ايه اصيع حاجة عملتها و انت مسافر. كل واحد يطلع...

  • بادئ الموضوع بادئ الموضوع Mohamed Mustafa Hamed
  • تاريخ البدء تاريخ البدء
عرض العطلة
#41
كنا مسافرين اليكس على قدنا من سنتين و معانا حشيش ف لقينا لجنه عسكريه اللى فيها ظباط جيش يعنى ف حطينا الحشيش ف hoodie بتاع صاحبنا من غير م ياخد باله و اتفتشنا و محدش خد باله و عدينا بعدها طلعناه من ال hoodie فضل يزعق و يقول كنتوا هتحبسونى ي ولاد الكلب و كنا هنتقلب xD برا مصر سافرت لندن اسبوع مع خالى بس متحركتش من hotel كنت صغير xD
 
#42
-انا دخلت قصر توبكابى فى تركيا بعد ما قفلوا الباب و من غير ما ادفع تذاكر
-طلبت سى فود فى الصين و لما معجبنيش و بطنى اتقلبت منه قلت للراجل مش هحاسب عليه و أقنعته انه مياخدش منى فلوس
 
#44
اخدت فطار ببلاش لفردين لمدة يومين فى بوكيت عشان عنكبوت صغير مش باين اساسا .. بس صورته وعملت زووم ع الصورة وقولتله عايز تعويض او هنزل الصور ع النت
 
#45
كنت في ميونخ ورايح باريس بالباص .... قريت معاد الباص غلط وروحت متاخر والوقت متاخر بيت في المحطة .. كل ده عادي
وانا قاعد بالليل في المحطة كنت قاعد جنب مكنة ايه تي ام ... المهم واحد سحب فلوس وراح مميل عليا ومديني شوية فكة كده كان مفكرني ..... هههههههههه ...... وانا روحت مرجعهمله وفهمته ... قعد يعتذرلي نص ساعة
 
عرض العطلة
#46
كنت في بلجيكا ماشي في السنتر في انتيفيرب
لقيت كل ما امشي في مكان العرب بيزيدوا ومعرفش ليه وكلهم رجالة
امشي اكتر الاقيهم بيزيدوا
لدرجة اني حسيت اني في بلد عربي
ببص لقيت نفسي في الرد لايت بتوع الناس الوحشين :) :)
وطبعا علشان انا مؤدب طلعت جري من المنطقة وانا مغمض عين ومفتح التانية :) :)
 
#47
كنت ماشي في شارع العرب في بوكيت باينتنج في ماليزيا وسلمت علي واحدة واقفة في الشارع ندهت عليا وبتسالني 150 رينجت قولتلها لا شكرا مشيت ولما فكرت في شكل البنت طلعت ولد وعاملة بنت لادي بوي
 
#49
كنت في ميونخ وقلت اروح المحرقه بتاعت هتلر واليهود قابلت بنات اتعرفت عليهم وانا رايحه فالطيارة قابلتهم في محطه القطر قالولي رايحه فين قلتلهم المحرقه قالولي انزلي وغيرى التذكرة روحي بلد اسمها جارمش فيها جليد وشمس وتتزحلقي وتقضي يوم جميل ماكدبتش خبر غيرت التذكرة البلد دي باه بعيده ٣٠٠ كيلو اتعرفت علي بنت المانيه ولما نزلنا اتخانقت معاها لانها مصرة تروح مكتب الاستعلامات علي بعد كيلو وكانت مطر غير طبيعي وانا مصره اسال اي حد فالشارع المهم الناس وصفولي مكان لازم اخد اتوبيس تاااااني يادي النيله والاخر لقيت مكان علي نهر الرين غاااابه مرعب وزفت فيين لما لقيت اتوبيس مكان ماركبت رحت اكلت في بيتزا هت وركبت القطر ورجعت الساعه ١١باليل من ٧ الصبح يارب يكونوا هنا فالصفحه عشان اقولهم مش مسمحاكوا كل الرعب دا وكنت لوحدي
 
#50
كنت فى باريس بالقرب من البرج وشفت مجموعة ملتفة حول شخص والموضوع كان عبارة عن لعبة زى القمار كده تكسب او تخسر فلوس لو عرفت تحدد الفلوس فى اى علبة من ثلاث علب على الارض ودخلت اجرب لانى شفت الموضوع سهل . جربت 20 يورو اول مرة وخسرت وتانى مرة متأكد انى هكسب وخسرت لكن بفعل فاعل لان اتضح انهم رومان نصابين وكلهم شلة مع بعض بنات وشباب . طبعا كمصرى مينفعش يتنصب عليا كلمت واحد منهم على جنب وقلتله بالرومانى انا مصور كل اللى انتوا عملتوه وفلوسى حالا من غير نقاش لان فى دقايق الشرطة موجودة . الولد اتفاجأ انى بتكلم معاه بلغته وخاف جدا وفى اقل من دقيقة اعطانى فلوسى وكلهم اتحركوا من المكان
 
عرض العطلة
#51
كنت في تركيا في إسطنبول
وقلت اروح بورصة واركب التليفريك
وصحيت الساعة 6 الصبح علشان هناك بيكون طوابير وزحمة في التليفريك
ركبت سفينة كبيرة من كابتاش في إسطنبول 4 ساعات
ومنها ركبت باص كبير لمدة 3 ساعات علشان اروح السنتر ومنها باص داخلي ساعة ونص علشان اطلع للتليفريك
وطلعت ورحت عند شباك التذاكر مالقاتش حد في الطابور.. فرحت ومستني الكاشير علشان اقطع التذكرة مافيش حد
ببص لقيت واحد ميكانيكى ماشي ولا بس عفريتة الشغل ومعاه مفاتيح .. بقوله فين الكاشير ؟؟
قالي مافيش كاشير علشان التليفريك بقاله شهر في الصيانة :( :(
رجعت تاني اسطنبول بنفس الطريقة ودخلت الفندق الساعة 12 بالليل :)
 
#52
وصلت مطار برج العرب الساعة ١٢الا ربع بالليل علي اساس الطيارة الساعة واحدة و١٠دقايق..وبجري عشان الحق الوزن والبوردينج الاقي العمال يقولولي دي زمانها وصلت!!!...قلت ايه الهزار البايخ ده!!!طلع ان الطيارة معادها ١٢و١٠وفرق التوقيت هوا اللي لخبط الدنيا ..المهم بقينا بنجري في المطار جبنا موظف مصر للطيران فتحلنا الكاونتر بتاع شركة طيران تانية بعد ما قفل وحملنا الشنط واخدت البوردينج وداخلة الطيارة ١٢وربع ولحقتها فعلا ازااااي معرفش
 
#54
فى باريس كنت دائما بركب المواصلات من غير تذكرة وفجأة كده ضميرى صحى وقلت اعمل اشتراك اسبوعى وعملت الاشتراك بالفعل ونازل تانى اليوم الصبح بقلب جامد عايز انزل من باص اركب مترو اركب قطار اصيع بقى أفاجأ تانى يوم ان الحكومة عملت اسبوع مجانى لكل المواصلات داخل باريس و كل بوابات المترو مفتوحة وانا الكارت معايا وكمية قهر لا تتخيلوها على ال22 يورو اللى دفعتهم
 
عرض العطلة
#56
كنت في ألمانيا في فرانكفورت بيعملوا هناك مظاهرة كل يوم اثنين والشرطة عاملة تأمين رهيب للمظاهرة فأنا دخلت معاهم وقاعد أصور وأخر انبساط طبعا هما بيتكلموا بالألماني وأنا أنضف من الصيني بعد غسيله في الألماني المهم فجأة طلعلي واحد مغربي قالي انت واقف هنا ليه قلتله أنا مش فاهم حاجه بس بصور قالي دول يهود وعاملين مظاهرة انهم مش عايزين مسلمين جوه أوروبا وطبعا كانت صدمة العلام حلو مفيش كلام (:
 
#57
ف دبي الكارت بتاع المواصلات بتاعهم عامل زي البلاعة كل شوية لازم يتشحن فلوس فبقيت لما اركب المترو امرره عشان البوابة تفتح ف الاتوبيس بقيت امشي كارت الفندق علي المكنة بس كنت بركب م الباب اللي ورا عشان السواق ميشوفنيش ولقيت اسرة هنود كاملة ركبوا ومعاهم كارت واحد مفيهوش فلوس حتي لفرد واحد
 
#58
فى لندن سوستة السرير كانت زى الفل وكنت مقضيها شقلبه لحد ما جبت السرير الارض. نزلت الريسيبشن عملت شويتين مصرى زعيق وتهليل واللذى منه نقلونى اوضه اكبر واحلى.
 
#59
حصلى موقف مسخره السنين فى يناير اللى فات فى كرنفال السامبا فى ساوباولو روحت اتعرفت على ناس اجانب برضه فى الهوستيل وعزمونى اتمشى معاهم واتعرف على ثقافات البرازيلين وبيعملوا ايه واحنا ماشين كل الناس ماشيه بترقص فى الشارع واللى بيحضن واللى بيبوس المهم مش موضوعنا وانا ماشى معاهم ﻻقيت واحد بيبصلى جامد قوى كانه يعرفنى من سنين ومبسوط اوى ومره واحده ﻻقيته بيحط ايده على كتفى وقال ايه بيحسس مسكت فى امه وبتخانق معاه ﻻ قيته بيقولى calma calma اهدى اهدى بقوله انك مجنون وﻻ ايه يا عيل يا عررررض قالى سورى هو انت مش gay شاذ يعنى بقوله شاذ ايه يحرق امك بيقولى امال انت بتعمل ايه هنا البلوك دا only gays شواذ فقط ومن ساعتها وانا مصدوم وتوبه اروح مكان معرفوش تانى
 
#60
حصل لي نفس الموقف في جزيرة ميكانوس في اليونان .. بس كان حفلة في استاد و dj وكلهم gay
وانا واقف معاهم في الطابور عايز ادخل :) :)
 
عرض العطلة
عرض العطلة
عرض العطلة
أعلى أسفل
عودة
قائمة