M
Mostafa Khaligy
:: مسافر ::
انا أول مرة هكتب حاجة علي الجروب بس انا إستفدت منكم و روح التعاون و المحبة اللي لاحظتها هنا في الجروب دا شجعتني اني اكتب و اساعد باي معلومة بسيطة.
انا بحكم شغلي سافرت كذا بلد و مع اني كنت بزور البلد دي ساعات قليلة الا اني كنت بستمتع جداً. إكتشفت ان معظم البلاد جمالها بيكون مش في العاصمة بتاعتها زي مثلاً ماليزيا زرت كوالا لامبور و زرت لانجكاوي و كانت لانجكاوي احلي بكتير بس دي انا كنت رايحها سياحة و في لانجكاوي الحياة بسيطة جدا و ممتعة جداً و اكتر حاجة كانت ممكن تاخد فلوس كانت المواصلات و كان الحل بسيط جداً. انا و مراتي أجرنا سكوتر و دا طبيعي هناك البلد معظمها سكوترات سواء اجانب او اهل بلد و علي فكرة نزلت البحر بمفتاح السكوتر و ضيعته الناس عندها امانة و محترمين جداً و دفعت غرامة ٥٠ رينجيت عشان كان سكوتر جديد ولو سكوتر قديم كنت هدفع ٢٠ رنجت ما علينا المهم لو هتأجر سكوتر متنزلش بالمفتاح البحر. دبي بكل بساطة بالنسبة لي شوبنج و بس و انا شايف انها مملة مش بتاعة فسح و خروجات. الغريب بقي في الموضوع ان اليمن زرتها في عز الحرب و كانت مدينة المكلا و علي فكرة البلد تحفة و جمال رباني ملوش مثيل و احلي حاجة من هناك العسل الجبلي. تايلاند روحت بلد صغيرة اسمها مابتابوت و البلد دي او تايلاند بشكل عام اكلها وحش جداً و معظم البلد قايمة علي الدعارة بس حاجة واحدة اللي عجبتني هناك ان المحلات بترفض اي عملة غير البات التايلندي و محلات معينة بتحول العملة و كلهم نفس السعر اللي هو سعر البنك. انا طولت في البوست دا و ان شاء الله اكتب بوست تاني اكمل فيه
انا بحكم شغلي سافرت كذا بلد و مع اني كنت بزور البلد دي ساعات قليلة الا اني كنت بستمتع جداً. إكتشفت ان معظم البلاد جمالها بيكون مش في العاصمة بتاعتها زي مثلاً ماليزيا زرت كوالا لامبور و زرت لانجكاوي و كانت لانجكاوي احلي بكتير بس دي انا كنت رايحها سياحة و في لانجكاوي الحياة بسيطة جدا و ممتعة جداً و اكتر حاجة كانت ممكن تاخد فلوس كانت المواصلات و كان الحل بسيط جداً. انا و مراتي أجرنا سكوتر و دا طبيعي هناك البلد معظمها سكوترات سواء اجانب او اهل بلد و علي فكرة نزلت البحر بمفتاح السكوتر و ضيعته الناس عندها امانة و محترمين جداً و دفعت غرامة ٥٠ رينجيت عشان كان سكوتر جديد ولو سكوتر قديم كنت هدفع ٢٠ رنجت ما علينا المهم لو هتأجر سكوتر متنزلش بالمفتاح البحر. دبي بكل بساطة بالنسبة لي شوبنج و بس و انا شايف انها مملة مش بتاعة فسح و خروجات. الغريب بقي في الموضوع ان اليمن زرتها في عز الحرب و كانت مدينة المكلا و علي فكرة البلد تحفة و جمال رباني ملوش مثيل و احلي حاجة من هناك العسل الجبلي. تايلاند روحت بلد صغيرة اسمها مابتابوت و البلد دي او تايلاند بشكل عام اكلها وحش جداً و معظم البلد قايمة علي الدعارة بس حاجة واحدة اللي عجبتني هناك ان المحلات بترفض اي عملة غير البات التايلندي و محلات معينة بتحول العملة و كلهم نفس السعر اللي هو سعر البنك. انا طولت في البوست دا و ان شاء الله اكتب بوست تاني اكمل فيه