هل لما بدخل بلد بيتسجل ف السيستم عندنا ف مطار القاهرة اني روحتها؟ مثال :...

[Mohamed Ahmed]

هل لما بدخل بلد بيتسجل ف السيستم عندنا ف مطار القاهرة اني روحتها؟
مثال :
سافرت من القاهرة ، مصر ل عمّان ، الاردن و من الاردن اخدت اتوبيس و دخلت القدس و خلصت زيارتي ورجعت الاردن و اخدت طيارة لمصر و انا داخل المطار هيعرف اني دخلت القدس من السيستم عنده؟ ، مع العلم ان تأشيرة اسرائيل مبتكونش ف الباسبور و بتبقي ف ورقة خارجية و اختام الوصول و المغادرة ، هل السيستم ف المطارات و المواني البرية و البحرية كله منفد علي بعضه؟

 

[Bahaa Aldeen Farouk]

لا طالما لم تمر على المنافذ المصريه مش بيتسجل

 

[Mohamed Sanad]

لا طبعا طالما بره المنافذ المصرية مش بيعرف - بس لو فيه اختام فى الباسبور بيعرفوا انت كنت فين - ده لو ضابط الجوازات دور وراك - بس هل انت متاكد ان اختام الوصول والمغادرة من القدس للاردن مش بتكون على الجواز ؟

 

[Ahmed Elshafey]

طبعا لأ ... لان مافيش ارتباط مابين مطارات العالم ... وبالفعل ختم الدخول لاسرائيل حسب طلبك وممكن يكون في ورقة منفصلة خارج البسبور.
محمد سند

 

[May Yousry]

لا مش بيعرف من المطار ، ولو عملت خط سير من المجمع مش هيبان فيه . لكن من ناحية أمنيه بيبقوا عارفين لانك عشان تدخل القدس بتاخد تأشيرة من اسرائيل وبيتعمل استعلام أمني . فمعلومة انك روحت القدس مش ممحية تماما وممكن تتجاب أمنيا فقط مش حاجة تانيه

 

[Salma Khaled]

بس انا سافرت مرة سوريا و دخلت بري لبنان و رجعت من تركيا لمصر و بعد فترة طلعت شهادة تحركات لقيت كل بلد دخلتها مكتوبة عشان الاختام فحاول ميكونش في اي اختام

 

[Mohamed Jamjoum]

بس بيتختم عالجواز

 

[Amr Abd El Fattah]

الارتباط موجود في مطارات منطقه الشنجن بس احنا بيعرفوا من كارت المغادره وكارت الوصول اللي حضرتك بتكتبه

 

[Dalia Tawfeeq]

لا مش حيعرف
واقولك الاكبر كمان اكتشفته حديثا انا عايشة في السعودية لو رايحة باريس وكان الترانزيت اسطنبول بيتسجل في الجوازات السعودية اني سافرت تركيا ورجعت من تركيا ومش بيتسجل اني رحت فرنسا
طبعا معرفش الموضوع دا اخباره ايه في البلاد التانية

 

[Atef Fahim]

خارج مصر مبيعرفوش اى حاجة

 

[Nana Mohamed]

آه بيتسجل في تحركات في المطار لما بحبه يعرفه الشخص ده تحركاته ايه بيجيه طالما طالع من مصر خاصة ان البسيور حيتختم من جهة ثانية

 

[Saeed Taha]

بيتسجل علي الباسبور فقط..لكن لو عملت شهادة تحركات من التحرير مش هيبان فيها

 

[Mona Mahmoud Ma'rof]

هما زمانهم عرفوا من البوست ده

 

[Mohamed Alsayed]

لا مش بيعرفوا
بس في كلام ان المعابر الاردنيه بتبعت اسامي الناس اللي بتروح القدس وبتعدي علي المعابر للسلطات المصرية

 

[Fouad Aly]

الي بيتسجل اول مطار بعد القاهرة الي مسجل في تذكرة

 

[Fouad Hassan]

الدولة بيكون عندها علم ولو طلعت شهادة تحركات بتكون موجودة لو شك في حاجة هيجيبك اى مكان بتروحه حتي لو عايش طول حياتك بره ومعاك جواز مصري بيبقا موجود في السيستم

 

[Mic Heal]

لو هترجع مصر تانى فبلاش تدخل دول زى ايران اما لو مكمل برا اعمل مابدالك

 

[Hameed Yamani]

كل حاجة بتتسجل على رقم الجواز
لما يقرا باسبورك على الرقم بتاعه بيتسجل انك دخلت و بينزل عالسستم لكن بيتختم فيزا اسرائيل برا
يعني لو عايزين يعرفو هيعرفو
ما فيش حاجة اسمها المطارات مش متصلة مع بعض
كلو متصل خصوصا اكا فيه بصمة عين زي عندنا في الاردن و في اسرائيل