أنا ليا تعليق بس يا جماعة على موضوع الامان...

[Hisham Ahmed]

أنا ليا تعليق بس يا جماعة على موضوع الامان والسرقة اللى كل الناس علقت عليه فى البوست بتاع جنوب أفرقيا
1.أنا معنديش اى مشكلة اتناقش مع اى حد واى رأى فى الموضوع ده.....بس يكون عاش نفس التجربة اللى انا عشتها....مش كله فتى يعنى ...اصلى سمعت ...اصل صاحبى قالى....ده مش منطقى وده غالبا للأسف اللى بيحصل فى الجروب من معظم الناس اللى معندهاش المعلومة.
2.هل جنوب افرقيا أمان؟؟؟؟ لا طبعا ....بس زيها زى حتت كتير جدا مش هى بس يعنى ....هى اللى طالع عليها سمعة بزيادة بس..يعنى حضرتك دول كتير من دول امريكا الجنوبية خطر جدا ....دول كتير فى افرقيا مش جنوب أفرقيا بس يعنى فيها سرقة وتثبيت .....أمريكا اللى هى من أكبر دول العالم فيها ولايات خطيرة جدا زى شيجاغو ....يعنى حضرتك لو مشيت بالمبدأ ده يبقى مش هتروح نص العالم تقريبا.
3.الاماكن الخطر هناك معروفة ومكتوبة على النت ...فمتجمعش وتردد كلام الناس بتقوله ان كل جنوب افرقيا خطر واتعب نفسك واقرأ شوية قبل ما تفتى فى حاجة مش صح.
4.الاماكن السياحية متأمنة كويس جدا ومفيهاش أى مشاكل وهى دى غالبا الأماكن اللى هتروحها.
5.كيب تاون وبريتوريا أمان جدا ....حرص بس شوية فى جوهانسبرج.
6. الحل الامثل والأمن فى جوهانسبرج هو اوبر ....لكن بقية المدن ركبت باص ومينى باص وميكروباص انا ومراتى كمان
7.امشى مع الناس وشغل دماغك ومتنزلش بفلوس كتير ومتمشيش فى أماكن فاضية لوحدك بس وان شاء الله مش هيحصل حاجة.
اخر حاجة ...انا مش بدافع عن جنوب أفرقيا ...انا ابويا مش جنوب أفريقى ولا هيدولى فلوس على الناس اللى هتيجى من مصر يعنى
بس حبيت اصحح مفاهيم وانقل تجربة انا عشتها يمكن حد يستفاد ....و شكرا

 

[Nisreen El Kady]

الكلام ده فعلا مظبوط جدا انا قعدت فيها شهرين وكمان فى جوهانسبرج وكنت بنزل لوحدى وبستخدم اوبر فى مشاويرى واللى الناس متعرفوش فى نسبة كبيرة أسر مصرية مستقرين فيها قبلناهم واختلطنا معاهم فى خروج مثلا بيقولولنا ان محدش عارف النعمة اللى احنا فيها لما بنقول عايشين فى جنوب افريقيا وعلى فكرة الناس دى ما شاء الله ناس مستواها كويس جدا فى مصر ولقوا عيشة محترمة فى جنوب افريقيا فنقلوا ليها وعايشين هناك انضف عيشة ما شاء الله واولادهم فى مدارس عادى جدا

 

[Nisreen El Kady]

جنوب افريقيا دى فعلا جنة مش واخدة حقها فى السياحة العربية عموما بس الاوروبين والامريكين وغيرهم هم اكتر ناس بتزورها

 

[Shaima Ammar]

Yasmin Rady

 

[Khaled Elsayed Elkhamy]

تصحيح بس شيكاجو لا يوجد بها اى شئ مما يشاع عنها ده كان فى التلاتينات ايام المافيا و ازمة الكساد الكبرى. الآن مدينة زى اى مدينة فى امريكا و اكثر امان من نيويورك و لوس انجلز

 

[اسامه سعد]

Hisham Ahmed

 

[Howida Khalil El Ghazy]

فعلا كيب تاون بجنوب افريقيا قمه في الروعه المدينه اغلب طرقها علي منحدر جبلي هو مرعب شويه بس المنظر ممتع جدا موضوع السرقات هي بلد امنه تقريبا احد الساعه7 مساء بعد كده بيظهر المتسولين لان البلد بتبقي شبه فارغه بس لو ماشين مجموعات محدش بيحاف منهم وفي كناطق بتكون سهرانه زي watefront به مولات ومطاعم وبيكون مزدحم ليلا بلا خوف فعلا بلد جميله ونظيفه ومرتفعاتsignal hill بتكشف البلد من اعلي نقطه بالجبل مكان يستحق الزياره وعكس كل الناس اللي بتخوف منه احنا مشكلتنا بنسمع من مصادر مجربتش

 

[Nermo Bela Nermo Bela]

انا اتثبت واتسرقت في اكبر مول في جوهانسبرج مول تحت مجموعه فنادق نيلسون مانديلا وثبتني بمنتهي الثقه بالنفس بالرغم من وجود شرطه طبعا زي ماقولت وارد يحصل في اي بلد بس أهل جنوب افريقيا نفسهم هما اللي كانوا بيحظرونا ننزل بليل

 

[Amr Ibrahim Diab]

انا حابب اوضح معلومة امريكا الهي امريكا مفهاش ولايه امان اساساً بتختلف من شارع للتاني ممكن شارع امان و ورا علي طول شارع شمال

 

[Walid Khalafallah Ali Mohamed]

أنت لما معرفتش ترد تروح تقول فتي؟

 

[Ahmed Mubarak]

فين البوست الاصلي

 

[Samah Mustafa]

Sameh Metwally قول حاجة

 

[Red Eagle]

نسبة الأمان فى أى دولة لا يقاس بتجربة شخص واحد لعدة أيام فيها معروف جدا أن جنوب افريقيا هى أفضل دولة فى افريقيا من حيث الاقتصاد اللى بتتفوق فيه على بعض دول أوروبا والبنية التحتية والسياحة لكن معروف ايضا ان الوضع الأمنى بيها مش على ما يرام فى أماكن كتيرة ودى حقائق موجودة ومعلومات متوافرة حتى من أهل البلد نفسها فأعتقد ما يصحش أننا تهم الناس بالفتى واختلاق معلومات غير صحيحة لكونهم عاوزين يتأكدوا من نقطة فى غاية الأهمية بالنسبة للسياح فى أى مكان فى العالم