B
Bahaa Aldeen Farouk
:: مسافر ::
أصدقائي الأعزاء أعضاء الجروب الكرام 
تعالوا كده نتفق على شوية معايير للطريقه اللي يتم طرح السؤال بيها على الجروب علشان تكون المنفعه عامة للجميع و نحاول نبعد عن الأسئله من نوعية واتس أبوت يور فيرست سُكررر
أولا : الجروب هدفه الأساسي أننا نعرض تجاربنا و نصائحنا عموما في السفر في كل دول العالم علشان الناس كلها تستفاد من التجارب الفعليه و الحقيقية لأصحابها الفعليين فلذلك أي بوست فيه تجربه حتفيد الناس ده بيكون ليه أولية للنشر مباشرة
ثانيا : هدف من اهداف الجروب ( هدف فرعي ) هو الرد على بعض الاستفسارات الخاصه بالسفر أو التأشيرات أو غيرها , و لكن ده مش هدف الجروب الأساسي و حقولكم السبب ( صراحه التجربه الفعلية بتكون أفيد ان الكل يقراها و يستفيد منها انما السؤال بيكون خاص جدا لصاحبه ممكن كام واحد يستفيد من السؤال و لكن يظل سؤال شخصي و ممكن ميكونش هام لأغلب الأعضاء و مع ذلك بنحاول ننشر أغلب الاسئله علشان نساعد أصحابها
طيب الناس اللي الأسئله بتاعتها مش بتنزل أرجوك راجع الشروط دي علشان تعرف ليه لم يتم النشر؟
1) غالبا السؤال بيكون مكرر جدا حاول تبحث عن موضوع ممائل بكتابة كلمة دلالية في مربع البحث على الجروب , يعني مثلا عاوز تعرف اي معلومات عن تركيا أكتب في مربع البحث كلمة: تركيا ( بس كده ) لأن بالفعل أغلب المواضيع تم مناقشتها و مش عاوزين نكرر نفس الأسئله بشكل يومي على الجروب
2) حاول تتجنب الأسئله الشخصيه جدا زي مثلا : رقم الباص اللي يودي من التحرير لألماظه رقمه كام !!! أو مثلا سعر التذكره بتاريخ 30 يوليو من اسيوط الى دبي بكام !!!
3) تجنب الأسئله اللي بالفعل اجابتها على جوجل بكل سهوله زي مثلا : درجة الحرارة دلوقتي كام في بانكوك !!! أو عملة جورجيا ايه !! أو ايه رأيكم في فندق الوردة البيضا في العصافرة !! كل ده تقدر تلاقيه بسهوله جدا على جوجل بدون ما تنزل بوست خاص و تضيع وقتك في انتظار الاجابة ,
4) الأسئله الوجوديه اللي ملهاش اجابه : عاوزه اعرف عن كندا !! عاوز اسافر قبرص !! حد سافر هونولولو !! انا عاوز اسافر شهر عسل اسافر فين !!
5) البوستات من نوعية انا اترفضت من فيزا شنجن مع اني قدمت ( و يتم ذكر كل الأوراق بالتفصيل ) للعلم كل يوم فيه أكتر من الف واحد بيترفضوا من سفارات شنجن مش حنقدر ندرس أوراق كل واحد شخصيا بيتم رفضه و نرد عليه و نقوله ايه سبب الرفض
6) رشحولي فندق في كوالالامبور و باريس و مونتينجرو و يكون كيوت و لذوذ و سعره في الحنين !!! الموضوع نسبي جدا مش كل فندق يناسبني ممكن يناسبك و مش كل سعر يناسبني ممكن يناسبك فالافضل انك تحدد ميزانيه و تقرا ريفيو عن الفندق على trip advisor مثلا
7) حد يقولي أسعار الأكل و الشرب و السكن و الفسح و الخروجات و الشوبنج و الطيران و المواصلات في دمياط الجديدة !!!
8) عاوز اروح هونج كونج و مصرفش أكتر من 350 جنيه اعمل ايه !! او سؤال تاني لو سافرت المالديف يوم 35 مارس 2020 حصرف كام على بعضه شاكب راكب !!
9) لو حتنزل سؤال حاول تختصر مش لازم يكون سؤال في 35 سطر , الواحد أصلا بيقرا كلمتين بالعافيه , بس خليك محدد و سؤالك واضح و مش مكرر و ياريت يكون عام بلاش يكون خاص أوي ( علشان الناس كلها تستفاد )
10) أخيرا طبعا اي اعلان لشركة سياحيه أو صفحه أو شخص أو بوست معموله شير من صفحه أخرى أو صورمتاخده كوبي من جوجل بدون اي معلومات غالبا بيتم رفضها
للعلم كل ده بيتم ذكره مش اظطهاد و لا تحكم في الجروب و لكن علشان نحافظ على نوعية معينة من البوستات اللي فعلا تكون مهمه و حتهم الغالبية العظمى انها تقراها و تستفاد منها و ميكونش الجروب مصدر ازعاج بأسئلة ممكن تكون مكررة جدا أو أسئله شخصيه أو أسئله ممكن ميكونش ليها لازمه عند ناس كتير , أرجوك تتفهموا موقفنا و تساعدونا على الحفاظ على الجروب انه دائما يكون مفيد للجميع و ميكونش مصدر ازعاج ,
تقبلوا تحياتي و اسف على الاطالة
#الأدمن
تعالوا كده نتفق على شوية معايير للطريقه اللي يتم طرح السؤال بيها على الجروب علشان تكون المنفعه عامة للجميع و نحاول نبعد عن الأسئله من نوعية واتس أبوت يور فيرست سُكررر
أولا : الجروب هدفه الأساسي أننا نعرض تجاربنا و نصائحنا عموما في السفر في كل دول العالم علشان الناس كلها تستفاد من التجارب الفعليه و الحقيقية لأصحابها الفعليين فلذلك أي بوست فيه تجربه حتفيد الناس ده بيكون ليه أولية للنشر مباشرة
ثانيا : هدف من اهداف الجروب ( هدف فرعي ) هو الرد على بعض الاستفسارات الخاصه بالسفر أو التأشيرات أو غيرها , و لكن ده مش هدف الجروب الأساسي و حقولكم السبب ( صراحه التجربه الفعلية بتكون أفيد ان الكل يقراها و يستفيد منها انما السؤال بيكون خاص جدا لصاحبه ممكن كام واحد يستفيد من السؤال و لكن يظل سؤال شخصي و ممكن ميكونش هام لأغلب الأعضاء و مع ذلك بنحاول ننشر أغلب الاسئله علشان نساعد أصحابها
طيب الناس اللي الأسئله بتاعتها مش بتنزل أرجوك راجع الشروط دي علشان تعرف ليه لم يتم النشر؟
1) غالبا السؤال بيكون مكرر جدا حاول تبحث عن موضوع ممائل بكتابة كلمة دلالية في مربع البحث على الجروب , يعني مثلا عاوز تعرف اي معلومات عن تركيا أكتب في مربع البحث كلمة: تركيا ( بس كده ) لأن بالفعل أغلب المواضيع تم مناقشتها و مش عاوزين نكرر نفس الأسئله بشكل يومي على الجروب
2) حاول تتجنب الأسئله الشخصيه جدا زي مثلا : رقم الباص اللي يودي من التحرير لألماظه رقمه كام !!! أو مثلا سعر التذكره بتاريخ 30 يوليو من اسيوط الى دبي بكام !!!
3) تجنب الأسئله اللي بالفعل اجابتها على جوجل بكل سهوله زي مثلا : درجة الحرارة دلوقتي كام في بانكوك !!! أو عملة جورجيا ايه !! أو ايه رأيكم في فندق الوردة البيضا في العصافرة !! كل ده تقدر تلاقيه بسهوله جدا على جوجل بدون ما تنزل بوست خاص و تضيع وقتك في انتظار الاجابة ,
4) الأسئله الوجوديه اللي ملهاش اجابه : عاوزه اعرف عن كندا !! عاوز اسافر قبرص !! حد سافر هونولولو !! انا عاوز اسافر شهر عسل اسافر فين !!
5) البوستات من نوعية انا اترفضت من فيزا شنجن مع اني قدمت ( و يتم ذكر كل الأوراق بالتفصيل ) للعلم كل يوم فيه أكتر من الف واحد بيترفضوا من سفارات شنجن مش حنقدر ندرس أوراق كل واحد شخصيا بيتم رفضه و نرد عليه و نقوله ايه سبب الرفض
6) رشحولي فندق في كوالالامبور و باريس و مونتينجرو و يكون كيوت و لذوذ و سعره في الحنين !!! الموضوع نسبي جدا مش كل فندق يناسبني ممكن يناسبك و مش كل سعر يناسبني ممكن يناسبك فالافضل انك تحدد ميزانيه و تقرا ريفيو عن الفندق على trip advisor مثلا
7) حد يقولي أسعار الأكل و الشرب و السكن و الفسح و الخروجات و الشوبنج و الطيران و المواصلات في دمياط الجديدة !!!
8) عاوز اروح هونج كونج و مصرفش أكتر من 350 جنيه اعمل ايه !! او سؤال تاني لو سافرت المالديف يوم 35 مارس 2020 حصرف كام على بعضه شاكب راكب !!
9) لو حتنزل سؤال حاول تختصر مش لازم يكون سؤال في 35 سطر , الواحد أصلا بيقرا كلمتين بالعافيه , بس خليك محدد و سؤالك واضح و مش مكرر و ياريت يكون عام بلاش يكون خاص أوي ( علشان الناس كلها تستفاد )
10) أخيرا طبعا اي اعلان لشركة سياحيه أو صفحه أو شخص أو بوست معموله شير من صفحه أخرى أو صورمتاخده كوبي من جوجل بدون اي معلومات غالبا بيتم رفضها
للعلم كل ده بيتم ذكره مش اظطهاد و لا تحكم في الجروب و لكن علشان نحافظ على نوعية معينة من البوستات اللي فعلا تكون مهمه و حتهم الغالبية العظمى انها تقراها و تستفاد منها و ميكونش الجروب مصدر ازعاج بأسئلة ممكن تكون مكررة جدا أو أسئله شخصيه أو أسئله ممكن ميكونش ليها لازمه عند ناس كتير , أرجوك تتفهموا موقفنا و تساعدونا على الحفاظ على الجروب انه دائما يكون مفيد للجميع و ميكونش مصدر ازعاج ,
تقبلوا تحياتي و اسف على الاطالة
#الأدمن