في مكتب tls قبل ميعاد السفر بشهرين ...واخدنا انا وزوجتي تاشيرة تشنجن من السفارة الفرنسيه ...انا قادم يا اوربا ............................يتبع
