O
Ola Alaa
:: مسافر ::
#الجزء التاني من رحله بالي ( اندونيسيا )
وصلنا من المطار بالليل وكنا تعبانين بعد رحله طويله اكتر من ٩ ساعات سفر و ٤ ساعات ترانزيت اتعشينا من مطعم المنتجع ونمنا وصحينا تاني يوم فطرنا ونزلنا نتمشي في البلد ونكتشف الجو حواليا .. نصيحه مني اي حد حابب يروح هناك مينزلش في أوتيلات انزلوا في منتجعات احلي وأحسن بكتير ومش غالي أبدا ... رحنا منطقه اسمها نوسا دوا ودي مشهوره بالبحر بتاعها والانشطة البحريه لقينا شركات كتير بتعمل رحلات وبتفسحك في البلد وانت بتختار الي انت عايز تروحه .. طبعا انا كنت عامله سيرش كويس علي النت قبل ما نسافر وعارفه اسماء الأماكن إلي عايزين نروحها هناك .. المهم حجزنا ب ٧٠٠ دولار لمده ٥ ايام كل حاجه ممكن تتعمل في البلد .. كل يوم الساعه ٧ الصبح نصحي نفطر في الفيلا ونلاقي السواق بالعربيه مستنينا بره ياخدنا يودينا المكان مع غدا وعصاير ومايه طول اليوم ولما نخلص يرجعنا تاني المنتجع .. كنا بنرجع الساعه ١٠ بالليل هلكانين ننام ونصحي تاني يوم نكمل أنشطه وهكذا ... الأنشطة الي احنا عملناها : عملنا rafting ودي كانت احلي حاجه في الرحله كلها حاجه كده ممتعه جدا ساعتين في النهر بنأدف والجو كان تحفه واخترنا أطول نهر في بالي / عملنا حاجه اسمها ATV الي هو بيتش باجي ركبناه في الغابه وحقول الأرز وفِي الشارع وكانت جميله جدا / رحنا سفاري حديقه حيوانات كبيره واخدنا اعلي باكيدج فيها ركبنا علي الفيل واتصورنا مع الحيوانات واخدنا صور تذكاريه وكانت جميله جدا واتغدينا في مطعم وحوالينا اسود ونمور فاصل بينا ازاز شفاف / عملنا أنشطه بحريه زي banana boat , fly fish , parasailing , donuts , walking under water ودي كانت تحفه جدا اتمشينا تحت المايه مع السمك واتصورنا فيديو وصور عاديه وكانت تحفه / رحنا غابه للقرود كانت فظيعه غابه كبيره مفتوحه للقرود حواليك من كل مكان وللاسف حراميه وبيسرقوا حاجات الناس وشريسين جدا وانا عن نفسي واحد أتعلق في هدومي ومصمم يخربشني وطلع يجري ورايا علشان شاف كيس الموز في شنطتي وجوزي الحمدلله كان واقف يضحك علّيا ويتفرج بس وكانوا بيسرقوا شباشب الناس والنضارات / زرنا معابد كتير اوي بس المعبد الكبير بتاعهم كان مممنوع دخول المحجبات لأنهم بيعتبروها اهانه للاله بتاعهم لو حد داخل ومغطي راسه ومش فاكره اسمه الصراحه / اخدنا رحله عشا رومانسية بالليل في اليخت وكانت جميله جدا وقت الغروب لمده ساعتين / السواق ودانا أسواق رخيصه نشتري منها هدايا وتذكارات كانت حلوه جدا / في شاطئ كبير اسمه نيو جنبو علي ما اتذكر كله مطاعم سي فود علي الرمل قدام البحر رحنا اتعشينا هناك يوم بالليل كان جميل جدا كل نشاط من دول كان سواق دايما في انتظارنا مع غدا وعصاير طول اليوم ... رحنا مكان كده بيصنعوا فيه كل انواع القهوه وطعمها حلو جدا وفيه ستور تشتري منه وانت طالع لو حابب ..يتبع الجزء التالت
وصلنا من المطار بالليل وكنا تعبانين بعد رحله طويله اكتر من ٩ ساعات سفر و ٤ ساعات ترانزيت اتعشينا من مطعم المنتجع ونمنا وصحينا تاني يوم فطرنا ونزلنا نتمشي في البلد ونكتشف الجو حواليا .. نصيحه مني اي حد حابب يروح هناك مينزلش في أوتيلات انزلوا في منتجعات احلي وأحسن بكتير ومش غالي أبدا ... رحنا منطقه اسمها نوسا دوا ودي مشهوره بالبحر بتاعها والانشطة البحريه لقينا شركات كتير بتعمل رحلات وبتفسحك في البلد وانت بتختار الي انت عايز تروحه .. طبعا انا كنت عامله سيرش كويس علي النت قبل ما نسافر وعارفه اسماء الأماكن إلي عايزين نروحها هناك .. المهم حجزنا ب ٧٠٠ دولار لمده ٥ ايام كل حاجه ممكن تتعمل في البلد .. كل يوم الساعه ٧ الصبح نصحي نفطر في الفيلا ونلاقي السواق بالعربيه مستنينا بره ياخدنا يودينا المكان مع غدا وعصاير ومايه طول اليوم ولما نخلص يرجعنا تاني المنتجع .. كنا بنرجع الساعه ١٠ بالليل هلكانين ننام ونصحي تاني يوم نكمل أنشطه وهكذا ... الأنشطة الي احنا عملناها : عملنا rafting ودي كانت احلي حاجه في الرحله كلها حاجه كده ممتعه جدا ساعتين في النهر بنأدف والجو كان تحفه واخترنا أطول نهر في بالي / عملنا حاجه اسمها ATV الي هو بيتش باجي ركبناه في الغابه وحقول الأرز وفِي الشارع وكانت جميله جدا / رحنا سفاري حديقه حيوانات كبيره واخدنا اعلي باكيدج فيها ركبنا علي الفيل واتصورنا مع الحيوانات واخدنا صور تذكاريه وكانت جميله جدا واتغدينا في مطعم وحوالينا اسود ونمور فاصل بينا ازاز شفاف / عملنا أنشطه بحريه زي banana boat , fly fish , parasailing , donuts , walking under water ودي كانت تحفه جدا اتمشينا تحت المايه مع السمك واتصورنا فيديو وصور عاديه وكانت تحفه / رحنا غابه للقرود كانت فظيعه غابه كبيره مفتوحه للقرود حواليك من كل مكان وللاسف حراميه وبيسرقوا حاجات الناس وشريسين جدا وانا عن نفسي واحد أتعلق في هدومي ومصمم يخربشني وطلع يجري ورايا علشان شاف كيس الموز في شنطتي وجوزي الحمدلله كان واقف يضحك علّيا ويتفرج بس وكانوا بيسرقوا شباشب الناس والنضارات / زرنا معابد كتير اوي بس المعبد الكبير بتاعهم كان مممنوع دخول المحجبات لأنهم بيعتبروها اهانه للاله بتاعهم لو حد داخل ومغطي راسه ومش فاكره اسمه الصراحه / اخدنا رحله عشا رومانسية بالليل في اليخت وكانت جميله جدا وقت الغروب لمده ساعتين / السواق ودانا أسواق رخيصه نشتري منها هدايا وتذكارات كانت حلوه جدا / في شاطئ كبير اسمه نيو جنبو علي ما اتذكر كله مطاعم سي فود علي الرمل قدام البحر رحنا اتعشينا هناك يوم بالليل كان جميل جدا كل نشاط من دول كان سواق دايما في انتظارنا مع غدا وعصاير طول اليوم ... رحنا مكان كده بيصنعوا فيه كل انواع القهوه وطعمها حلو جدا وفيه ستور تشتري منه وانت طالع لو حابب ..يتبع الجزء التالت