M
Moataz Ali
:: مسافر ::
بتحب الشوبنج؟ بتحب Nightlife ؟ بتحب الفنادق الفخمة؟
لو بتدور علي اي حاجة من التلاتة دول... يبقي البوست ده مش ليك، و نتمني لك حظ اوفر في بوستات أخري
البوست ده عن نوع آخر من الحب....
(تعديل علي فقرة اشهر الزيارة .... )
ماليزيا بلد متطورة سياحيا... و من الصعب انك تلاقي فيها مكان سياحي بكر، و معظم الوجهات السياحية بها commercialised ... و ده لا يمنع انها وجهات جميلة و ممتعة...
لكن لو انت بتحب المغامرة و الطبيعة و بتدور علي اماكن بعيدة عن المألوف و التقليدي يبقي لازم تعمل مجهود إضافي في البحث، خاصة لو كنت مسافر مع اسرتك ...
جزيرة أَوْر Pulau Air , مش من الوجهات المعروفة للسياحة العالمية -لعدة أسباب هنقولها بعدين- و ده خلاها اقرب ما يكون لحالتها الطبيعية تماما... هتكلم هنا عن تجربتنا في رحلة لمدة يومين ، احنا اخترنا مكان اسمه Sebukabg Bay Resort , بس كلمة منتجع مش معناها المنتجع اللي في بالك بحمامات السباحة و الرفاهية ...
المنتجع مش علي Booking.com , و الحجز فيه بيشمل الوجبات و الأنشطة و السفر من الميناء للجزيرة بقارب سريع. و بيتم عن طريق موقعهم و صفحتهم علي FB.
السعر : اسرة تشمل طفلين 11 و 3 سنوات دفعنا ما يساوي 8500 جنيه مصري تقريبا .... شامل كل شئ من بعد الوصول الي ميناء ميرسينج Mersing ...
الأنشطة:
سباحة في شاطئ رملي و مياه شفافة
سنوركلينج في أكتر من نقطة
جولة trekking في الغابة و شواطئ الجزيرة و مناظرها الطبيعية
صعود جبل hiking مسطح في جزيرة Dyang Dyang المقابلة
خلال اليومين لم نستعمل تليفون، انترنت، نقود، تكييف، سخان، تلفزيون... و مافيش عربيات او موتوسيكلات او جيت سكي...
الغابة بكر تماما فيها فراشات رائعة.
الإقامة: قرية صغيرة من 3 بيوت ، اسرة منهم تملك 16 غرفة منفصلة «شاليهات»، و هو ده المنتجع ☺، يعني انت هتكون عايش مع اسرة ماليزية من جد و جدة و أحفادهم و أولادهم تآكل اكلهم و لو معاك أطفال بيلعبوا مع أولادهم و قططهم... تجربة مختلفة جدا مش هتلقيها في الفنادق العادية ...
المكان مشهور بالصيد جدا ، لكن ده مش في قائمة اهتماماتي بصراحة ☺
أجمل ما في الرحلة: منظر الغروب و مشاهدة النجوم في مكان لا يوجد به أي light pollution تقريبا ..
و قبل ما تاخد قرارك لازم تاخد في حساباتك التالي:
- الوصول للميناء في Mersing مش سهل زي لانكاوي او بينانج... احنا رحنا بالعربية ساعتين و نصف من جوهور باهرو في الجنوب... ممكن من كوالالمبور تاخد الأوتوبيس بس هتكون رحلة طويلة ... او تسافر جوهور طيران و تاخد عربية من هناك.
- الميناء علي نهر ضحل، علشان كده مواعيد تحرك المراكب بتكون محدودة حسب المد و الجزر حالة البحر و بتتغير يوميا (احنا سافرنا 8 صباحا، و رجعنا 8 صباحا)
- السفر بالقارب السريع بياخد حوالي 1:45 دقيقة، و الرحلة ممكن تكون مرهقة لو حالة البحر غير مستقر، لأن المركب صغير... لكنها جميلة لو البحر هادي ، المركب اللي كنا فيه كانت كراسي مسطحة بدون مسند الظهر.
- الجزيرة متاحة تقريبا 5 شهور في السنة من أبريل الي اغسطس فقط، باقي الشهور البحر بيكون غير مستقر Monsoon season
- الغرف حالتها أقل من المتوسط، بلا اي نوع من الرفاهية... مجرد مكان للنوم ، لو متوقع غرف فندقية او hostels يبقي المكان ده مش ليك...
- للاسف الممشي Jitty فيه جزء مكسور نتيجة عاصفة ، لكن مازال مكان رائع لمشاهدة الأسماك و الغروب و العشاء ...
- الأكل معظمه ماليزي محلي، لكن ممكن اعتقد ممكن تبلغهم مسبقا يعملوا لك حاجة مختلفة لكن الاختيارات محدودة جدا ... (انا استمتعت الأسماك و الأكل جدا، لكن بنتي الكبيرة قضيتها توست و زبدة فول سوداني )
- الغطس ممنوع من حوالي 3 سنوات في كل جزر جوهور
علشان كل الأسباب دي الجزيرة مش معروفة للسياح الأجانب و معظم زوارها ماليزيين او سنغافوريين...
ملاحظة: الجزيرة عليها حوالي 3 اماكن أخري كمان للإقامة و ممكن الوصول ليها بمعدية حكومية ارخص ، لكن بتاخد حوالي 4 ساعات...
في إنتظار اسئلتكم
لو بتدور علي اي حاجة من التلاتة دول... يبقي البوست ده مش ليك، و نتمني لك حظ اوفر في بوستات أخري
البوست ده عن نوع آخر من الحب....
(تعديل علي فقرة اشهر الزيارة .... )
ماليزيا بلد متطورة سياحيا... و من الصعب انك تلاقي فيها مكان سياحي بكر، و معظم الوجهات السياحية بها commercialised ... و ده لا يمنع انها وجهات جميلة و ممتعة...
لكن لو انت بتحب المغامرة و الطبيعة و بتدور علي اماكن بعيدة عن المألوف و التقليدي يبقي لازم تعمل مجهود إضافي في البحث، خاصة لو كنت مسافر مع اسرتك ...
جزيرة أَوْر Pulau Air , مش من الوجهات المعروفة للسياحة العالمية -لعدة أسباب هنقولها بعدين- و ده خلاها اقرب ما يكون لحالتها الطبيعية تماما... هتكلم هنا عن تجربتنا في رحلة لمدة يومين ، احنا اخترنا مكان اسمه Sebukabg Bay Resort , بس كلمة منتجع مش معناها المنتجع اللي في بالك بحمامات السباحة و الرفاهية ...
المنتجع مش علي Booking.com , و الحجز فيه بيشمل الوجبات و الأنشطة و السفر من الميناء للجزيرة بقارب سريع. و بيتم عن طريق موقعهم و صفحتهم علي FB.
السعر : اسرة تشمل طفلين 11 و 3 سنوات دفعنا ما يساوي 8500 جنيه مصري تقريبا .... شامل كل شئ من بعد الوصول الي ميناء ميرسينج Mersing ...
الأنشطة:
سباحة في شاطئ رملي و مياه شفافة
سنوركلينج في أكتر من نقطة
جولة trekking في الغابة و شواطئ الجزيرة و مناظرها الطبيعية
صعود جبل hiking مسطح في جزيرة Dyang Dyang المقابلة
خلال اليومين لم نستعمل تليفون، انترنت، نقود، تكييف، سخان، تلفزيون... و مافيش عربيات او موتوسيكلات او جيت سكي...
الغابة بكر تماما فيها فراشات رائعة.
الإقامة: قرية صغيرة من 3 بيوت ، اسرة منهم تملك 16 غرفة منفصلة «شاليهات»، و هو ده المنتجع ☺، يعني انت هتكون عايش مع اسرة ماليزية من جد و جدة و أحفادهم و أولادهم تآكل اكلهم و لو معاك أطفال بيلعبوا مع أولادهم و قططهم... تجربة مختلفة جدا مش هتلقيها في الفنادق العادية ...
المكان مشهور بالصيد جدا ، لكن ده مش في قائمة اهتماماتي بصراحة ☺
أجمل ما في الرحلة: منظر الغروب و مشاهدة النجوم في مكان لا يوجد به أي light pollution تقريبا ..
و قبل ما تاخد قرارك لازم تاخد في حساباتك التالي:
- الوصول للميناء في Mersing مش سهل زي لانكاوي او بينانج... احنا رحنا بالعربية ساعتين و نصف من جوهور باهرو في الجنوب... ممكن من كوالالمبور تاخد الأوتوبيس بس هتكون رحلة طويلة ... او تسافر جوهور طيران و تاخد عربية من هناك.
- الميناء علي نهر ضحل، علشان كده مواعيد تحرك المراكب بتكون محدودة حسب المد و الجزر حالة البحر و بتتغير يوميا (احنا سافرنا 8 صباحا، و رجعنا 8 صباحا)
- السفر بالقارب السريع بياخد حوالي 1:45 دقيقة، و الرحلة ممكن تكون مرهقة لو حالة البحر غير مستقر، لأن المركب صغير... لكنها جميلة لو البحر هادي ، المركب اللي كنا فيه كانت كراسي مسطحة بدون مسند الظهر.
- الجزيرة متاحة تقريبا 5 شهور في السنة من أبريل الي اغسطس فقط، باقي الشهور البحر بيكون غير مستقر Monsoon season
- الغرف حالتها أقل من المتوسط، بلا اي نوع من الرفاهية... مجرد مكان للنوم ، لو متوقع غرف فندقية او hostels يبقي المكان ده مش ليك...
- للاسف الممشي Jitty فيه جزء مكسور نتيجة عاصفة ، لكن مازال مكان رائع لمشاهدة الأسماك و الغروب و العشاء ...
- الأكل معظمه ماليزي محلي، لكن ممكن اعتقد ممكن تبلغهم مسبقا يعملوا لك حاجة مختلفة لكن الاختيارات محدودة جدا ... (انا استمتعت الأسماك و الأكل جدا، لكن بنتي الكبيرة قضيتها توست و زبدة فول سوداني )
- الغطس ممنوع من حوالي 3 سنوات في كل جزر جوهور
علشان كل الأسباب دي الجزيرة مش معروفة للسياح الأجانب و معظم زوارها ماليزيين او سنغافوريين...
ملاحظة: الجزيرة عليها حوالي 3 اماكن أخري كمان للإقامة و ممكن الوصول ليها بمعدية حكومية ارخص ، لكن بتاخد حوالي 4 ساعات...
في إنتظار اسئلتكم