ياشباب عندي سؤال محيرني بجد وحابب حد يجاوبني ويفيدني في الموضوع دة عن تجربة...

  • بادئ الموضوع بادئ الموضوع Alaa Yassine
  • تاريخ البدء تاريخ البدء
عرض العطلة
A

Alaa Yassine

:: مسافر ::
#1
ياشباب عندي سؤال محيرني بجد وحابب حد يجاوبني ويفيدني في الموضوع دة عن تجربة . هو موضوع الفيزا وطلباتها من كشف الحساب اللي يكون فية مبلغ وقدرة وخطابات جهة العمل والتحركات وحجز الفندق والطيران دة بينطبق علينا بس احنا العرب ولا العالم كلة ؟؟
يعني مثلا انا بشوف مثلا شباب مش هاقول اوروبا بس حتي في من امريكا اللاتينية بيلفوا العالم والحياة حلوة معاهم بيروحوا السفارة يخبطوا عليهم يعطوهم الصورة والمبلغ ويعطوهم الفيزا بكل سهولة وهكذا مع اغلب الدول اللي مش شنجن حتي ؟؟ هل احنا العرب اللي لينا طلبات مختلفة فعلا ؟؟
والمثال اللي حصل ادامي وكنت شاهد علية . صديق لية برازيلي بيلف العالم فبكلمة وهو كان في استراليا فكلمتة عن مصر واتفقت معاة اني هاستضيفة فقالي خلاص هايروح السفارة المصرية يسأل علي الفيزا وفعلا راح اخدها ب60 دولار بس ماقدمش اي حاجة غير الصور والمبلغ وخلاص !!
هل دة فعلا ؟؟؟؟؟؟ واتحرجت اسألة بصراحة
 
#5
انت هتروح للبرازيلي ليه. دول اوروبا الشرقية مثال بيلاروسيا بما اني عايش فيها. اي واحد بيلاروسي بيروح اي سفارة شنجن بيقدم الباسبور و64 يورو وطبعا ورقة من البنك مضروبة ملهاش اي لازمة وهما بيبقوا عارفين انها مضروبة وبيدوله فيزا مش اقل من سنتين مالتي. دا ان مكنتش 5 سنين. واه فيه 5 سنين مالتي للي هيسال هي في 5 سنين. بس مش لينا كعرب
 
عرض العطلة
#6
اعتقد مشكلة الفيزا بغض النظر عن الارهاب والتجسس .. مشكلتها عدم الثقه فى اللى جاى انو هيبقى عمالة غير شرعية. فلو بلدك كويسه يبقى مفيش مبرر ليك تقعد غير شرعى ف بلد بتشحت. لكن لو بلدك تعبانه زينا فاكتر الشباب اللى بيسافر يتمنى يبقى عمالة غير شرعيه فى اى بلد . فبيطلبو منك ضمانات كتير توضحلهم ان اللى مسافر مش ناوى يبلط. ماتضايقش نفسك دا وضع اقتصادى مش سياسي :-)
 
#7
لا مش كل العرب
دول الخليج نسبة رفض الفيزا لمواطنيها تقريباصفر بالمية
كمان لأن نادرا ما مواطن كويتي او سعودي حيكسر فيزا ويهرب على اوروبا
وبناءا على ذلك طبعا الطلبات والاحتياطات في الورق اقل كتير
 
#8
الموضوع بيتقاس علي حسب أنت كشعب بتسافر سياحه كتير و لا لأ. و الي بيسافر بيرجع و لا بيكسر فيزا و ما بيرجعش
 
#9
انا جنسيتي بحرينية وعمرهم ما طلبو خطابات من جهة العمل والكلام ده، بقدم حساب بنكي وتذكره وفندق وخلاص محدش بيدقق عامة فيهم، بس سفارة فرنسا لما اخويا كان مقدم طلبو مبلغ معين في كشف الحساب غير كده مفيش سفارات استهبلو ف الطلبات
 
#10
ببساطة احنا بيعبرونا دولة مصدرة للاجئين زي سوريا والعراق كدا ؟ وبالتالي انت بنسبة كبيرة جدا لو جاتلك فرصة تهرب عندهم اكيد اكيد مش هتضيعها
 
عرض العطلة
#11
الكويتي بيسافر اي بلد . بياخد التاشيره في المطار. لو المصريين مش مشددين معاهم كان سابو مصر فاضيه . بالبلدي العالم بيسعر البشر حسب امكانياتهم الماديه
 
#12
على حسب قوة الپاسپور بتاع البلد فى بعض الجنسيات بتدخل أكتر من ١٦٠ دولة بدون تأشيرة أساسا ( free visa ) وفى موقع بيوضح ترتيب الدول من حيث قوة الپاسپور وعدد الدول اللى بيدخلها بدون ڤيزا أو visa on arrival
 
عرض العطلة
#18
لأني عايشة في بلد أوروبي وبأشوف حالات كتير ولسه كنت مقدمه علي فيزا زيارة لأخت جوزي وأترفضت للآسف هأقولك الخلاصة .. بالنسبة للنرويج مثلاً وقت ماجيت من ٨ سنين كانوا بيدققوا جدا مع الناس اللي بتيجي من المغرب وتركيا أكتر من العرب (طبعاً دا قبل الثورات والربيع العربي) ليه بقي كانوا بيدققوا مع الدولتين دول بالذات عشان الزواج المرتب كان منتشر بينهم جدا. بعد الربيع العربي بقت النرويج دولة جاذبة للعرب مع أن لغاية قريب لو كنت قلت لحد النرويج هيسألك فين دي؟
وكانت الفيزا للبنات والستات المصريات أسهل من الشباب لأن الطلب عليها كان قليل جدا .. دلوقتي بنات كتير بتقدم سواء زيارة أو دراسة أو لم شمل.
 
#19
يا استاذ alla yassin اهم حاجة عند المصريين فى سفارتهم برة انها تحصحص الفلوس بالدولار مش لازمهم مين اللى يجى صومالى بحرينى خليجى جنوب افريقى ولا يهمم الكلام دا ودا طبعا يتوقف على اقتصاديات الدول فقط كل ما كنت امكانياتك المادية تمام تدوس على التخين ولو تعبانة ينداس عليك طبعا
 
#20
لا تستغرب شروط الفيزا تتغير حسب الظروف مثلا هنا في المغرب حتى الثمانينيات كنا نسافر اروبا بجواز السفر وقبل عقود كان الاسبان هم من يهاجر الى المغرب وليس العكس
 
عرض العطلة
عرض العطلة
عرض العطلة
أعلى أسفل
عودة
قائمة