ايه اصيع حاجة عملتها و انت مسافر. كل واحد يطلع...

  • بادئ الموضوع بادئ الموضوع Mohamed Mustafa Hamed
  • تاريخ البدء تاريخ البدء
عرض العطلة
#82
كنت راجع من روسيا لمصر و اتأخرت علي الطيارة ( كان فاضل ٤٠ دقيقه بس علي الإقلاع) و مارضيوش يعدوني خالص ، طبعا فاتتني الطياره وروحت شركة الطيران في المطار و قالولي لازم تدفع تذكره جديده وانا كنت خلصت الفلوس الي معايا كلها بجد ، قولتلها بصي بقي انا مش معايا فلوس خالص اشتري تذكره و أوعدك لما تيجي مصر هافرجك علي الاهرامات و أفسحك ببلاش (كانت موظفة حلوة) المهم أتفاعلت معايا و اتأثرت وحجزتلي بعدها بيومين ببلاش بس بترانزيت علي سولڤاكيا و قضيت يومين كمان في موسكو عند أصحابي ( برشطه من غير فلوس)
 
#84
سافرت اسبانيا
وانا في مدريد كل شويه اروح جرى ارمى فلوس للناس اللى بتبقي عامله تماثيل واتصور معاهم
حرفيا ماسبتش حد الا اما اديته فلوس واتصورت معاه
صاحبى قاللى انتى مجنون ولا ايه
ايه كل الفلوس دى انت لاقيها ولا ايه
المهم الصدمه لما طلعتلوا من جيبى كمية جنيهات وانصاص مصرى

بس عملت شوية صور لوز الحقيقه
 
#85
كنت في امريكا و اقف مستني الاتوبيس ...المهم لقيته جاي من بعيد فرحت متمشي كدا ناحيته وشاورتله :) لقيت كل الناس اللي في الاتوبيس بتبصلي والسواق نفضلي ماوقفش... اتاريه بيقف في المحطة بس مش بيقف لحد ... كنت هموت من الضحك لما كل الناس بصولي :)
 
عرض العطلة
#88
كنا مسافرين انا وابن عمى وزوجتنا ودخلنا مول ونسينا نفسنا واشترينا نص المول تقريبا ، الى ان انتبهنا ان حركتنا اصابها الشلل بكمية الشراء ، وكنا محط انظار الجميع فستغليت ذلك وتوجهت للامن وقلتلهم ناس بتراقبنا وعايزين يسرقونا وانا خايف اخرج من المول ليسرقونا .
وطلبت منهم توفير الحماية لنا ، فحملو عنا مشتراياتنا واوصلونا الى محطة الباص
 
#89
كنت في برلين ١٢ يوم وقاطعة تذكرة مواصلات مدة اسبوع
قعدت ٥ ايام مأجلة تشغيلها اكتيف وبدخل اشاور بيها للسواق واقعد
فضلت اركب ببلاش ٥ ايام
نفس الموقف كنت بعمله من ٣ سنين في كان
 
#90
كنت في لبنان وماشي علي هضبه الروشه ونادت عليه واحده الي اسمهم العرافين قلت فرصه اشوف يمكن حظي يطلع ذي السادات وجيهان لما قالته هتبقي حاجه كبيره
المهم بنت التيت قالتلي هات كف ايدك وبصت وقالت انت محسود قلت لا افك الحسد علشان اعرف الي بعد كده كل شويه تقولي هات خمسين الف ليره اديها وانا كنت اول مره وغيرت الفلوس ومعرفش قيمتها سحبت مني حوالي 150 دولار وفي الاخر روحت قفايا يقمر عيش
 
عرض العطلة
#92
كنت في برشلونة و اسعار رخيصة فقررت اشتري كذا حاجة و كنت حاجز مع ريان اير و المفروض ليا هاندباج 7 كيلو بس و كان معايا 4 شنط و مفروض ادفع 80 يورو سبت 3 شنط و عملت تشيك ان وبعد كده عملت اني نسيت الشنط و رجعت جبتهم و طلعت بيهم الطيارة و بقيت بعمل كده علي طول في اي طيران داخلي
 
#93
انا و جوزى كنا في اندونيسيا و كان في هناك بحيره اسمها بحيره الليدو تأجير المركب فيها بمليون و ميتين روبيه جوزى ما شاء الله قعد يفاصل معاهم لحد ما اخدناها ب 400 روبيه .. يحميك لشبابك يا غالى Ahmed Hamouda
و موقف تانى كنا بنأجر العربيه في اليوم ب 500 روبيه و السواق جه على اخر يوم كان عايز يستغلنا روحنا لاغينا اليوم و اخدناها ميكروباصات :-D :-D
 
#94
هههههههههههههههههههه
كنت في دبي من ٣ سنين بحضر معرض ملتقي السفر معرض كبير لكل من يهمه السياحة والسفر
المهم انا وواحد صاحبي دخلنا المترو وقطعنا تذكرة لخط سير معين
طبعا احنا مش شايفين شرطة او كدة فاقولنا نقطع تذكرة ذهاب وعودة ونستخدمها احنا الاثنين
وفعلا اخدنا التذكرة نظامها الكتروني تقربها من البوابة تفتح ٣ ثواني .
دخلت انا الاول وصاحبي في ظهري لزق وعديني احنا الاثنين من البوابة فعلا بتذكرة واحدة.
ودخلنا نستني المترو يوصل
دقيقة ولقينا واحد محترم شيك بيكلمنا بكل أدب اننا نراجع الأمن
اكتشفوا النصباية بتاعتنا بالكاميرات ودفعنا ٢٠٠٠ درهم غرامة
وكانت دي قصتنا مع التهرب المتروي
ههههههههههههههه
 
#95
فاصلت مع بتاع سوفينير في باريس ع 2 يورو وفي الاخر سيبتله الايفون وخرجت وطبعا ضرب عليه وكسب هو الايفون وكسبت انا الاتنين يورو الحمد لله
 
عرض العطلة
#96
كنت في مطار بانكوك وتذكرتي كانت إيكونومي وانا معايا كارت الاميال الجولد بتاع مصر للطيران بس مكانش ليهم لاونچ في المطار
قمت داخل لاونچ البيزنس بتاع طيران الامارات علي أساس اننا كلنا عرب في الغربه وكده وانتخت وانا طالع البت بتقولي انتا دخلت ازاي
عملت فيها مبعرفش أتكلم إنجليزي وسيبتها ومشيت
ونفس الكلام في مطار اتاتورك في اسطنبول الكارت بتاعي كنت نسيته في مصر ومرديتش تدخلني بالرقم بس .. وده كان كان حقي فعلا اني ادخل .. قمت متسحب وداخل لاونچ فرعي وقضيت الكام ساعه أكل وانتخه وكان معايا واحد صاحبي .. سبته وطلعت قفشوه وهو طالع ودفعوه ٥٠ يورو
 
#97
كنت فى تركيا تبادل طلابي لمده سنه و مكنتش طبعا مقيد رسميا كطالب فى الجامعه و كنت عاوز اطلع كارنيه المتاحف اللى بيخليك تدخل اى متحف او موقع اثري تابع للحكومة ببلاش اول مرة رحت المتحف بجواب من الكليه انى طالب اجنبي و ظابط المتحف مارضيش يمشيهالي. بعدين لقيت بعد كده طلاب اوروبا اللى جايه فى برنامج ايرازموس بيجيبو ورقه و عليها صورتهم و بيتخدو الكارنيه عادي فروحت جايب صورة ليا و دبستها في نفس الورقة وروحتله تاني و طلعلى الكارنيه و دخلت معظم المزارات بالكارنيه ده
 
#98
طلبت معايا أصور صورة بالموبايل في شارع اللي يصور فيه بيتفضح ويتشرشح له في أمستردام كبرت في دماغي وعملت حركة مخابراتية وصورت كذا صورة من تحت الجاكيت بدون فلاش بس الصور طلعت واضحة
 
عرض العطلة
عرض العطلة
عرض العطلة
أعلى أسفل
عودة
قائمة