M
Motaz Hany
:: مسافر ::
هههه الفندق اللي في الصين كان بيسيب تحت عقب الباب كارت كده لخدمة من اياهم "مش محترمة يعني" المهم احتفظت بيه في جيبي قولت اوريه لاصحابي في مصر.
وانا خارج من المطار من الصين كانوا بيفتشوا في جيبي وقعدت ارصلهم حاجة حاجة لحد الكارت ..الست اللي بتفتش بصتلي كده ..وكنت عايز اعمل زي احمد زكي "ودي حتة حشيش مالناش دعوة بيها"
وانا خارج من المطار من الصين كانوا بيفتشوا في جيبي وقعدت ارصلهم حاجة حاجة لحد الكارت ..الست اللي بتفتش بصتلي كده ..وكنت عايز اعمل زي احمد زكي "ودي حتة حشيش مالناش دعوة بيها"
M
Momo Taha
:: مسافر ::
مره كنا متأخرين في مطار روما والموظفه الهبله كانت بتقرا اسامينا بالعافيه المهم الفوج كله طلع الطياره وانا وأخواتي لسه
لقيناها بكل برود بتقولنا علي فكره خلاص مش حينفع تطلعوا علي الطياره
ولازم ندفع ٥٠٠دولار لكل فرد وحيطلعونا علي طياره تانيه وفجأة المصري اللي جوانا طلع وقعدنا نزعق بكل اللغات لقينا الوليه جالها صدمه وراحت تشوف المسؤول ورجعت وطلعونا الطياره من غير ما ندفع نكله
لقيناها بكل برود بتقولنا علي فكره خلاص مش حينفع تطلعوا علي الطياره
ولازم ندفع ٥٠٠دولار لكل فرد وحيطلعونا علي طياره تانيه وفجأة المصري اللي جوانا طلع وقعدنا نزعق بكل اللغات لقينا الوليه جالها صدمه وراحت تشوف المسؤول ورجعت وطلعونا الطياره من غير ما ندفع نكله
Ȝ
Ȝmr Halawani
:: مسافر ::
كنت بدور على مكتب دفع غرامه كسر الفيزا، وكنت متأخر جدا بسبب البوردينج والطياره ناقص على معاد إقلاعها ربع ساعه خلاص، فاتشعوزت قعدت أجرى جوا المطار بالطول والعرض جرى بجد اسأل وهما مش فاهمني وانا طويل شويه وشكلي غريب عليهم فكان منظري زفت وفي الاخر روحت البوليس وهما ساعدوني والطايره اتأخرت وركبت الحمد لله
K
Karim Hesham
:: مسافر ::
كنت في جورجيا و هاركب تاكسي للداون تاون فالسواق فاكرني سايح و هايشتغلني
قالي ٥٠ لازي
قولتله رميديني ؟؟؟؟؟ يعني كام ؟؟؟
قالي ٢٠ قولتله ارا مدلوبا يعني لا شكرا قالي خلا ١٠ قولتله تمام
لان الناس قالتي من ١٠-١٥
و بعدها قعد يتكلم معايا جورجي و قعدت اهز راسي و انا مش فاهم حاجة
قالي ٥٠ لازي
قولتله رميديني ؟؟؟؟؟ يعني كام ؟؟؟
قالي ٢٠ قولتله ارا مدلوبا يعني لا شكرا قالي خلا ١٠ قولتله تمام
لان الناس قالتي من ١٠-١٥
و بعدها قعد يتكلم معايا جورجي و قعدت اهز راسي و انا مش فاهم حاجة
E
Eman A Atef
:: مسافر ::
طيارة اتأخرت ساعتين بسبب اضراب في المطار و كان لازم اركب من باريس داخلي ل بوردو .. طبعا وصلت بعد معاد الطيران الداخلي .. حجزوالي مكانها طياره تانيه بس بالليل و خدو شنطي عليها.. المهم عملت فيها الاستاذه ناديه الجندي و قعدت ازعق عند بوردنج طياره هتطلع كمان نص ساعه.. ووقفت على الباب عايزه ادخل.. بس الصراحه دخلوني ولا اكنه اتوبيس شبرا ..
و بما ان الحرام ما بيدمش فشنطتي ضاعت
و بما ان الحرام ما بيدمش فشنطتي ضاعت