S
Shaimaa Said
:: مسافر ::
انا روحت مع جروب . دول متطوعين بيحبوا السفر مش شركة سياحة . هما اللي اتفقوا و نظموا الرحلة . بيبقي معاك اتوبيس عادي لغاية اول طريق الواحات بعد كده بنتقسم علي عربيات 4x4 دول ناس من اهل الواحات متخصصين في رحلات السفاري . العربيات كلها بتتحرك مع بعض لغاية ما بتوصل للكهف و بيبقي معاه الصحراء البيضاء برضه . ممكن كمان يبقي في كامب و تبات ليله في الصحراء و ده من احلي التجارب اللي ممكن تعملها بتفرق في شخصيتك تماما و تعريفك للرفهاية بيختلف للابد :-D بتحس بضوء القمر و بتشوف النجوم ودا عمرك ما حتشوفوا في القاهرة .طبعا مافيش موبايل و لا انترنت بتفصل تماما . بعدها قضينا يوم في الواحات في فندق 3 نجوم بسيط . مغامرة حلوة الحقيقة رغم انها مرهقه
S
Shaimaa Said
:: مسافر ::
محمية الصحراء البيضاء ..وهى عبارة عن متحفا طبيعيا مفتوحا من الاشكال الربانية التى تشبه الى حد كبير حيوانات او اشكال تلقائية وكانها معرضا تشكيليا منحوتا وتتميز المحمية بجمال مناظر الكثبان الرملية والتكوينات الجيولوجية لصخور الأحجار الجيرية والطباشيرية ناصعة البياض وما تحتويه من حفريات
S
Shaimaa Said
:: مسافر ::
عين السرو السحرية .. ودى بقى حكايتها ولا الاحلام حكايه غريبة شويه دى عين جوفيه مياهها عذبة صالحة للشرب موجودة فى محمية الصحراء البيضاء بالوادى الجديد وهذه العين الغريبة تظل جافة طوال الوقت الى ان يقترب منها كائن حى سواء انسان او حيوان فتبتدى الارض تخرج منها مياهها حتى تمتلئ العين بالمياه طبيعيا وبدون اى مقدمات او علامات حتى يستخدمها الكائن الحى سواء للشرب او الاستحمام وبعد ان يمضى هذا الكائن الحى تبتدى العين فى الجفاف تدريجيا مرة اخرى (للعلم شاهدنا هذا المكان باعيننا فى اكثر من رحلة للصحراء البيضاء) ويقال ان التفسير العلمى لهذه الظاهرة هو ان الارض فى هذه المنطقة تشبه قطعه الاسفنج اى ان فى باطنها مخزن مياه جوفيه وكملما تم الضغط على الارض والمشى حول العين السحرية يتم الضغط على الارض لتخرج المياه المخزنة فى باطنها تدريجيا وهكذ
