وادى الوشواش. دة وادى ومحمية طبيعية موجود فى جنوب سيناء قريب جدا من راس...

[Mohamed Abdo]

وادى الوشواش. دة وادى ومحمية طبيعية موجود فى جنوب سيناء قريب جدا من راس شيطان وقريب جدا من طابا.. الوادى دة عبارة عن مياة الامطار من قوتها نحتت(نحت) فى الجبال الموجودة فى جنوب سيناء وعملت زى حمام سباحة طبيعى من مياة الامطار فى قمة الجبل من فوق.. علشان تروحة بتطلع رحلة رخيصة جدا تمنها 230 جنية بتروح فيها طابا وبتشوف القلعة اللى على حدود 3 دول(الاردن_السعودية_فلسطين المحتلة) هبقى اكلمهم عليها لما انزلها صور لوحها المهم وادى الوشواش بنروحة من راس شيطان بعربيات 4*4 او لاند كروزر والعربية بتقف عند مكان معين مش هتقدر تكمل فية وبنمشى على رجلينا لمدة نص ساعة بين اجمل منظر جبال فى العالم الجبال الملونة وبعدين بنعدى على جزيرتين بنعدي من عليهم وبعدين بنطلع حتة كدة بالحبل وبنوصل فى قمة الجيل وبنشوف وادى الوشواش

 

[Mostafa Sasa]

انا من الناس اللى عامت فى المكان ده كانت درجة الحرارة -3

 

[Mohamed Abdo]

شوفت الصدمة بتاعت الماية عاملة ازااى

 

[أريج الورد]

Mohamed Elafandy, مصطفى الأفندي, Nany SuLtan, Semona Semona, Aya Samir, محمد غانم شوفو

 

[Sama Ahmed]

بصراحه رحتها وكانت متعبه جدا ومحبتهاش

 

[Mohamed Abdo]

ازاى بس.. هى متعبة لانك رايحة رحلة يوم واحد.. لكن هى جميلة دة كفاية الجبال الملونة اللى مشيتى جمبها حوالى نص ساعة على ماتوصلى لوادى الوشواش

 

[Sama Ahmed]

انا مكنتش رايحه يوم واحد انا كنت اقعده في اوتيل في نويبع وتاني يوم رحت سانت كاترين بس بجد رجعت عندي تقريبا كده رباط صليبي ومكنتش قدره اقف علي رجلي .. يعني ليه افضل ماشيه في الجبل اكتر من ساعه وبعدين اتسلق جبال وبعدين انزل من حتة في الجبل لو حد تخين شويه هايتحشر فيها وبعدين انزل في مية سقعه تلج واطلع منها وامشي تاني وادخل في خرم كده انا لحد انهارده مش عارفه انا عديت منه ازاي وبعدين انزل في مية اسقعه واكبر من اللي قبلها وبعدين ادخل في خرم تاني خالص غير اللي قبله عشان اشوف المنظر الجميل ده خمس دقايق بس عشان الحق ارجع نفس المشوار اللطييف ده بس الفرق ان لبسي كله مية والشمس غربت والجو بقي ساقعه جدا ... لا بجد كانت حاجه كده عزاب وكان فضلي خمس دقايق لو مكنتش وصلت الاوتيل كان هايجيلي نزله شعبية وسعال ديكي معرفش يعني ايه سعال ديكي بس انا فعلا وكل البنات اللي معانه والشباب كمان كنا هنموت خلاص

 

[Mohamed Abdo]

اجمل مغامرة فى حياتى جبل موسى.. قعدت 3 شهور اطلعة كل يوم جمعة

 

[Mohamed Abdo]

لية بس كدة Sama Ahmed

 

[Sama Ahmed]

ليه ايه ده انا اطلعه مره واحده بالعمر

 

[Mohamed Abdo]

لا انتى ليكى رحلة تانية معانا وهطلعك الجبل

 

[Sama Ahmed]

والمصحف ابدا ولا تحصل .. بس انا عايزه اروح جبل الالوان

 

[Mohamed Abdo]

ماشى اول رحلة لجبل الالوان هقولك

 

[Ma Donna]

انت روحت طابا منين !!

 

[Abdel-Rahman M. Robi]

ممكن تفاصيل الرحلة لو كنتو جروب ولو كانت شركة او حد معين اللي كان منظم الرحلة تعمله منشن ويورينا النظام والتفاصيل .

 

[Bassant Ahmed Ali]

Fatma هنروح ولا لا؟

 

[Hany Adel]

طبعا ماينفعش يتعمل جوه برنامج رحلتين متعبين يعني يا اما سانت كاترين يا اما وادي الوشواش...ثانيا سانت كاترين ده اختم بيها الرحلة مش ابدء بيها و اخلي الناس نايمة بقية الايام في الفندق من تكسير الجسم هههههههههههه

 

[Shaimaa Shiba]

جهزي اماكن مصر عشان لو معرفناش نطلع براها Omnia Esam

 

[Maisoun Mostafa]

Mariam Mostafa

 

[Nehad Rabiea]

انا دايما اقول مصر هى فعلا عاصمه السياحه علي مستوى العالم بس مين يقدرها بس