لو فاكر ان احتمال يحصلك عقبات في سفرك... احب...

[Wael Haroun]

لو فاكر ان احتمال يحصلك عقبات في سفرك... احب احكيلك على كمية الخوازيق اللي حصلت معايا في أول سفريه

 

[Bahaa Aldeen Farouk]

مافيش مانع تشاركنا بجزء منهم أهو نتعلم بردو

 

[Lolo Mohammed]

ياريت

 

[Omnya Khaleel]

طب ما تحكي نستفاد

 

[Mohamed Mahmoud Hassan]

احكي علي خوازيقك

 

[Mic Heal]

غالبا بتبئي لعدم خبره او لما تحب تجرب جديد او تمشي على معلومات غلط

 

[Hadeer Hesham]

انا بقى بحاول اسافر من ساعه ما اتخرجت وكل ما اخطط لسفريه يطلعلى فيها كميه مطبات وكل بلد افكر فيها يطلعها تصريح امنى ده نحس ولا غباء من الاخرين ولسه مسفرتش برده

 

[Mahmoud Ahmed]

واحد من الخوازيق ان التاكسيات في اوروبا ما بتركبش اطفال صغيرين من غير carseat ...وعشان الموضوع ده اضطريت امشي من محطة القطر في ميونخ لغاية الاوتيل -الحمدلله كان قريب - بس طبعا كان معانا شنط
مع العلم ان ابني كان سنه ٤ سنين تقريبا يعني مش بتاع carseat ولا بتاع

 

[Wael Haroun]

دي معلومه جديده بالنسبه ليا يا Mahmoud Ahmed اصل التاكسي في السفر الخارجي بعتبره ضد ميزانيتي

 

[Wael Haroun]

( ملخص خوازيق ) رحلتي الاولي إلى ايطاليا اللي بقيت بالصدفة رحلتي إلي فرنسا وإيطاليا :
مرحلة الإعداد والتخطيط للرحلة :
الهدف المرجو من الرحلة(تبعاً لتخطيطي الساذج) : زيارة جنوب إيطاليا
نابولى ← مدن ساحل امالفي (مدن اسفل الجبال ) وخصوصا مدينة بوسيتانو
المهم دخلت علي بوكينج وحجزت تسعة ايام بثمان ليالي بالفطار بسعر رخيص فحت (الخازوق الاول حجز غير قابل للاسترداد) بعد كدة دخلت على موقع (travelstart.com) ولقيت ارخص تذكرة طيران من القاهرة إلى نابولي طيران تركي ترانزيت ساعتين ونص يوم 25 / 6 وبكل سذاجه توجهت إلي مكتب الطيران التركي وحجزت تذكرتين موكدتين (ومن هنا يلوح لكم الخازوق التاني يهرول من بعيد )ايوووه هو دا اللي حصل حجزت تذاكر طيران مؤكدة قبل ما احجز موعد تقديم في السفارة الايطالية ...... خد بقي اللي جيه دى علي صدرك الأبليكشن بتاع السفارة الايطاليه يشير إلي عدم وجود ميعاد فاضي بالسفارة الأيطاليه الا بعد شهر اكتوبر هههههه بيقولك شهر اكتوبر ((دا بقي مش خازووق بس .... دا المعني الحرفي لـ الدنيا ماشيه بظهرها وحطيت عليا )) الطم ولا اصوت ولا دا الوقت المناسب عشان اتعلم شرب الشيشة وانسي اللي فات ....المهم مفيش امل في السفارة وباقي كام اسبوع على موعد السفر وانا بكلم واحد صاحبي على السفرية اللى ضاعت وان بوكينج هياخد الفلوس اهى اهي تعبي وشقايا لان الحجز غير قابل للاسترداد قاللي لا اتصل ببوكينج وقولهم انك مالقتش ميعاد في السفارة واجل الحجز لشهر مختلف بس الاول غير تاريخ السفر مع الطيران التركي ..روحت الطيران التركى وغيرت تاريخ السفر ليوم 25/9 الي باريس (والنعمة ما كانت في بالي خالص) ودفعت 700 جنيه فرق علي كل تذكرة واتصلت ببوكينج وشرحت الموقف وردوا بعد يومين ان صاحب الفندق معندهوش مانع بس هندفع 1000 جنيه زيادة فرق السعر في شهر 9 ..... واخدت ميعاد في مكتب tls قبل ميعاد السفر بشهرين ...واخدنا انا وزوجتي تاشيرة تشنجن من السفارة الفرنسيه ...انا قادم يا اوربا ............................يتبع