يا جماعة انا حاسس چورچيا واخدة اكتر من حقها دي بقا عاملا زي شرم الشيخ...

[Muhammed Al-Qassim]

يا جماعة انا حاسس چورچيا واخدة اكتر من حقها دي بقا عاملا زي شرم الشيخ والساحل اي حد عايز يسافر الكل ينصحة ب الدولة دي
دول مهدور حقها بصراحة يعني (الفلبين) بلداكتر من رائعة و محدش يسالني علشان انا نفسي اروحها
برضوا ( ڤيتنام ) زمايلي في الشغل الفيتناميين بيفرجوني علي طبيعة عمري ما شفت زيها

كفاااااية چورجيا خلاص

 

[Luna Omar]

هم سمعوا كلامك..و خلوها بتصريح امنى خلاص. ماخدش لا رايح و لا جاى

 

[Marwa Gaafar]

الفلبين جميلة فعلا الطبيعة حلوة ونفسي اروحها

 

[Hager Mokhtar]

انا بقيت حسه انها الشارع اللي ورآنا

 

[Wael Kamash]

انا شفت فلبينين كتير في حياتي, اعتقد مستحيل اروحها

 

[Asmaa Moawwad]

Nour Moustafa

 

[Mohammed Zakaria Abou Taqa]

الفيليبن وڤيتنام حلوين كطبيعه و كاسعار.

بس چورجيا : قريبه من مصر، سعر ارخص، وقت طيران اقل بكتير . جو احسن في الصيف ، في ثلج في الشتاء للناس اللي تحب كده. والاكل هناك اظرف لناس كتير.

كل بلد فيها مميزات مش موجوده في حته تانيه

 

[Mai Elkamhawy]

احنا بنحب نبالغ اوي ... انا روحتها ومعجبتنيش و اخرها 4 ايام

 

[Samar Hussein Ebeed]

انا مش فاهمه حاجه

 

[Dalia Tawfeeq]

چورچيا حلوة لأن فيها الطابع الأوربي مع اسعار اقل كتيييير من فرنسا وللا سويسرا وتأشيرة اسهل
بالمناسبة مش كل الناس تقدر تتحمل دول شرق اسيا وعن تجربة لا من حيث المعاملة ولا الاكل ولا الريحة حتى ولا الحياة ولا البشر
مش كل الناس زي بعض البلاد مش بس مناظر طبيعية
الصين اجمل طبيعة ومع ذلك بياعين المحلات بيكلموك وهما بياكلوا والسرقة كتير والاكلات عجيبة والنظافة طبعا موضوع تاني
ببساطة الموضوع اهتمامات وقوة تحمل واولويات
تايلاند تجنن لكن مش كل واحد بيتحمل وجود الحشرات والزواحف معاه حتى في الفندق بسبب طبيعة البلد

 

[Rehasantrate Pehazamioum]

ولأ تنزانيا
ملهاش حل

 

[Hapy ElNil]

اعتقد الفلبين امنيا خطيرة شوية لانها على قائمة الدول الاقل أمنا للاجانب

 

[Muhammed Al-Qassim]

دا فيديو عن الفلبين
/Hezaha W Safer

 

[Hapy ElNil]

 

[Luna Omar]

الحوار مع العقيد داخل مكتب الاتصال فى المجمع !!!!!!!
انا _ لو سمحت انا حاجز طيران بكرة لجورجيا وكنت سمعت ان ليها تصريح امنى؟
العقيد __ انت شغال ايه ؟
انا __ مدير مبيعات فى شركه
العقيد __ هات صورة التاشيرة وبرنت التامينات واتش ار من شركتك وتعالى استلمه بعد 4 ايام
انا __ يعنى بقى ليها تصريح امنى ؟
العقيد __ ايوة اقسم بالله بقى ليها والقرار نزل اول امبارح !!
انا__ حضرك انا معايا التاشيرة الكترونى
العقيد __ تاشيرة الكترونى مش هتنفع لازم على الباسبور
انا ___ ممممممممم
العقيد__ هو انت رايح ليه __وهتروح فين بعد جورجيا ؟؟
انا __مش رايح غير جورجيا سياحه وروحت قبل كده وكذا دوله سياحه قبل كده!!
العقيد__ الحق قدم بقى عليه واجل الطيران عشان مش هتعرف تخرج من المطار
انا __ السلام عليكم وحسبى الله ونعم الوكيل فى سرى طبعا
حمادة الوزير

 

[Abeer Arafa]

اي حاجه يارب اي حاجه المهم اسافر اتفسح فواحدهمن البلاد دي

 

[Ghada Salem]

فعلا والله معاك حق
بس يمكن عشان اقرب

 

[Ramy Eman]

معظم اللي راحوا جورجيا ماشافوش جورجيا اصلا

 

[Mahmoud Zakaria]

عشان جورجيا اقرب ما يكون الي اوروبا وخاصة تركيا وكل اللي بيطلعها مبتبقاش الهدف الهدف فعلا تركيا بيسافرو بري لهناك .. دي نصيحة للي عاوز يكت خالص

 

[Mahmoud Zakaria]

عشان جورجيا اقرب ما يكون الي اوروبا وخاصة تركيا وكل اللي بيطلعها مبتبقاش الهدف الهدف فعلا تركيا بيسافرو بري لهناك .. دي نصيحة للي عاوز يكت خالص