A
Ahmed Fathy Al-gameel
:: مسافر ::
ازاي الواحد ممكن يوفر مبلغ اضافي من دخله لشغفه بالسفر ... هي في البداية قلت شغفه بالسفر ﻷنه فعلا شغف ... ولو مكنش شغف يبقى الواحد مش هيقدر يوفر المبلغ ده ... الفكرة نسبية جدا ... يعني ناس كثير مرتبها معقول وناس تانية مرتبها كويس جدا وعالي ... نيجي نحسب كمية الفلوس الزيادة اللي بتضيع في شغف بالنسبة له بس شغف أخر غير السفر ... وناس كثير ممكن كل يوم أو كل اسبوع يقعد في كافيه ويصرف مش اقل من 50 جنيه ... بس هو بالنسبة له تجميعته مع صحابه في اماكن زي دي ويصرف بالشكل ده عادي ... شوف المبلغ اللي يقدر يوفره شهريا كام ... فيه ناس كل يوم لازم خروجتها مع صحابها تلازمها عشاء جامد في مطعم غالي ... فيه ناس بتغير موديل الموبيل كل سنة او كل ماينزل جديد أو على الاقل كل فترة وبالنسبة له ممكن يدفع تقريبا ثمن سفرية كاملة بمصريفها في جهاز مابيستخدمهوش غير انه يتكلم به بس اسمه معاه جهاز موديل السنة او بامكانيات كذا ... وفيه ناس ممكن يكون مرتبها على القد او دخله قليل بس ممكن يستلف أو يقسط علشان يجيب موبيل حديث أو يجيب حاجة هو عايزها حتى لو سعرها عالي عليه ... وفيه ناس كثير دخلها مش كبير وتلاقي لازم يجيب لكل ولاده موبيلات جديدة وحديثة ... وللاسف الضغط المجتمعي حول الناس لكده ... وفيه انماط كثير وهي نسبية جدا ... يعني الانماط الكثير اللي بنستغرب بتضيع فلوسها ليه في الحجات دي ... ممكن تكون بالنسبة لها الحجات دي هي المهمة بالنسبة لها ... وبالنسبة لها السفر برضوا شايفنه جنان والناس اللي بتحبه برضوا بتضيع فلوسها في حجات ملهاش لازمة ... من الاخر اللي في نفسه في حاجة هيعملها واللي بيبحب فكرة السفر ... وممكن يوفر او يشتغل اكثر او يعمل شغل اضافي او فري لانسر او غيره لارضاء شغفه بالسفر ... واللي سافر قبل كده عمرك ما تقدر تقنعه انه يفضل عايش دون شغفه ... السفر متعة ... السفر تجربة حقيقة واقعية ... السفر اضافة لخبراتك العملية عمر ما حياتك المهنية هتقدر تدهولك من غير ما تسافر وتشوف أمم وشعوب ودول لو انت قاعد في مكتبك وفكرت أنك بكده فهمت الدنيا أعرف انك لسه متعرفش عنها حاجة غير بالسفر ... في عشق السفر والترحال ... الخلاصة سافروا