موضوع مهم للنقاش المحترم : هل أنت مع كسر...

  • بادئ الموضوع بادئ الموضوع Bahaa Aldeen Farouk
  • تاريخ البدء تاريخ البدء
عرض العطلة
B

Bahaa Aldeen Farouk

:: مسافر ::
#1
موضوع مهم للنقاش المحترم :
هل أنت مع كسر الفيزا السياحية للمصريين في الخارج و عدم احترام قوانين التأشيرات بحجة البحث عن دخل و حياة أفضل أو
ضد كسر الفيزا السياحية و احترام قوانين التأشيرات و السفر بطرق شرعية و قانونية للعمل.
البوست ليس مجال لأي نفاش سياسي و لكن للتوعيه و تبادل الخبرات فيما يخص كسر الفيز
 
#2
اهو كسر الفيزا دا حاجة ولا ليها اى لازمة واحنا بيتحط علينا من دول العالم المختلفة بسبب الموضوع دا
 
#3
انا كنت مع كسر الفيزا لفترة قريبة وبعد ما المهندس بهاء كلمني واقنعني بقيت ضد الفكرة اصلا وبالعكس الشكل العام هيبقى افضل بكتير .
.
شكرا مستر بهاء Bahaa Aldeen Farouk
 
#4
سهل اوي بمنتهي المثالية اني اقولك ضد طبعا .. بس لما انزل علي ارض الواقع .. في ناس بتركب الطيارة و معندهاش اي امل في البلد ديه و بيبقي عنده استعداد انه يهين نفسه حرفيا مقابل عدم الرجوع لانه بيفكر ان الرجوع ده فشل ..
 
عرض العطلة
#6
دلوقتي كسر الفيزا بقا مشكله وممكن تخليكي يضيع مستقبلك انا قابلت ناس بره مصريين بيقولولي احنا وله عارفين نرجع مصر وله عارفين حته نتجوز لانه هما اساسا مبقاش معاهم ورق يعني من الاخر بهدله
 
#7
الصراحه سبب الموضوع ده أني لما نزلت بوست التصريح الأمني لجورجيا و ان كان من أحد أسبابة زياده كسر الفيزا للمصريين في جورجيا لسهولة الفيزا لها , لاقيت هجوم رهيب من البعض أن من حق المصريين يسافروا و يكسروا الفيزا لأنهم مش لاقيين شغل في مصر و ناس كتير جدا مقتنعين بالفكره دي , فقولت لازم أعرف رأي الأغلبيه هل فعلا من حق أي انسان انه يسافر لأي دوله و يكسر الفيزا و يعيش بطريقة غير قانونية لمجرد انه مش لاقي فرصه عمل في بلده !!
 
#8
ضد طبعا
اللي بيكسر فيزا مش بيضر نفسه بس بيضر غيره كمان وعن تجربتي انا اتحرمت من فيزا علاج بسبب موضوع كسر الفيزا ده .. للأسف كتير بقى يستغل أن يجيب دعوة من مستشفى وياخد بيها فيزا علاج ويروح وما يرجعش .. وانا وغيري اللي محتاجين علاج فعلا صابهم الضرر
 
#9
ي باشا مفيش حد عاقل مع كسر القانون بالعكس دي سمعه سيئه لينا كلنا انما لما اجي الاقي واحد مولود في بوقه معلقه دهب ونازل شتيمه في ال بيكسروا الفيزا واكنهم مجرمين فعلا بس ايه ال يخلي واحد يسيب اهله ويعرض نفسه للخطر الا اذا كانت بلده مش موفره له الحد الادني من المعيشه الكريمه الظروف هي ال بتجبر في احيان كتير علي تسيير طريقهم وكمان انا ضد الاستفتاء في جروب اغلبه بيسافر سياحه اصلا لانه هيشوفهم معندهمش اخلاق وووالخ
 
#10
كسر الفيزا بقا ضياع للمستقبل لأنك مش هتعرف تعمل ورق وهتفضل طول عمرك مطارد وله حته تعرف تفتح حساب للبنك وتحول لأهلك فلوس الموضوع دلوقتي بقا استحاله
 
عرض العطلة
#11
اللي بيكسر دا بيبقي مستبيع ولو وقفهً عسكري حقير في مره وقاله ورقك هايترحل وش
غير كده ميعرفش يشتغل رسمي او يعمل اي حاجه رسمي من الاخر بدون اي حقوق ولو أتقتل واترمي محدش هايعرف عنه حاجهً
ليه بقي وجع القلب دا كله
 
#12
كل إنسان حسب ظروفة وقدرة تحملة

لكن نصيحة لأي شخص ناوي على الخروج بلا عودة فكر في البدائل أولا وبعد كدا توكل على الله
 
#14
انا من اشد الناس الضد مبداء كسر الفيزا انا في امريكا حاليا و كتبت بوستات كتير واتهاجمت كتير من اغلب الناس بس الاكتشفتة ان كل البيهاجمني ناس كسلانة عايزة تقعد علي القهاوي والشغل يجي لحد عندهم او مستنيين اللوتري بتاع امريكا وحياتهم كلها واقفة علي النتيجة الاهم بقي انهم ميعرفوش ان طول ماهما ولا حاجة في بلدهم عمرهم ماحيكونوا حاجة في اي بلد ازاي حتاخد تاشيرة وتقنع القنصل انك تسافر وانت اصلا مش ظروفك مش مقنعة لنفسك
 
#15
الحياة بدون فيزا او اقامة معاناة فى اوروبا لكن الوضع فى مصر بيخلى ناس تقولك ارمينى بس هناك وملكش دعوة وبعدين بيكتشف الحقيقة المرة . لا تقدر تاخد سكن ولا تقدر تعمل اى اجراء فى اى حاجة . يعنى كانك مش موجود حتى لو تعبان هتخاف تروح مستشفى لكن بلد زى فرنسا شجعت الناس على الكسر لان هناك تسيب رهيب
 
عرض العطلة
#16
أكبر كارثة رأيتها في الغربة هي شخص كاسر فيزا وممسوك هنا في ماليزيا وياسلام بقى لو محدش وقف معاه وساعده يفضل مرمي في السجن ويضيع كل شغله اللي كان مخطط ليه ويدفع مبالغ ضخمة عشان بس يرحلوه لمصر بعد رشاوي ومسخرة
إياكم وكسر الفيزا
 
#17
يا جماعة انا سالت سؤال و ادارة الجروب مسمحتش بنزول بوستين
بس ما علينا يعنى
عايز اعرف بس ، امتى تصريح السفر بيطلع فى الاجازة بالنسبة للطلبة الى عايز تسافر ماليزيا سياحة
 
#18
حضرتك الهجوم الرهيب مكنش اسبابه كسر الفيزا.ولاكن كان بسبب ان حضرتك استخدمت كلمات والفاظ واهانات لمجموعه من المصريين ودي غير مقبول ان انتا تهين اي انسان والناس اللي في الجروب شافت الاستاذ بهاء بصوره غير لائقه
 
#19
كسر الفيزا صعوبته ف التبعيات اللي بتيجي بعد كده لكن مش ف صعوبة ان حد يقدر يكسرها أو لاء .. أكيد كلنا نفسنا ف مناخ أحسن لولادنا و لينا حتى ، بس المرمطة اللي بتحصل مع الكسر هيا اللي بتخلّي اللي يعمل كده يفكّر .
فئة مش قليلة الموضوع بالنسبة ليها فرصة لأن همّا أصلا متمرمطين ف العيشة -مع احترامي الكامل ليهم و همّا فوق راسي- لكن اللي حياته صعبة جوة البلد بالنسبة ليه الصعوبة برّة البلد أسهل لأنه مش هيشوف قلة حيلته ف عيون اللي حواليه و ملزمين منّه.
ربّنا يرحم عبيده و يفرجها ع الجميع .. و أكيد هيّا مش حاجة صح.
 
عرض العطلة
عرض العطلة
عرض العطلة
أعلى أسفل
عودة
قائمة