A
Asmaa Fawzy
:: مسافر ::
الحمد لله انك اتبسطت ، بس هقولك بقى المره الجايه من المحطه اسأل اى حد يشاورلك على شارع النبى دانيال هو على يمينك اما تخرج من المحطه هتتمشى فيه هتلاقى طول الشارع ناس بيبعوا كتب هتلاقى كتب حلوه جدا ورخيصه اوى من جنيه وطالع ، اما تخلص الشارع هتلاقى نفسك فى محطة الرمل ادامك البحر ، بس استنى متروحهوش دلوقتى ادخل الشارع اللى على يمينك هتلاقيه مليان سينيمات امشى فيه لحد ما تلاقى الفلاح أحلى كبده بقى سيبك من هريدى خالص عند الفلاح كبده فى عيش فينو واطلب فدان لمون وحوالى ٣٠ نص فينو يدوب هيكفوا لو كملت فى الشارع ده كمان هتلاقى المسرح الرومانى تذكرته ب٢ جنيه ، خلصت ارجع بقى تانى فى نفس الشارع واوصل للبحر وعدى السكه واوصل بحرى لو ليك فى المراجيح والنشان انزل ابو العباس هتلاقيهم جنبه او كمل وانزل القلعه واما تخلص عدى على الشيخ وفيق كل ام على او رز بلبن او اى حاجه عنده هتعجبك ، ارجع بقى وروح استانلى واى مكان على البحر ، بس الاتوبيس ابو دورين اركبه وهو جاى من ناحية البحر واركب فوق وياسلام لو اول كرسى وياحبذا بالنهار هتحس انك ماشى فى البحر ، لسه فى اماكن كتير اوى ممكن تروحها ولو معاك صحبه كمان بتبقى جميله
ونسيت أقولك متطلبش طحينه الكبده الاسكندرانى مش بناكلوها بطحينه تتغرق لمون وبس
ونسيت أقولك متطلبش طحينه الكبده الاسكندرانى مش بناكلوها بطحينه تتغرق لمون وبس
<3