ملاحظ ان ناس كتير فى الجروب شايفه السفر صعب؟ بقولهم لا والله... ياريت الناس...

  • بادئ الموضوع بادئ الموضوع Mohamed Lamie
  • تاريخ البدء تاريخ البدء
عرض العطلة
M

Mohamed Lamie

:: مسافر ::
#1
ملاحظ ان ناس كتير فى الجروب شايفه السفر صعب؟
بقولهم لا والله...
ياريت الناس اللى سافرت كتير تحكي عن :-

-شعورها اول مره تسافر وقد ايه كان متلخبط وحاسس ان الدنيا صعبه.

-وشعورها بعد ماسافرو كتير وبقو محترفين سفر وبقي وهو طالع المطار كأنه رايح لمصر الجديده من الهرم مثلا..

علشان الناس اللى بتخاف ومش مستوعبه ان الموضوع سهل تبدأ تحاول وتبقي حابه تجرب وتعيش نفس الحاله واللى اكيد هتفرق فى حياتهم.

التجارب دي بالتأكيد هتفرق مع كل الناس اللى نفسها تسافر وشايفه السفر صعب... وهو عكس كده فعلا...

كنا مفكرينها صعبه فى الاول والله ...
بس طلعت سهله وممتعه
ما تضيعش عمرك..
لازم تسافر...........
 
#2
انا سافرت كتير جدا كنت دايما بسافر من غير تخطيط برنامج وده كان بيضيع مني الوقت وكمان في اخبار كتيره كنت يأخدها من النت كانت غلط زي الأمان والطقس في البلد اللي مسافر ليها
 
#5
انا كنت مفكر السفر مستحيل وكنت بستغرب الناس بتسافر ازاى و بالفعل سافرت بطريقة انتحارية وبعد ما سافرت ووصلت حتى الان لبريطانيا . اكتشفت اد ايه انا كنت كسول ومحبط من غير سبب . والموضوع طلع شوية أوراق ومبلغ من المال فقط . الحمد لله على كل حال
 
عرض العطلة
#6
المسافر بيتولد مسافر بالفطرة ... طبعه السفر ... عشقه السفر ... بيته السفر...حلمه السفر.
لما تسافر هاتها من تحت ... يعني ابدأ ببلدك علشان تعرف تقول انت منين.
لما تسافر البس كويس وخليك بشوش ومبتسم ... خليك متواضع ... اوعي تعمل فيها من اثرياء القوم ... انت سفير شعبي لوطنك .
لما تسافر ابدأ بدولة مش شينجن علشان تعود عينك و ودانك ... وبعدها طير زي ما انت عاوز ... حاول تنفع بلدك بسفرك ... حاول تركب مصر للطيران لو قادر ... حاول تشيل معاك اي شئ يدل ان من اقدم واعظم بلد في العالم.
لما تسافر حافظ علي دينك مسلم او مسيحي.
لما تسافر حط ربك وبلدك بين عينيك
 
#7
اول مرة طلعت برة كان وانا رايحة الاردن فاتتني الطيارة وحجزت اللي بعدها لما ركبت ووصلت انا كنت طايرة رجلي مكانتش ع الارض والله انا كنت نفسي اسجد علي ارض مطار الملكة عليا من كتر السعادة اني روحت بلد مختلفة سامعة لهجة مختلفة معايا عملة مختلفة مكنش مصدقة تاني مرة ماليزيا نفس الانبهار ونفس السعادة بس بتوصل بتتعامل كانها بلدك باة التوهان باة احساس جميل مش بيدعو للخوف ولا حاجة اختلاف الاكل مبقاش يخنق وانا رايحة المغرب خلاص باة مرتاحة وبتحرك براحتي ف الطابور كانه طابور العيش مثلا
 
#8
الانترنت اهم رفيق لو مسافر لوحدك وهو منقذ كمان
القراءة كتير عن مواصلات البلد
في البروجرام خلي يوم او يومين فاضيين (حسب طول المدة) تحسبا لاي ظرف طاريء تتوه او يسقط منك معلم او تكتشف مكان جديد يستحق الزيارة
اللغة ثم اللغة قم اللغة بتفرق كتييير
حفظ الفلوس والجوازات وكروت البنك والحفاظ عليها
كل البلاد السياحية وارد تتعرض للسرقة فيها
دي كلها حاجات اتعلمناها بالتجربة والخطأ وفرقت من اول سفرية للآن كتير
 
#9
اول دوله استفدت منها كانت تايلاند ودي أرخص دوله زورت بانكوك وكانت الريحه في الشوارع فظيعه وزورت بطايا ودي كانت جميله جدا ونظيفه ومنظمه وناسها عملييين والملابس والجلود رخيصه جدا وبيشتغلو بضمير
 
#10
اول مره سافرت تركيا كانت من حوالي عشر سنين وأول لما نزلت في مطار اسطنبول لقيت كمية ناس مش طبيعيه وانا الانجليزي بتاعي ضعيف بس مشيت من عند ربنا وخرجت من المطار بصعوبه اللي نفعني المرشد السياحي كان منتظرني وهو فلسطيني فهمني كل حاجه عن البلد وأهمها انك ما تتعملش مع اَي حد لانه بيدبسك في فاتورة مطعم كبيره واوتتعرض السرقه وطبعا بيستدرجك بطرق مختلفه والتاكسي لما بيعرف. انك اول مره في تركيا بيلف بيك كتير وبيغلطك في الفلوس مثلا لو أعطيته ٢٠٠ لبره يقولك لا انت أعطيتني ٢٠ ليره هو بيغيرها بسرعه وأحلي حاجه في تركيا الملابس والاكل
 
عرض العطلة
#11
بعد كده سافرت دبي وهي بلد جميله جدا وأحلي وقت الزياره شهر يناير وفبراير ومارس ده مهرجان السياحه والتسوق العروض يتبقي جامده جدا
 
#12
بعد كده بقيت اسافر انا وصديق ليه روحنا قدمنا علي تاشيرة قبرص بس كانت توقيت السفر غلط في ديسمبر روحنا لارنكا وايماسول هي كانت برد وهي تنفع للاستجمام. البنات تقريبا هما اللي شغلين كل حاجه بيعملو فكرة التاكس بالتليفون بيعدي يجمع الناس يوديهم مناطق محدده وهو رخيص
 
#13
بعد كده قدمنا علي تاشيرة اسبانيا صاحبي أنرفض وانا جاتلي التاشيرة وكنت حلغي السفر وصاحبي نصحني بالسفر علشان التاشيرة سافرت وكانت اول مره أوروبا قعدت يومين ورجعت البلد غاليه جدا فنادق وتاكسي وملابس
 
#14
سافرت لبنان بلد جميله فيها مغارة جعيتا كلها تلج وتحفه طبيعيه وفيها أطول تلفريك من جونيه الي حريصه الاكل تحفه التاكس غالي جدا مفيش اَي شوبنج
 
#15
روحت سوريا قبل الدمار اقسم بالله كانت جميله في كل حاجه ملابس اكل مواصلات اَهلها طبيعتها والمسافه حوالي ساعه وتلت طيران ودخلت لبنان من سوريا بالباص حوالي ١٢٠ كيلو
 
عرض العطلة
#17
قدمنا علي فرنسا تاني وطلعت التاشيرة متعددة وسافرنا فرنسا وفيها أشهر عملية نصب أني يجيلك حد معاه خاتم دهب صيني يقولك ده وقع منك بحيث ياخد منك اَي مبلغ علي انه دهب حقيقي وناس معاهم دفاتر بيلمو فلوس زي معونة الشتا عندنا برده نصب المهم فرنسا بلد جميله جدا وبرضه قبل التعويم كانت غاليه في كل حاجه كل مكان فيها يستحق الزياره الفندق كان ٣ نجوم وصغير بس كان نظيف جدا انصح بعدم اكل اَي لحوم هناك ومنها سافرنا روما طيران فندق ٤ نجوم سيّء جدا
 
عرض العطلة
عرض العطلة
أعلى أسفل
عودة
قائمة