H
Hend Ali
:: مسافر ::
بصي لو رافضين خوف عليكي بما اني 22 سنه وبنت عايشه برا مصر لوحدي وجربت قولي لاهلك ال تعرف تعيش ف مصر وميحصلهاش حاجه هتعرف تعيش ف اي مكان تاني ف امان من غير قلق والله والله ال بيحصل ف مصر مبيحصلش ربعه ف اي مكان تاني لكن من ناحيه الدين انا مقدرش اقول حرام او لا لان الموضوع مش متفق عليه ولو السفر هدف مهم جدا ليكي اتوكلي ع الله لان سيدنا علي قال فيما معناه ان مينفعش الاهل يربوا اولادهم ع نفس عادات زمنهم كل زمن ليه قواعده و عاداته اقنعي اهلك لو مهم جدا بالنسبه لك ولو حرام ربنا يسامحنا مع ان انا معملناش حاجه غلط!! اولا ثانيا الاسلام دين حريه مش كبت مع غير سبب الاسلام علمنا احنا نتناقش ونفكر مش لازم كلام الائمة يكون صحيح لانهم مش رسل ولا صحابه الله اعلم بصحة الحديث خصوصا لو فيه اختلاف بينهم سافري يا بنتي ومتسمعيش كلام حد واشتغلي ع نفسك ومستقبلك ماما دايما كانت بتقولي السفر فيه سبع فوائد ما يبخت من اتعلم فايده واحده عايزه اقولك السفر لوحدك فيه مليون فايده مش سبعه بس
A
Aya Hamdy
:: مسافر ::
طيب .. دلوقتي انتي نفسگ تسافري جدا والشرع بيخافظ عليكي بيقولگ مينفعش تسافري لوحدگ .. خليكي مقتنعة يقينا أن من ترگ شيئا لله عوضه الله خيرا منه ولو انتي تركتي فرصة زي دي صدقيني مستقبلا هيجيلگ أفضل منها ممكن مع اخوكي مع زوجگ وهتعرفي ساعتها أن ربنا مضيعش سعيگ وتعبگ ... الاسلام علشان بيخافظ على البنت اللي هيا في الغالب لا يؤتمن تمشي في الشارع لوحدها بقينا بنقول تخلف ورجعية للأسف .. أنا في نفس موقفگ تقريبا بس قررت أأجل حاجة زي كدا وادرس في جامعات برا من البيت أعتقد النت مسابليش حجة اسافر بيها وانا في سن صغير ومستنية السفر بعد كدا ان شاء الله
I
Iman Emm
:: مسافر ::
مين اللي "يقدم لك حل مقنع" ؟ ومقنع لمين ؟ لأهلك ؟ هم أهل حضرتك هنا في الجروب ؟
حسب ما فهمت أهل حضرتك مكتفينك بقيود (العيب) و (الحرام) .. ولو هما عقلياتهم غير قابلة للتفاهم والاقناع ، يبقى مفيش قدامك غير حل من اتنين ؛ إما الرضوخ والاستسلام للأمر الواقع ، وإما الصدام معاهم والاستقلال رغما عن ارادتهم .
** بس لاحظي انك محتاجة تكوني مكتفية ماديا ومحققة فائض يكفي انك تحققي اللي انتي عايزاه بدون ما تلجأي لهم يدفعولك تكاليف سفرك .
وربنا يعينك .
حسب ما فهمت أهل حضرتك مكتفينك بقيود (العيب) و (الحرام) .. ولو هما عقلياتهم غير قابلة للتفاهم والاقناع ، يبقى مفيش قدامك غير حل من اتنين ؛ إما الرضوخ والاستسلام للأمر الواقع ، وإما الصدام معاهم والاستقلال رغما عن ارادتهم .
** بس لاحظي انك محتاجة تكوني مكتفية ماديا ومحققة فائض يكفي انك تحققي اللي انتي عايزاه بدون ما تلجأي لهم يدفعولك تكاليف سفرك .
وربنا يعينك .
