M
Mohamed Ali
:: مسافر ::
مدينه جدانسك او Gdańsk او Danzig كما تسمي بالالمانيه
مدينه تاريخيه عريقه شمال بولندا تطل علي بحر البلطيق وتتميز بعده مميزات كونها شهدت احداث تاريخيه مهمه في تاريخ اوروبا والعالم كله
بدايه الحرب العالميه الثانيه كانت في المدينه دي لما قامت القوات الالمانيه بالهجوم علي ميناء جدانسك بدعوي انه الماني وكانت اول طلقه مدفع في الحرب العالميه الثانيه في سبتمبر 1939 علي المدينه دي من البوارج الالمانيه
موقع الهجوم بني فيه تمثال للتذكير بضحايا الحرب العالميه الثانيه في نقطه اسمها westerplatte في تله في شمال المدينه ممكن تركب مركب من المدينه القديمه لحد هناك بحوالي 15 يورو وممكن تركب باص بحوالي 2 يورو
طبعا المدينه فيها مناطق تانيه تاريخيه مهمه بالنسبه للبولندين كون ان ميناء المدينه شهد اول اضراب بولندي ضد السلطات المدعومه من الاتحاد السوفييتي 1980 بقياده ليخ فاونسا اول رئيس لجمهوريه بولندا وقاد لخروج بولندا من الحكم العسكري للسوفييت لبولندا وادي لاحقا لتفكك الاتحاد السوفييتي في ميناء المدينه نصب تذكاري اخر لضحايا الاضراب اللي واجهه السوفييت وقتها بالرصاص
من اجمل المناطق اللي ممكن تروحها هناك متحف الكهرمان في جدانسك متحف بيحتوي علي عينات من الكهرمان وداخله حشرات بيعود تاريخها لملايين السنين غير ان المدينه مشهوره بالكهرمان كونه حجر كريم بيدخل في صناعه مجوهرات كتيره
المدينه القديمه من اجمل الاماكن اللي ممكن تتفسح فيها وممكن تطلع برج الساعه في المدينه القديمه وتتفرج علي المنطقه كلها من فوق
في برضه متحف الحرب العالميه الثانيه لسه مخلصينه ومن اجمل المتاحف اللي اتعملت في اوروبا
طبعا مسجد المدينه القديم من الاماكن الجميله اللي ممكن تروحها تصلي فيها الجمعه او ركعتين لله وتدعيلي
العمله هناك الزلوتي البولندي وهي تعادل الدرهم الاماراتي لذلك هي تعتبر من ارخص المدن الاوروبيه للزياره
المدينه اقتراح رائع ليومين فسحه في شمال بولندا
مدينه تاريخيه عريقه شمال بولندا تطل علي بحر البلطيق وتتميز بعده مميزات كونها شهدت احداث تاريخيه مهمه في تاريخ اوروبا والعالم كله
بدايه الحرب العالميه الثانيه كانت في المدينه دي لما قامت القوات الالمانيه بالهجوم علي ميناء جدانسك بدعوي انه الماني وكانت اول طلقه مدفع في الحرب العالميه الثانيه في سبتمبر 1939 علي المدينه دي من البوارج الالمانيه
موقع الهجوم بني فيه تمثال للتذكير بضحايا الحرب العالميه الثانيه في نقطه اسمها westerplatte في تله في شمال المدينه ممكن تركب مركب من المدينه القديمه لحد هناك بحوالي 15 يورو وممكن تركب باص بحوالي 2 يورو
طبعا المدينه فيها مناطق تانيه تاريخيه مهمه بالنسبه للبولندين كون ان ميناء المدينه شهد اول اضراب بولندي ضد السلطات المدعومه من الاتحاد السوفييتي 1980 بقياده ليخ فاونسا اول رئيس لجمهوريه بولندا وقاد لخروج بولندا من الحكم العسكري للسوفييت لبولندا وادي لاحقا لتفكك الاتحاد السوفييتي في ميناء المدينه نصب تذكاري اخر لضحايا الاضراب اللي واجهه السوفييت وقتها بالرصاص
من اجمل المناطق اللي ممكن تروحها هناك متحف الكهرمان في جدانسك متحف بيحتوي علي عينات من الكهرمان وداخله حشرات بيعود تاريخها لملايين السنين غير ان المدينه مشهوره بالكهرمان كونه حجر كريم بيدخل في صناعه مجوهرات كتيره
المدينه القديمه من اجمل الاماكن اللي ممكن تتفسح فيها وممكن تطلع برج الساعه في المدينه القديمه وتتفرج علي المنطقه كلها من فوق
في برضه متحف الحرب العالميه الثانيه لسه مخلصينه ومن اجمل المتاحف اللي اتعملت في اوروبا
طبعا مسجد المدينه القديم من الاماكن الجميله اللي ممكن تروحها تصلي فيها الجمعه او ركعتين لله وتدعيلي
العمله هناك الزلوتي البولندي وهي تعادل الدرهم الاماراتي لذلك هي تعتبر من ارخص المدن الاوروبيه للزياره
المدينه اقتراح رائع ليومين فسحه في شمال بولندا