S
Shady Rashwan
:: مسافر ::
تكملة رحلتي لاربع مدن في اوروبا
اثينا وروما وامستردام وباريس
طيب ياجماعة نقطة نسيت اتكلم عليها في اول بوست وانشاءالله تفيد اللي هيسافر اول مرة
لاوروبا زي حالاتي.
الدول الاوروبية في شبكة مواصلات قوية جدا واعتقد اكتر شيء ممكن توفر فيه من غير ماتيجي علي نفسك هو الانتقالات.
بس ارخم حاجة في موضوع الانتقالات كله هو اول يوم في المدينة وانت شايل الشنط
بيطلع علينك فعليا لو مش مجهز معلوماتك لازاي توصل بالظبط للفندق بتاعك.
اول حاجة ماتعتمدش انك حافظ اسم الفندق او الهوستل لا ركز غالبا هتلاقي عشرات الفنادق في نفس المنطقة الا لو حاجز في الهيلتون واحنا غلابة
لو وصلت لنفس المنطقة وعارف اسم الشارع مثلا متتوقعش برضه
ان الناس تبقي عارفه حتي اسم الشارع للاسف لان حضرتك ممكن بتنطق اسم الشارع غلط اصلا .تخيل مثلا واحد اجنبي بيسالك علي شارع الترعة البولاقية تخيل هينطقها ازاي
عشان تعذر الناس
طيب عليك بحاجتين trip advisor هتلاقي فيه وصف مبسط لازاي توصل
واهم حاجة بقي google maps ياكبير واتعلم ازاي تستخدها اوفلاين كgps
دول هيفرقو معاك لدرجة ان اول مدينتين كنت ممكن اقعد ساعتين الف عالفندق
في الاخر بقي الموضوع مسافة السكة فعليا.وطبعا لو اتعلمت تستخدم جوجل مابس كاوفلاين يعني تنزل كولخريطة المكان في اي مكان فيه واي فاي وبعد كده تستتخدمها كا gps مبروك عليك لف براحتك ووتوه براحتك وهتعرف ترجع لمكانك.
نرجع بقي لروما
1.نصيحة ذهبية من باشمهندس بهاء كانت السكن في حتة قريبة من ترميني ستيشين
انت فعلا قريب من كل حاجة وممكن تمشي في حدود عشرين دقيقة لمعظم الاماكن
الكولسيوم بقي spanish steps البانثيون لو عايز تركب مترو للفاتيكان
وزي ماقولنا جوجل مابس معاك اوفلاين
2.حاول لو هتدخل متاحف زي متحف الفاتيكان اوهتدخل الكولسيوم حاول تشتريها اون لاين عشان متقفش في الصف وحدد المواعيد المناسبة ليك
3.بالنسبة للاكل ياجماعة الباستا طبعا رقم واحد وده فن لوحده اصلا اختياره عنهم 600 نوع ياجماعة وطبعا البيتزا الايطالي اللي هي مختلفة عن البيتزا اللي احنا عارفينها وانشف بس انا بقدر الاختلاف
4.الجيلاتي وده بند لوحده انا كنت باكل جيلاتي تلت مرات في اليوم مثلا وطبعا في المطاعم والكافيهات حاول تدور شوية لان الاسعار مختلفة
5.التمشية في روما بالليل تحفة بس للاسف الدنيا بتبقي هادية خااااالص زي معظم المدن الاوروبية طبعا كل ميدان تحفة ولازم النافورة والكام تمثال اللي في كل نافورة وياسلام لو فيه مسلة اكبر مسلة في العالم موجودة علي فكرة في ساحة كنيسة القديس بيتر في الفاتيكان
ابقي عدو شوفوها ودي منقولة من ايام االامبراطور الروماني كاليجولا فتهريب الاثار المصرية بدا من بدري
5.تجربتي مع الناس الايطاليين مش كويسة وبحسهم للاسف في شوية جليطة انا ركبت اتوبيس بالغلط عايز اقول كنت بحاول اسال الناس كما لو كان هوا بيتكلم محدش بيبصلك اصلا
طبعا في حاجات كتير اوي في روما فاللي عايز يسالني واقدر افيده يسال في الكومنات واسف علي طول البوست
اثينا وروما وامستردام وباريس
طيب ياجماعة نقطة نسيت اتكلم عليها في اول بوست وانشاءالله تفيد اللي هيسافر اول مرة
لاوروبا زي حالاتي.
الدول الاوروبية في شبكة مواصلات قوية جدا واعتقد اكتر شيء ممكن توفر فيه من غير ماتيجي علي نفسك هو الانتقالات.
بس ارخم حاجة في موضوع الانتقالات كله هو اول يوم في المدينة وانت شايل الشنط
بيطلع علينك فعليا لو مش مجهز معلوماتك لازاي توصل بالظبط للفندق بتاعك.اول حاجة ماتعتمدش انك حافظ اسم الفندق او الهوستل لا ركز غالبا هتلاقي عشرات الفنادق في نفس المنطقة الا لو حاجز في الهيلتون واحنا غلابة
لو وصلت لنفس المنطقة وعارف اسم الشارع مثلا متتوقعش برضه
ان الناس تبقي عارفه حتي اسم الشارع للاسف لان حضرتك ممكن بتنطق اسم الشارع غلط اصلا .تخيل مثلا واحد اجنبي بيسالك علي شارع الترعة البولاقية تخيل هينطقها ازاي
عشان تعذر الناس
طيب عليك بحاجتين trip advisor هتلاقي فيه وصف مبسط لازاي توصل
واهم حاجة بقي google maps ياكبير واتعلم ازاي تستخدها اوفلاين كgps
دول هيفرقو معاك لدرجة ان اول مدينتين كنت ممكن اقعد ساعتين الف عالفندق
في الاخر بقي الموضوع مسافة السكة فعليا.وطبعا لو اتعلمت تستخدم جوجل مابس كاوفلاين يعني تنزل كولخريطة المكان في اي مكان فيه واي فاي وبعد كده تستتخدمها كا gps مبروك عليك لف براحتك ووتوه براحتك وهتعرف ترجع لمكانك.
نرجع بقي لروما
1.نصيحة ذهبية من باشمهندس بهاء كانت السكن في حتة قريبة من ترميني ستيشين
انت فعلا قريب من كل حاجة وممكن تمشي في حدود عشرين دقيقة لمعظم الاماكن
الكولسيوم بقي spanish steps البانثيون لو عايز تركب مترو للفاتيكان
وزي ماقولنا جوجل مابس معاك اوفلاين
2.حاول لو هتدخل متاحف زي متحف الفاتيكان اوهتدخل الكولسيوم حاول تشتريها اون لاين عشان متقفش في الصف وحدد المواعيد المناسبة ليك
3.بالنسبة للاكل ياجماعة الباستا طبعا رقم واحد وده فن لوحده اصلا اختياره عنهم 600 نوع ياجماعة وطبعا البيتزا الايطالي اللي هي مختلفة عن البيتزا اللي احنا عارفينها وانشف بس انا بقدر الاختلاف
4.الجيلاتي وده بند لوحده انا كنت باكل جيلاتي تلت مرات في اليوم مثلا
وطبعا في المطاعم والكافيهات حاول تدور شوية لان الاسعار مختلفة5.التمشية في روما بالليل تحفة بس للاسف الدنيا بتبقي هادية خااااالص زي معظم المدن الاوروبية طبعا كل ميدان تحفة ولازم النافورة والكام تمثال اللي في كل نافورة وياسلام لو فيه مسلة اكبر مسلة في العالم موجودة علي فكرة في ساحة كنيسة القديس بيتر في الفاتيكان
ابقي عدو شوفوها ودي منقولة من ايام االامبراطور الروماني كاليجولا فتهريب الاثار المصرية بدا من بدري
5.تجربتي مع الناس الايطاليين مش كويسة وبحسهم للاسف في شوية جليطة انا ركبت اتوبيس بالغلط عايز اقول كنت بحاول اسال الناس كما لو كان هوا بيتكلم محدش بيبصلك اصلا
طبعا في حاجات كتير اوي في روما فاللي عايز يسالني واقدر افيده يسال في الكومنات واسف علي طول البوست