السلام عليكم لو سمحتوا انا عايزة استفسر عن...

  • بادئ الموضوع بادئ الموضوع سهير مصطفى
  • تاريخ البدء تاريخ البدء
عرض العطلة
س

سهير مصطفى

:: مسافر ::
#1
السلام عليكم
لو سمحتوا انا عايزة استفسر عن شوية حاجات
انا عايزة اسافر ماليزيا ف العيد
اولا:هل دا معاد مناسب لسفر هناك بالنسبة للجو
ثانيا:انا مقيمة ف السعودية هل هحتاج تصريح ولا تأشيرة خروج بس
ثالثا:و اى احلى الاماكن اللى ممكن ازورها وأبدأ منين
رابعا:لو حد يعرف هاسل كويس وسعره مناسب وتكليف الرحلة لاسبوع او اسبوعين كام تقريبا
وشكراااااا مقدما
 
عرض العطلة
#6
مالزيا من السعودية من غير اى تصريح امنى بتاخذى ختم دخول من اول متروحى مالزيا ب 90 يوم مجانا وبالنسبة للعيد فهى مناسبة
 
#7
احلى الاماكن على حسب ميزانيتك
كالمبور حلوة جدا
ولعشاق الجزر والاماكن الطبيعة فى جزر كتير احسنهم لانكاوى
كالمبور تروح الباتوكيف المعبد الهندى وسوق الصينى والمنارة جميلة واكبر برجين فى العالم ومتحف الاسلامى وشارع العرب ومدينة الاضواء الليلة والمدينة الماءية وقصر الحاكم والبيت المقلوب
 
#8
Ahmed Abd Alla شكرا على الرد والاهتمام
انا عملت سيرش على اسعار التزاكر لقيها 2200 ريال
مفيش شركات بتعمل عروض
 
#9
باص الهوب هوب
احجز تذكرة يومين حيلففك كل مزارات كوالالمبور ودي اسهل و اوفر و اريح طريقة

سيلانجور تزور الصن واي و بالليل مدينة الاضواء

مدينة كاميرون هاي لاند مهمة جدا متتفوتش

و بالنسبة للجزر اختار اما لنكاوي او بينانج
 
عرض العطلة
#11
الهوب هوب تذكرتة لمدة يومين ب80 رينجد
و لو يوم واحد ب45رينجد تقريبا
سيلانجور تذكرتها تقريبا 90 رنجد شامل مل الالعاب
كاميرون كفاية عليها يوم فية رحلات بتطلع من كواالا و لكن الارخص لو حتطلعوها من كاميرون نفسها الفرد في حدود 80 ربنجد
 
#12
بالنسبة للجزر لنكاوي طبيعة و هدوء و استرخاء ومشتريات معفية من الضرائب

بينانج روح و سهر و اسواق شعبية و انشطة و فاعليات كتير
 
#14
وعليكم السلام

الجو في ماليزيا ثابت طوال السنه لكونها منطقة استوائية
منطقتين فقط اللي الجو فيهم بارد شوية وفي فترات الليل بالتحديد
مرتفعات جنتينج و مرتفعات كاميرون

ماليزيا فيها أماكن كتيرة جدا ممكن زيارتها وطبعا استحالة زيارتها كلها
لكن حسب اهتماماتك ممكن تحددي الأماكن اللي هتزوريها وبناءا عليها هتحددي الفنادق
لكن فيه أماكن الجميع أجمع عليها رغم اختلاف الاهتمامات

# كوالالمبور + سلانجور ( الاتنين واحد زي القاهرة والجيزة عندنا )
منارة كوالالمبور ( اطلعي الدور الأخير مش التاني )
الاكواريوم
البرجين التوأم ( ما تطلعيش أدخلي الحديقة بتاعتهم فقط واوعي تشتري من المول بتاعهم )
حديقة الطيور
ساحة مرديكا
حديقة بردانا
شلالات راونج
معابد باتو كاف
حديقة الحيوان
مدينة صن واي لاجون
مدينة الألعاب الضوئية

مدينة بوتراجايا

مرتفعات جنتينج

# مرتفعات كاميرون
شلالات ايكندر
مزرعة وادي كاميرون
مزرعة بوة
حديقة لافندر


# جزيرة بينانج
جولة بحرية لشاطيء القرود
بحيرة بينانج
حديقة الفواكه
حديقة الفراشات
هضبة بينانج
البيت المقلوب
شاطيء باتوفرينجي

# جزيرة لنكاوي
جولة المانغروف
الجولة البحرية
جولة جزيرة باولو بيار
بانوراما لنكاوي
ركوب الافيال
شلالات لنكاوي
التلفريك والجسر المعلق


# جزيرة برهنتيان

# جزيرة ريدانج


نصيحة هامة جدا جدا جدا جدا

بعد العيد بتكون فترة موسم وبتكون الأسعار مرتفعة جدا جدا
فلو تقدري تخلي السفر قبل العيد بكام يوم يكون أوفر ليكوا جدا

ولو مافي مجال لتغيير الموعد يبقى مهم جدا جدا تعملي الحجوزات وكل ترتيبات السفر من بدري
يعني في الفترة دي تقريبا

أنصحك
تسكني قريبة من الخدمات علشان ما تحتاجي لتاكسي
واحذري تركبي من سواقين هنود
الأفضل لو الشقق الفندقية علشان التجهيزات فيها

التسوق من
لنكاوي ( منطقة حرة )
كوالالمبور مولات
التايم سكوير
سوجو
سوناي وونج
امبانج بوينت
بعض المحلات في البافليون
H&M
ZARA
الفهرنهيت
الماينز
ميد فالي




أفضل المطاعم

كوالالمبور
قصر حضرموت قريب من شارع العرب
الحلبي بول البافليون
ليالينا بشارع شنكت قريب شارع العرب
مطعم البحريات فوق الجبل بامبانج
مطعم نصف القمر بسيردانج
مطعم براديس الباكستاني
ماكدونالدز وكنتاكي هنا ممتازين واسعارهم رخيصة جدا
بس بلاش كنتاكي اللي في شارع العرب

بينانج
مطعم عمر الخيام
مطعم لبنان

لنكاوي
ماكدونالد وكنتاكي





نصيحة
خلي ترتيب البرنامج كالآتي
البداية كوالالمبور
ثم مرتفعات كاميرون
ثم بينانج
ثم لنكاوي
ثم كوالالمبور


أو

كوالالمبور
جزيرة ريدانج
ثم كوالالمبور ومنها رحلة يوم واحد لكاميرون


بالتوفيق ان شاء الله وإجازة سعيدة

ولو حضرتك أو أي مصري حابب يزور ماليزيا ومحتاج أي معلومة انا تحت أمر الجميع
 
#15
ميرسي لذوقك ولمجهود الرائع دا
وجيت فوقتك الصراحه
لقيت فندق ياريت تفيدني اذا كان حلو او لا وموقعه كويس ولا بعيد عن الاماكن اللى ممكن ازورها
_SFYIvyrHi5g55qSVGX-Bu36QU0-HHUo.jpeg
 
عرض العطلة
#17
ارشح لحضرتك
الشقق الفندقية بالسويس جاردن
بتكون استديو مجهز بكل شيء
4 نجوم بحوالي 40 دولار باليوم

أو فندق رويال في حدود 45 دولار

أو فندق ازومي

أو فندق مترو

أو فندق هوليداي ان
 
عرض العطلة
عرض العطلة
عرض العطلة
أعلى أسفل
عودة
قائمة