انا انشاء الله بفكر اروح اليونان فى الصيف وكنت...

[Salma Mohammed]

انا انشاء الله بفكر اروح اليونان فى الصيف وكنت عايزه مساعدتكو لو اى حد راح اليونان قبل كده يقدر يقولى على احسن plan اقدر اعملها
انا انشاء الله هروح فى نص شهر ٨ لمده ٥ او ٦ ليالى كنت بفكر اقضى نصهم فى اثينا ونصهم فى سانتورينى بس كنت عايزه اعرف شويه حاجات لو حد عنده اى خبره فيهم
١- اثينا ايه اهم حاجات لازم اروحا فيها وهل فيها beaches وكده ولا لأ وكمان ايه احسن مكان ادور فيه على hotel ولو حد عندو اى reccomendation
٢- سمعت عن رحلاتً الجزر كتيير رودس ومmycons وكريت ف ايه احسن طريقه اروحً بيها هل الferry من peraus ولو حد جربها نظامها ايه وبكام وبتاخد وقت اد ايه
٣-سانتورينى ايه احسن طريقه اروحلها منً اثينا هل طيران ولا مركب وبياخد وقت قد ايه وهتبقى مناسبه عشان بنتى ٣ سنين هتبقى معانا
ولو حد يعرف شركه سياحه كويسه تظبطلى الكلام ده ولا نظبطو احنا احسن !!؟

 

[Ahmed Fares]

اثينا مجرد استيب إن لكن مالهاش اي لازمه في الصيف...سانتوريني وكريت وبس كدا هتنبسطي جدا

 

[Atef Fahim]

B

 

[Mohamed Swelam]

F

 

[Atef Fahim]

أثينا كفاية عليهآ يومين علشان في شهر 8 بتبقى حر وهاتزهقى منها. وفيه حاجات كتير ممكن يبقى الهوتيل في بيريا(peraus ) احسن هايبقى جنبك أثينا وممكن فيه جزر قريبة جدا منك تعتمدى على رحلات اليوم الواحد زي(سالامينا )(اسبيتسيس )(اجيسترى )(ايجينا )

 

[Ahmed Barakat Ibrahim]

انا روحت اليونان مرتين في شهر ٧ و٨ ٢٠١٥ اليونان حوالي ١:٤٥ دقيقه في طيران Aegean ارخص من مصر للطيران هي كلها طيرات صغيره سونتريني حوالي ٦ ساعات بالباخره اعتقد ب٦٠ يوروا وغاليه هي ومكنوس في جزر ساعه واحد زي ما أستاذ عاطف قال الوصول ليها بحوالي ١٣ يوروا الي ٨ يوروا بس ده جزر مش سياحيه اغلب الناس يونانيون ورخيصه اوي الفنادق مباشرتا علي البحر ب ٤٠ يوروا تقريبا بس استجمام مفهاش حاجه تتعمل بليل احلي حاجه في اليونان أكلهم ورخيصه وبيتكلموا إنجليزي كويس اوي

 

[Ahmed Barakat Ibrahim]

هتروحي اثينا شوفي حاجه في ميدان سنتغما او جنب الاكروبوليس وابعدي عّمن ميدان امونيا وفي الباص تور الأحمر والازرق هيلففك اليونان كلها

 

[Ahmed Barakat Ibrahim]

انا كنت دافع رحله والحمد لله راحت مني ٣ جزر ب٨٠ يوروا فقررت بعدين اخد تاكسي للميناء ركبت مع نفسي وروحت جزيره اجيستري المشكله كنت حاجز في جزيره تانيه وروحت ده بالغلط فأعت فيها ورجعت تاني يوم لأثينا وفي جزر كثير جدا أشهر الجزر ميكونوس وسونتريني وسياحية علشان كده غاليين اليونان شبه اسكندريه

 

[Salma Mohammed]

متشكره جداا على رد حضرتك
انا كنت عايزه اسألك ايه احلى جزر اروحها انا هقعد اسبوع تقريباا
وازاى ممكن اتنقل بين الجزر هل فيه معديات اسعارها ايه او ايه احسن نوع او شركه فيهم خصوصا ام هيكون معايا بنتى صغيره فمش عارفه هيبقى امان ولا احسن اخد طيران ؟؟ و لو عندى ٤ ايام مثلا اقسمهم على جزيرتين سانتورينى وكريت ولا اقضيهم فى واحده احسن ؟؟
وياريت لو تقولى الرحله اللى كنت حضرتك حاجزاها دى كانت منين وبكام ولفين وكده يعنى !!؟

 

[Ahmed Barakat Ibrahim]

طلما معاكي طفله انزلي مكان واحد سونترويني ٦ ساعات بالباخره الطيران افضل اكيد بس علشان الضغط احتمال يكون التزاكر غاليه علي رغم ان المسافه بسيطه بالطائرة انا معرفش امكانيات حضرتك ايه مع الفنادق مثلا يبقي الجزر القريبه ممكن تخدي تاكسي بحوالي ١٢ يوروا الميناء من الاكروبوليس او ميدان سينتغما يعتبر أشهر مكانين في اثينا وبينهم حوالي كيلو متر خدي تاكسي للميناء واحجزي بآخره لسونتريني ٦ ساعات بس اسألي لان في بآخره بطيئه وفي سريعه بيختلف شويه في السعر واحجزي ٣ ايام علي حسب امكانياتك وبعدين ارجعي اثينا قبلها بيوم باتي وروحي تاني يوم علي المطار التاكسي حوالي ٣٨ يوروا للمطار من ميدان سنتغما وفي باصات مش فاكر ب٦ يوروا

 

[Tarek Mohamed]

انا حجزت في 15 يوليو في اثينا
في جزيرة ميكانوس يومين ويوم في اثينا
وبعد كدة باقي أوروبا
الجزر ليها مراكب سريعة وعادية من الميناء في اثينا
من ساعة ل 3 ساعات
وافضل جزيرتين ميكانوس وسانتورينى

 

[Adel Ehab]

أثينا يومين بليلتين فيها كفايه.. تروحي acropolis وتلفي في البلد شويه.. اتحركي بمواصلات عامه رخيصة.. نصيحتي.. أربع ليالي كمان تنقي فيهم جزيره واحده وتتبسطي فيها.. سانتوريني جميله روحي بالطياره عشان بالباخره هتاخد وقت وتضيع لك يوم ع الفاضي.. أنا قعدت فيها ثلاث ليالي ومش كنت عاوز اسيبها.. هتروحي كل يوم شاطئ جديد ف ثلاثه أيام وهميه.. وبالليل اسهري ف فيرا تمشيه لطيفه أو ف oia. .. برضه جميله جداً.. أما تسكني احجزي في فيروستيفاني . خمس دقائق مشى من فيرا "وسط البلد" بس أرخص كتير ف السكن والسوبر ماركت.. هتطبخي بنفسك خفيف خفيف وتوفري كتير.. وممكن تحجزي العوده ف نفس وقت طيران عوده مصر عشان ما تفضليش تلفي رايح جاي.. سانتوريني هي أجمل واغلى جزيره ف نفس الوقت.. بس مش هتندمي.. وما تنسيش تاخدي رحله بتاعة اليوم بتاع البركان ب 26 يورو بس هتعجبك..

 

[Salma Mohammed]

يا سلام اخيراا لقيت حد راح سانتورينى انا مش هسيبك
بص انا كنت عايزه افهم حاجات كتيره مش فاهماها فى سانتورينى
اولا هيه فيها اصلا شواطئ ولا كل الفنادق على الجبل ؟؟
ولو حجزت فى فيروستيفانى كل اوتل ليه بيتش يعنى ولا بابليك
- يارييت تقدر تقولى اوتيل يكون كويس جربته او شفته وانت هناك ويكوم سعرو لطيف تقريبا مثلا ١٠٠-١٢٠ دولار فىً الليله
-ً وانا شفت فيه فنادق ناحيه البيتش زى كامارى بيتش مثلا دى تبقى احلى ولا اخلينى فى فيروستيفانى ؟؟!!