انا مش عارفة الپوست بتاعي مكانه هنا ولا في...

[Hagger Muhammad]

انا مش عارفة الپوست بتاعي مكانه هنا ولا في جروب ارامل جاردن سيتي بس هكتبه وخلاص
انا اجراءات و مشاوير السفر بعدتني جداً عن صحابي القريبين و بتخليني افوّت كل الخروجات للاسف و عشان اول مره اسافر لوحدي القلق و التفكير في الاجراءات مش بيخليني اذاكر ولا انام كويس وعندي فاينالز لدرجة اني بدأت اندم على فكرة السفر من الاول
حد مرّ بكده او عنده فكره عن الموضوع ده يقولي اعمل ايه؟ وحد سافر قبل كده ورجع ندمان او خسر حد من الناس القريبة ليه ف مصر؟

 

[Abdelrahman Fawzy]

عادى..ركزى فى امتحاناتك بس وهما أول مايشوفوا صورك هيحبوكى اوى

 

[Abdelrahman Fawzy]

حصل معايا وكان عندى امتحانات..بس قلت ياد ركز لو محلتش كويس مش هتسافر وكل حاجة هتضيع عالفاضى

 

[Mafesh Menha]

الناس بتروح وتيجي️

 

[Belal Ibrahim]

بالنسبة لأصحابك
وضحيلهم واعترفيلهم بالسبب انك مشغولة واعتذريً وكدة تبقي عملتي الليً عليكي وهم المفروض يقدروا

بالنسبة للقلق دا طبيعي
بالنسبة لتوقع المستقبل والتشائم دا مش صح

المنطقي انك هتنبسطي وهتبقي من احليً رحلات حياتك

انا اول مرة اسافر كان الهند
وقلقت قبلها بس ربنا كرمني بصديقة اجنبية هي وأمها

وفرجتني علي صور سفريتها الهند واطمنت شوية الحمدلله
اطمني
ولوً حصل اي مشكلة او عايزة اي استفسار اسئلي

 

[Hazem Kotb]

بصى انا رجعت شخصية مختلفة فى حجات كتير و تصرفاتى متغيرة عملت مشاكل كتير مع دفعتى و مع بعض الدكاترة
بقيت عندى سخط على الحياة فى مصر
بالرغم من أن انا بدرس فى جامعة احسن جامعات مصر بس مبقتش راضى عنها لان الفرق كبير اوى لانى كنت حاضر مؤتمر فى بولندا و انبهرت بالعلم اللى هناك و حزنت على حالنا
كرهت المنظرة اكتر من الاول هاجمت الأفراح لما شوفت الناس بتتجوز ازاى بسهولة
اغلب البنات هاجمونى و وصفونى بهتلر العنصري =D
ممكن تدخلى فى مرحلة اكتئاب بس لازم تفوقى منها مش هتتكلمى مع كل الناس فى كل حاجة فى حجات هتبقى ليكى و مش هتناقشى فيها حد لان هما مش هيشوفوا اللى انتى شايفاه

 

[Señoría Waél]

غلطانه سافري وتابعي حياتك ،،خلي السفر زي حاجه بتكافئ نفسك بيها اما تنجحي في حياتك واوعي تخسري حد،،مهما تسافري وتتعرفي مش هتعوضي صاحبه قريبه ليكي

 

[Ashraf Sakr]

الأفضل تسافري مع جروب لأني بتعب قوي من السفر لوحدي

 

[Alia Ussmaa Abdulrahmaan]

انتي مسافره فين يا قمر انا سافرت كوريا وقبرص وبجهز لفرنسا وكله لوحدي وكنت زيك قلقانه بس متقلقيش بتعدي وتتاقلمي

 

[DeCo Fraŋko]

ونا زيك بالظبط والله واجلت السفر لبعد العيد بالعافية

 

[Gaiver Wessam]

اول مرة اى حد بيقلق من المجهول عموما بس اول مابتحطى رجلك وتبداى تتاقلمى مع المجتمع خلاص حته الرهبة إلى جواكى هاتقل واحدة واحدة بالتدريج

 

[Maryam Nabil]

جيبي السفر و إجراءاته حجة لعدم مذاكرتك وفشلك الدراسي ... علي اساس انك كل تيرم بترتبي علي الدفعة

 

[Sohaila Ahmed]

معلش هي الميكانيكا بتعمل كده يا هاجر اهدي كده هااااا اهدي بحبك يا بقره

 

[Hager El-kholy]

سفريه القاهره اللى هتفوتيها دى ف رقبتك يا تركيا‍

 

[Signorina Cheiry]

يابنتي فكك من الدراسة و سافري و عيشي حياتك يعني اللي معاهم شهادات عملوا بيها ايه بصي ده امتحان لاصحابك صدقيني هتعرفي مين فعلا اللي بيحبك و مين اللي بيشتغلك فا لو فعلا صحاب جدعان و بيحبوكي صدقيني هيقفوا جنبك و يساعدوكي كمان في إجراءات سفرك لو حد فيهم يقدر يعني يقدملك مساعدة أو حتى على الاقل تشجيع صدقيني دي فرصة تعرفي فعلا مين الصاحب الكويس و مين اللي أي كلام و ربنا يوفقك ان شاء الله

 

[Ahmed Anwer Hassanine]

انا رايح بودابست و اسبانيا بعد رمضان مباشرة اللي عاوز ييجي يبعتلي

 

[Mic Heal]

انا فاكر انى رميت القصه كلها ع ابن عمتى حتى هنهمل ايه هوا ظبطو

 

[Dalia Tawfeeq]

البوست دا رجالي اوي
الستات مالتي تاسك
لا اجمدي كدا دا انا دايما بافتخر ان الست تعرف تتجوز وتربي وتعمل ماستر وتطبخ وتودي الولاد التمرين وتذاكرلهم
كل دا في وقت واحد وهي سايبة ايدها
رتبي وقتك واللي متلحقيش تقابليه اتواصلي معاه بالتليفون
فترة وتعدي والناس بتعذر

 

[Ehab Khalil Sawiris]

انا برضو كدة بلظبط حاجة وحشة اوي

 

[Luna Omar]

روووقى..السفر اضافة جميلة و استمتاع و تعلم و كله باوانه. Happiness is the journey and not the destination
مذاكرتك اولوية و السفر مش هيطير و الغرض منه انك تنبسطى مش تشيلى حمل زيادة