A
Ahmed Mohamed
:: مسافر ::
مرسى علم دي امتع وانضف بحر فى مصر بالنسبة للناس الى بتحب السنوركلينج والغطس فيها اسماك جميلة جدا ً بس الاقامة هتبقى جوة الفندق وبس , برة الفندق صحرا مفيش اي حاجة , لكن الغردقة البحر فيها كويس لكن مش زي مرسى علم وفي بعض الفنادق الشط بيكون وحش , لكن المدينة فيه حركة وحياة يعني ممكن بليل تخرجو تتمشوا في المارينا او الممشى او شارع الشيراتون , شرم برضه حلوة البحر افضل من الغردقة وفيها السوق القديم وسوهو وخليج نعمة دي أماكن ممكن تتمشوا وتقعدوا فيها بليل
A
Ahmed Mohamed
:: مسافر ::
جزيرة الجيفتون فى الغردقة وهتلاقي مكاتب كتير فى كل حتى بتطلع جزيرة الجيفتون, و على فكرة الجزيرة نفسها متقسمة 3 أجزاء جزيرة الجيفتون العادية ودي ارخصهم الجزيرة عبارة عن شط ومفيهوش شمسيات او كراسي وجنبها بارادايس دي اغلى شوية , بس فيها مطعم وكراسي وشمسيات , وااغلاهم المحمية , المحمية غالية جدا ً بتقضي اليوم كله ع الجزيرة, والغدا فى مطعم الجزيرة والاستاف الى شغال هناك محترمين جدا ً وحاجة راقية من الاخر , بس غالية فشخ