Y
Yehya Elsheref
:: مسافر ::
انا بقي روحت متحف اللوفر في باريس وكان اخويا جاي ليا زيارة من السعوديه وكانت التذكرة بحوالي عشرين يورو خلصنا لف وتعبنا وقلنا نمشي ولسه بدري قلت والله منا ماشي الا لما أبيع التذاكر دي تاني لانها شغالة طول اليوم لقيت ولد وبنت برتغاليين بيتكلموش فرنساوي اديتهم له بالمشاورة كده واخدت منه عشرين يورو بس
أ
أبو فاطمة
:: مسافر ::
انا كنت في الصين وكانت اول مرة اسافر من زمان وكنت في جوانزو وروحت شينزن اجيب بضاعة واتفاجأت انهم حوالي ١٢ كرتونة والشحن في المواصلات ممنوع ولا اتوبيس ولا ف القطر وعشان اشحنهم كانوا هيتكلفوا كتير .
قمت قايل مبدهاش جبت عامل بعربية اللي ببتجر دي من علي محطة القطر ودخلت بالحاجة وقطعت تذكرة العودة لجوانزو كمان وقعدت بالكراتين في الارض .
ويقولولي ممنوع وانا اقول no no وعملت فيها اجنبي ساعة لغاية لما جابولي رئيس المحطة لما ملقاش فايدة فتحلي مكان كده كبير اعدي منه الحاجة وشحنت الكراتين في الطرقة اللي ما بين عربيتين القطر وقعدت فوقيهم .
لما وصلت جوانزو صاحب مكتب الشحن الصيني اللي هيشحنلي مصر مبقاش مصدق اني اول مرة انزل الصين وعملت كده
قمت قايل مبدهاش جبت عامل بعربية اللي ببتجر دي من علي محطة القطر ودخلت بالحاجة وقطعت تذكرة العودة لجوانزو كمان وقعدت بالكراتين في الارض .
ويقولولي ممنوع وانا اقول no no وعملت فيها اجنبي ساعة لغاية لما جابولي رئيس المحطة لما ملقاش فايدة فتحلي مكان كده كبير اعدي منه الحاجة وشحنت الكراتين في الطرقة اللي ما بين عربيتين القطر وقعدت فوقيهم .
لما وصلت جوانزو صاحب مكتب الشحن الصيني اللي هيشحنلي مصر مبقاش مصدق اني اول مرة انزل الصين وعملت كده
E
Ehab Fathi
:: مسافر ::
كنت بصطاد في بحيره في كوريا وبعدين الشرطه وصلت وسالتني عن تصريح للصيد.... طبعا قولتلهم انا اجنبي ومعرفش ان فيه تصريح.... اداني عنوان وقالي هتجيب منه تصريح( التصريح بحوالي 60دولار ) المهم تعدي الايام وبصطاد والاقي الشرطي تاني فوق راسي.... اتفاجأت لقيته بيقولي معاك التصريح..... رميت السنارة قدامة وقولتله انا جاي اساسا اتفرج ع السمك والطبيعه..... بيقولي رميت ليه السنارة..... قولتله انا مش غبي..... السنارة ب20دولار والتصريح ب60دولار.... فطبعا هرمي السنارة كل اما اشوفك ومش هجيب التصريح.... كده ارخص..... مات من الضحك وقالي ابقي تعاله اصطاد من غير تصريح عادي..... هسيبك
A
Aesser ElGindy
:: مسافر ::
في المانيا. كنت بستخسر اجيب تذكرتين للقطر رايح و راجع فكنت بجيب تذكرة واحدة و اختمها من ضهرها و اوريها للكمسري و اقوله معلش ختمتها غلط في ضهرها... و وانا راجع اختم نفس التذكرة تاني من قدام و اخبي الضهر عن الكمسري... نفعت في التلات اربع مرات اللي عملتها فيهم 
بس اتقفشت بعدين لاسباب اخرى و دفعت اللي عليا في الاخر
بس اتقفشت بعدين لاسباب اخرى و دفعت اللي عليا في الاخر
L
Loleta Bassem
:: مسافر ::
انا و جوزي كنا ف كواللامبور و اول مرة نستخدم المترو هناك .. ف النظام انك تحدد انت رايح فين و المكنة بتقولك تمن المشوار و انت بتحط الفلوس ف المكنه .. ف كنا واقفين بنفك طلاسم الموضوع و فجاة لقينا راجل عجوز خالص عمال يشاورلنا ع المكنة و احنا نشاورله ع الخريطة ف المكان الي عاوزين نوصله ومحدش فينا فاهم التاني بس ف الاخر بعد م خلصنا وكله تمام لسة هنمشي لقيناه عماله يشاورلنا عاوز coins قصاد انه عرفنا ندوس فين ع المكنة .. انا بصراحة كنت فاكراه تبع المكان يعني الحكومة الماليزية حاطاه عشان يساعد السياح الي زينا و كدا بس اتضح انه شحات وكان عايز يكمل تمن التزكرة و راح ركب المترو معانا و قعد يشاورلنا من بعيد وانا كل ده خايفه و مكلبشة ف جوزي
A
Ahmed Tharwat
:: مسافر ::
كنت في 5 ابتدائي وبعمل عمره وكنا في فندق في مكة وفيه جنينه صغيرة كنا بنقعد فيها انا ووالدي وامي وطبعا انا كنت صغير وبحب اللعب ف كنت قاعد بالعب وفجأة لقيت عربية جميله وقفت وشاب محترم شكله غني شاورلي بإبتسامة روحتله راح مديني 25ريال من وقتها كنت كل ما امشي افضل ابص ع اي حد في عربية اكتشفت ان ناس كتير بتفرق فلوس والحمدلله حصلت ع 10 ريال تانيين لو كنت اكتشفت الموضوع ده من بدري كنت جبت تمن السفر هههههههههههههههههههههههه