من فضلكم يا حضرات ارجوا الافاده من الساده اللى سافروا كتير جورجيا الموضوع...

[Mohamed Elashkèr]

من فضلكم يا حضرات ارجوا الافاده من الساده اللى سافروا كتير جورجيا
الموضوع مختلف معلش أنا عايز اعرف لواحد صاحبى لديه محل شنط فى الاسكندريه دخل عليه ناس من جورجيا واقنعوه بشغل وتم النصب عليه فعلا واخدوا منه ١٠٠٠٠ دولار بدون إعطاؤه اى مستندات ازاى الله اعلم المهم هو لايملك الا صور جواز السفر ليهم وهو مش معاه لغه خالص وماتطلعش بره مصر
السؤال
لو سافر يبدأ منين هل السفاره ولا الشرطه والا البحث بالعنوان وهل ممكن مثلا يلاقى حد يستقبله لارشاده والترجمه زى مابنعمل فى الصين ممكن تلاقى مترجم ومرشد بأجر
وشكرا اعزائى جزاكم الله خيرا

 

[Bahaa Aldeen Farouk]

هو مين اللي سرقه جورجيين و لا مصريين ؟

 

[Ahmed Montasser]

أستاذ محمد من غير ورق لا اعتقد ان حد حيديلوا اهتمام الا اذا كان صاحبك دهً مثلا عنده كاميرا فيديو مصور الواقعة كلها وبالنسبة للسفارة المصرية فكل عام وأنتم بخير ي اي بلد في العالم

 

[Bahaa Aldeen Farouk]

للاسف مافيش سفارة مصريه في جورجيا

 

[Alaa Yassine]

طيب معلش جورجيين وفي اسكندرية ؟؟ وكمان اقنعوة بشغل ازاي وهو مش معاة لغة ؟؟ يعني هما فهموة ازاي ولا هو فهمهم ازاي ؟؟

 

[Ashraf Ahmed]

دى عصابات و لو سافر جورجيا ممكن يتعرض لمشاكل هناك و مش هيقدر عليهم و هو لوحده و بدون لغة
ربنا يعوض عليه و ممكن كإجراء يعمل محضر هنا فى مصر طالما الواقعة فى مصر لعل و عسى يعملوا نشرة دوليه لو اتقبض عليهم فى يوم ما فى بلد تانية

فى الصين كان فيه مصريين بينصبوا على الصينيين هناك فى بضائع و تجارة و ميبعتوش الفلوس بعد ما يستلموا البضاعة فى مصر
الحكاية دى حصلت مع واحد من بورسعيد عمل فهلوى و نصب عليهم
الصينيين الصيغ استدرجوه للصين و خطفوه و حبسوه عندهم لغايه ما اهله حولولهم الفلوس للصين

 

[Mohamed Awad]

خدة منة الف دولار ولا ١٠ الاف دولار

 

[Alaa Yassine]

ياجدعان والله هاتلاقيهم مش جورجيين اصلا. هاتلاقيهم مثلا من الدول اللي كازاخستان ولا قرغيزستان اللي هما شبههم . اصل مفيش جورجي بيتكلم عربي نهااائي ودة حتي الانجليزي قليل جدا اما بيتكلموة . والناس دي امينة جدا انا موبايلي كان وقع مني في عربية علي جبل وبعد مانزلت لقيت السواق نازل ورايا وبيعطهولي

 

[Mohamed Awad]

ازاى يديهم مبلغ كبير كدة وبدون اى ضمانات

 

[Marwan M Sobhy]

لو الحكاية دي مكانتش قصة مفبركة ف معلش صاحبك يستاهل عشان يتعلم

 

[Fawaz AlZahlof]

ده ممكن البوست ده يكون استدراج لضحيه جديده! هنا للسفر مش للمباحث!

 

[Yahya Zacaria]

للأسف من هيعرف يعمل حاجه خالص ربنا يعوض عليه!!!

 

[Luna Omar]

وضعه فى جيورجيا هيبقى خطر لو راح لوحده..يقدم بلاغ فى اى سفارة تابعه لجورجيا لو عرف يثبت

 

[Mohamed Farghaly]

الله يعوض

 

[Mohamed Esmaiel]

يعمل محضر فى مصر ويبلغ السلطات المصريه الاول

 

[Khaled Pasha]

شكله فيلم ...مافيش مصرى يضحك عليه كده ومش بالسهوله دي

 

[Abdelrahman Ibrahim]

غريب الموضوع ده

 

[Мухамид Самир]

من غير مستندات مش هيعرف يعمل حاجه ولو فكر يطلع جورجيا مش هيعرف تانى لأنهم مافيا والجورجيين مشهورين بمصطلح حرامى فوق القانون

 

[Mohamed Elsharbiny]

اتفرج ياعمbahaa Bahaa Aldeen Farouk

 

[As Ma]

كلامك غريب شويه تقول ١٠٠٠٠ ووف كومنتات تقول يجى ٣٠ الف ماترسى على حل !
وبعدين هو معقوله مصرى يفرط فى مبلغ اساسا زى ده .. ده المصرى معروف بجبروته .. مش مقتنعه الصراحه