مساء الخير، محتاج استفيد من خبرات حضراتكم...

  • بادئ الموضوع بادئ الموضوع Mohammad El Kady
  • تاريخ البدء تاريخ البدء
عرض العطلة
M

Mohammad El Kady

:: مسافر ::
#1
مساء الخير، محتاج استفيد من خبرات حضراتكم للحصول على تاشيرة امريكا
1- هل بيقبلو حجز الاقامة عن طريق airbnb و لا لازم حجز فندق؟ و هل حجز فندق احسن و لا دعوة من صديق امريكي ممكن تمشي؟
2- في حالة العمل المنفرد بدون شركة freelancers ، يعني مفيش جواب من جهة عمل، هل بيقبلو الورق كده علما بان جواب البنك بالحساب موجود و مغطي شروطهم؟
شكرا لحضراتكم
 
#2
امريكا مش بيهتموا بحجز الطيران و لا الاوتيل اهم حاجة الحساب و مايثبت انك راجع و مش هتقيم هناك و روابطك هنا فى مصر
 
#4
خلي بالك في المقابله لازم تكون دماغك حاضره لاي سؤال وبيانات الابلكيشن متكونش متناقضه مع اجوبة المقابله ولو الصديق الامريكي مصري خد التاشيره زمان ومرجعش لحد ما خد الجواز يستحسن متجبش سيرته ولازم يكون عندك ما يفيد انك راجع راجع سواء بشكل ورق او اجباتك وبلاش نكدب بلاش نكدب الناس دي بتحب الحقيقه والكدب عندهم جريمه خليك واضح وخليك سمارت في ايجاباتك وبلاش الكلام كتير في الردود إلا لو طلب منك توضيح
 
#5
للنقطه الاولى حجز اى فندق مش هايفرق كتيير. مش بيبصوا انت حاجز فين بيسالك انت هاتقعد فين وانت بتقول هاقعد فى فندق كذا مده كذاوخلاص
 
عرض العطلة
#6
هم اصلا كانوا كاتبين مش بنشجع على الحجز لغاية التاكد من حصولك على الفيزا. المهم تكون مقنع و كلامك مترتب و منطقى و سليم
 
#7
*اوعي اوعي اوعي* تحط دعوة من حد .. دي بيبقوا حاطينها عشان يشوفوا هترجع ولا هتقعد .. انا اترجت بسببها مع انها كانت ست اكبر مني ب٥٠ سنة و متجوزة و قالي لا .. و ٣ صحابي اترجكوا لنفس السبب .. الاسلم تحجز في فندق محترم free cancelation و مش لازم تقعد فيه لا يحبز فكرة Airbnb او coachsurfing و ياريت تاخد صور لتذاكر رحلات و اماكن سياحية من TripAdvisor و تعمل زي برنامج كده كل يوم هتروح فين .. بنسبة ٨٠٪ مش بيبصوا في ورقك و كل الفكرة كام سؤال عن متجوز ولا لا و مسافر ليه هتقعد فين اجازتك قد ايه من شغلك و لو حب يزود ممكن يسألك عن مرتبك و سفرياتك اللي قبل كده
 
#10
و نصيحه ماتاخذش و تدى فى الكلام خالص. و لا تتطوع بإجابات و لا حكايات و تبريرات ترد بسسسس على اد السؤال و المختصر المفيد
 
عرض العطلة
#12
ربنا يوفقك طبعا في الاول
موضوع ليك حد في امريكا او مالكش حد ده مش مهم بالنسبه له2
اهم حاجه رقم 1 رابط اجتماعي2 يعني متجوز علشان يضمن رجوعك وتاني حاجة هيسالك حضرتك طالع ليه .
الرابط الاجتماعي وتعبيرات وشك هما الأساس
ربنا يوفقك
 
#13
فى سفارة امريكا القنصل اصلا مَش بيبص على اى ورق معاك .. ولا ستيتمنت ولا اى حاجة .. اهم حاجة وظيفتك فى الباسبور ايه والراوبط بتاعتك فى مصر ايه والترافيل هيستورى وشكرا .. .. فيزا امريكا من الاخر وظيفة محترمه فى الباسبور وروابط قويه فى بلدك يا ترافيل هيستورى محترم فى باسبورك .. لو متاح النقطتين دول عندك حتاخد الفيزا .. غير كدة انت وحظك
 
عرض العطلة
#17
الأوراق شهاده راتب وكشف حساب فقط وبتملي ابلكشن طويل عريض هياخد ٣ ساعات لو انت اول مره تملأه وصوره مقاسها يعرفه المصورتي بلاش موضوع عندك حد هناك خالص هي الفيزا الامريكيه سهله جدا ومش صعبه طلما عندك شغل كويس وحساب كويس حاول تعمل جدول الأماكن الهتروحها سياحه ورهالوا لو سالك لو روحت لوحدك هتخدها أكيد لو معاك الاسره هيركزوا في موضوع الولاده
 
عرض العطلة
عرض العطلة
أعلى أسفل
عودة
قائمة