معلش عايزة أسئل سؤال تانى لو انا اخدت الشنجن ورحت...

[Mary Naiem]

معلش عايزة أسئل سؤال تانى لو انا اخدت الشنجن ورحت تركيا الاول بعد ما عملت فيزتها اونلاين دا صح ولا لازم ختم دخول للشنجن لان سئلت مكتب سياحة قالى الاول اروح دوله الشنجن وبعدين اقدر ادخل تركيا لان لو بدات بيها بدون ختم دخول الشنجن ممكن يرجعونى من المطار دا صح ولا

 

[Khaled Badry]

Sameh Salah

 

[Yahia Khaled]

مش لازم ، اهم حاجة ان معاك فيزا شنجن سارية مش فارقة في الذهاب ولا في العودة

 

[Ahmed Elbasha]

ملهاش علاقة .. تروح تركيا الاول او ماليزيا الاول او اي دولة الأول وبعدين تروح الشنجن مفيش اي مشكلة

 

[Sameh Salah]

بالنسبه لتركيا عادى مفيش مشكله .. الكلام دة بالنسبه لدول الاتحاد الاوروبى ال خارج الشنجن وممكن تدخلها بالفيزا ال Multiple Entry .. لو اول استخدام للفيزا لازم تدخل الاول دوله شنجن لكن بعد كده عادى ممكن تسافر دايركت !

 

[Mero Mero]

فى لبس اظن من السؤال .. تاشيرة الشنجن بتسهل حصولك على فيزا تركيا مش هتخليك تدخلها لازم ليها فيزا بس طبعا بيبقى اجراءتها اسهل لو معاك شنجن .. الفيزا الشنجن السنجل هى دخول وخروج مرة واحدة فقط حتى لو فيها وقت هى استخدام مرة واحدة لدولة المنح فقط ...
وطبعا الشنجن اول مرة دخول لازم تدخل البلد اللى اخدت منها الشنجن حتى لو هتدخل ترانزيت لازم تدخل وبعدها ممكن تدخل اى دولة تانية .. والله أعلم

 

[Mary Naiem]

افهم من كدا ان لازم اروح بلد الشنجن الاول وبعدين تركيا مينفعش العكس؟ لان كدا الآراء مختلفة ( انا فى الكويت مش فى مصر )

 

[Ahmed Hashim]

مفيش علاقة بين دخول تركيا و شنجن - المطلوب تأشيرة ساريه مش مطلوب انك تدخلي عن طريق شنجن

 

[Mary Naiem]

طيب دلوقتى كل حد برأى مين الصح انا تهت

 

[Rahma Mahmoud]

تركيا روحتيها ترانزيت ولا لا ؟ ده غير انها لازم يتختملك من بلد الشنجن تركيا مش من دول الاتحاد ، انا لسة عاملة الموضوع ده من اسبوع ودخلت تركيا الاول وبعدين روحت فرنسا