مساء الورود لو سمحت ياجماعة عندى سؤال لو حد يقدر...

[Menna Allah]

مساء الورود
لو سمحت ياجماعة عندى سؤال لو حد يقدر يفيدنا او يساعدنا واحدة صاحبتى مسافرة بوكيت فى تايلاند الاسبوع الجاى لاول مرة هى وجوزها وهى حجزت 9 ايام طيران مباشر لبوكيت ذهاب وعودة وانتقالات وفندق وبعدين كلنا قولنالها كتير على بوكيت المدة دى السؤال بقي هنا هل فى اقتراحات انها مثلا ينفع تروح بانكوك فى نص الرحلة بري او باى طريقة مش مكلفة اوى تقعد يومين هناك وترجع تانى بوكيت والا فى مكان تانى ممكن تروحه والا فى اراء تانية لو حد يقدر يفيدنا ... وشكرا

 

[Khaled Ramadan]

بانكوك تعبانه قوي .. تطلع ع كوالالمبور او لنكاوي ف ماليزيا اجسن لهم

 

[Ahmed Mohamed]

9 ايام بوكيت مش كفاية علشان تلفوها وتعملو كل النشاطات فيها. ممكن تقسمو المدة عل شاطئ الباتونج وتاخدو معاه كام يوم بجزيررة بيبي او كرابي او اي شاطئ من شواطئ الاستجمام في بوكيت زي كاتا بيتش مثلا

 

[Hashem Tawfik]

بوكيت رحلاتها البحرية متعبه ولازم يبقي فيه فاصل بين الرحلات علشان ما يتعبوش فبيحتاجوا يوم للراحة بين كل رحلة بحرية علي الشاطئ او الفندق وفيه معابد ومركز المدينة والسفاري والباتونج بيتش والسهرات ليلا، خطة الرحلة اللي كلها برامج من غير راحة واستجمام بتكون متعبة جدا

 

[Ayman Ahmed]

بوكيت مش صغيرة علشان تزهق منها في 9 ايام لان الجزر كتيرة والعروض كتير والانشطة اكتر وبعدين من بانكوك لبوكيت مفيش غير طيران لان بوكيت جزيرة.
الباتونج من اجمل شواطي بانكوك. مايا باي. بي بي ايلاند. وفيه كمان قاسمواي وشنجماي حلوين بردو بس دول برا بوكيت