يا جماعه بعد اذن الادمن الناس اللي داخله الجروب علشان تحقد ع الناس اللي...

[Sayed Essam]

يا جماعه بعد اذن الادمن الناس اللي داخله الجروب علشان تحقد ع الناس اللي بتسافر وبتفرح وعلشان كل شويه واحد يقول انتو بتجيبو الفلوس منين ؟ والله العظيم في ناس بتسافر وبتغسل صحون ف مطاعم بررره وبتنضف مطاعم وشوارع علشان تجيب الفلوس اللي هتفرح بيها فا ياريت يا جماعه بلاش النظرات دي للناس لاننا صعبه ولتقل خيرا او تصمت ... اتعلم منهم تفرح ازاي بدل ما تحط ايدك علي خدك وتنبر علي ده وتنق علي ده
#صفو_قلوبكو

 

[Mahmoud Lamloum]

معلش بلاش تضحكوا علي الناس و تقولوا السفر رخيص و سافروا اصل انا باخد تأشيرة شنجن و اروح اغسل صحون في اوربا
السفر مش رخيص السفر عايز إمكانيات
الا اذا ٢٠ او ٣٠ الف دول مصروفات نثريه بالنسبه لك.
انا سافرت اوربا و حوشت سنه علشان اسافر و رجعت مديون بسبب المصاريف و الرحلات هناك
الي عايز يسافر يحوش و يسافر و يحوش كتير كمان السفر غالي و مكلف

 

[Sama Ahmed]

بس ده ممكن يكون سؤال عادي مش بيحسد ولا حاجه عايز يعرف بتغطه تكليف الرحلة ازاي

 

[Amr Shawky]

ممكن يا استاذ سيد تقول تجربتك في تايلاند وكوريا Sayed Essam

 

[Morena Kaci]

يا جماعة من رأيي تأخذوها بروح دعابة، مش نق ولا حاجة، كثير من المرات اضحك على البوستات دي وادعي في نفسي انه ربنا يسهلها لهم في سفرية

 

[Mohamed Esmaiel]

 

[Maisoun Mostafa]

احسنت

 

[Maiaya El-Sayed]

Gr

 

[Hagar Mostafa]

ف

 

[Mohammed Foaad]

ro7 sherera

 

[Dalia Tawfeeq]

والله قلنا كتير يا استاذ سيد اننا لا وارثين ولا بنسرق
واننا بنشقى يمكن اكتر كتير من اللي بيسأل دا
انا باخد اوفرتايم واسيب بيتي وباخد شغل برايفت اسهر اعمله بدل ما ارتاح او انام غير الوطيفة
ومتأكدة اني مش اكتر حد بيتعب اكيد فيكم اللي بيتعب اكتر مني بكتير
في الاخر كل انسان عندو شغف عشق سوسة ايا كان اسمها بس بيوافق يتعب عشان يعملها
واحنا شغفنا السفر

 

[Capten Mido]

انت هنا يااستاذ سيد

 

[Reham Elsharkawy]

صح !
انا اشتغلت 4 سنين الكليه مكنتش بخرج زي صحابي وكنت شغاله فاسكندريه و القاهره فنفس الوقت و مع دراستي ، و حوشت و سافرت

 

[Hend Elbanna]

اه والله عندك حق حوشت وطلع عيني ودلوقتي قعدة باكل اي حاجة وبتمشي وخلاص
ومازالت خايفة الفلوس الي معايا تخلص وانا لسه بقالي يومين بس في الهند وبروجكيت الايزيك لسه مبدتاش
ولسه قدامي شهرين هنا

 

[Omnya Khaleel]

ع فكره ممكن يكون سؤال عندي وبياخد خبره اي المشكله وانا واحده عمري ماسافرت بس باخد خبره من الجروب هنا عشان لما اخد الخطوه دي ابقه حسباها صح

 

[Ahmed Mohamed]

يعم هما ولا بيبحقدوا ولا حاجة الناس تسأل بحسن نية وفيه ناس بتقول انا بحقد كهزار , انت مكبر الموضوع

 

[Emy Emem]

طيب ايه المشكلة ، احنا ساعات فعلا بنستغرب من التكاليف ، وكمان ممكن ننفسن ونتساءل ونقر ونحسد عاااااتى . ثم كل واحد ربنا مديله حاجة مش عند التانى ، انتوا مثلا بتسافروا وتلفوا العالم من شغلكم اللى بتتعبوا وبتتسحلوا فيه ، انا مثلا أهلى بيصرفوا عليا ومدلعينى عالاخر وبيفسحونى جوه مصر طيران كمان وبروح اعمل عمرة وكل ده من غير ما ادفع ولا مليم .