M
Mohamed Saad
:: مسافر ::
نيجى بقى للمدينة الخامسه إلا و هى بودابست هانت اهى ما فضلش غير برشلونه
اتحركنا الصبح بالقطار من فيينا إلى بودابست و أخدت حوالى 3 ساعات و دى كده تبقى تانى مره بالقطار و قبلها مرتين اتوبيس علشان لو حد نسى
اول ما وصلنا كالعاده دخلنا مكتب الاستعلامات و أشترينا كارت المواصلات و وصفولنا طريق الهوستل و اسمه maverick city lodge اللى طلع مكانه مفاجاه فى قلب حى يهودى و معبد يهودى و مطعم يهودى فى وسط المعمعه و اكتشفنا أن صاحبه يهودى برضه بس هو مكانه حلو جدا ما احتجناش نركب مواصلات اصلا و قضيناها كلها مشى كانت قريبه من كل حاجه
اليوم الأول
قضينا اليوم الأول فى الأماكن الأثرية castle hill , buda castle, gellert hill and statue و fisherman's bastion كلهم تقريبا فى نفس المكان اتمشيناها على نهر الدانوب بس كانت الطلعة ل gellert hill and statue صعبه شويه فيها شويه hiking كده خفيف وسط حدائق فى منها جزء سلالم و جزء لا لغاية طلعنا فوق المنظر رائع يستاهل طبعا الطلوع و اكلنا لانجوس حاجه كده نفس طعم الزلابية على الفطير كده و بيتحط عليها جبنة كانت حلوه اوى كانت بأقل من 10 يورو مش فاكر كام بالظبط
و كملنا مشى على نهر الدانوب و عدينا على chain bridge و Elizabeth bridge و parliament building المشى هناك حلو اوى حتى لو مش هتعمل حاجه مدينه دمها خفيف و ظريفة اوى اوى
و بعدين و احنا مروحين عدينا على مطعم تركى قريب من الهوستل اتغدينا فيه و كملنا مشى فى city center و الشوارع المحيطة الناس صاحيه و مفرفشه على الاخر
و بعدين طلعنا على الهوستل استعدادا لليوم التانى
اليوم التانى
قررنا نغير و نعمل حاجه جديده قررنا نروح thermal path ده بعد إلحاح من صديقى عشان انا مكنتش على دماغى اوى بس قلت ادوس و فعلا انبسطت جدا هما مشهورين بيها اوى هناك و رحنا واحد كان قريب جدا من Elizabeth bridge و اسمه rudas path الدخول كان ب 12 يورو هو عباره عن هول كبير فيه 5 pools بدرجات حراره من 28 الى 42 متدرجة و واحده ساقعه و غرفتين steam و 3 غرف هواء ساخن بتوصل 72 و بتقعد فيهم براحتك تفضل تغير و تبدل على كل حاجه بالترتيب كانت استجمام على الاخر بتطلع كأنك صغرت حبتين حلوين
و بعد ما خرجنا من thermal path طلعنا على كروز حوالى ساعتين بتلف فى الدانوب و اللفه كانت نهار و أخدنا الغروب كمان معانا مناظر جميله و الاضاءات بليل تحفه على المبانى و ال bridges بعد ما خلصنا نزلنا اتغدينا فى نفس المطعم التركى و كملنا مشى و روحنا على الهوستل
و اتفقنا مع الريسيبشن يجيبلنا تاكسى عشان يودينا المطار عشان نروح لبرشلونة و دى كانت المره الوحيده و الاخيره اللى ركبنا تاكسى فيها عشان معاد الطياره كان بدرى اوى فريحنا دماغنا و أخد حوالى 25 يورو على ما اتذكر و بكده خاصة بودابست
و ان شاء الله مكمل معاكم آخر مدينه برشلونه فى بوست تانى
لينك بوست مدينه باريس
/Mohamed Saad
لينك بوست مدينه أمستردام
/Mohamed Saad
لينك بوست مدينه براغ
/Mohamed Saad
لينك بوست فيينا /Mohamed Saad
اتحركنا الصبح بالقطار من فيينا إلى بودابست و أخدت حوالى 3 ساعات و دى كده تبقى تانى مره بالقطار و قبلها مرتين اتوبيس علشان لو حد نسى
اول ما وصلنا كالعاده دخلنا مكتب الاستعلامات و أشترينا كارت المواصلات و وصفولنا طريق الهوستل و اسمه maverick city lodge اللى طلع مكانه مفاجاه فى قلب حى يهودى و معبد يهودى و مطعم يهودى فى وسط المعمعه و اكتشفنا أن صاحبه يهودى برضه بس هو مكانه حلو جدا ما احتجناش نركب مواصلات اصلا و قضيناها كلها مشى كانت قريبه من كل حاجه
اليوم الأول
قضينا اليوم الأول فى الأماكن الأثرية castle hill , buda castle, gellert hill and statue و fisherman's bastion كلهم تقريبا فى نفس المكان اتمشيناها على نهر الدانوب بس كانت الطلعة ل gellert hill and statue صعبه شويه فيها شويه hiking كده خفيف وسط حدائق فى منها جزء سلالم و جزء لا لغاية طلعنا فوق المنظر رائع يستاهل طبعا الطلوع و اكلنا لانجوس حاجه كده نفس طعم الزلابية على الفطير كده و بيتحط عليها جبنة كانت حلوه اوى كانت بأقل من 10 يورو مش فاكر كام بالظبط
و كملنا مشى على نهر الدانوب و عدينا على chain bridge و Elizabeth bridge و parliament building المشى هناك حلو اوى حتى لو مش هتعمل حاجه مدينه دمها خفيف و ظريفة اوى اوى
و بعدين و احنا مروحين عدينا على مطعم تركى قريب من الهوستل اتغدينا فيه و كملنا مشى فى city center و الشوارع المحيطة الناس صاحيه و مفرفشه على الاخر
و بعدين طلعنا على الهوستل استعدادا لليوم التانى
اليوم التانى
قررنا نغير و نعمل حاجه جديده قررنا نروح thermal path ده بعد إلحاح من صديقى عشان انا مكنتش على دماغى اوى بس قلت ادوس و فعلا انبسطت جدا هما مشهورين بيها اوى هناك و رحنا واحد كان قريب جدا من Elizabeth bridge و اسمه rudas path الدخول كان ب 12 يورو هو عباره عن هول كبير فيه 5 pools بدرجات حراره من 28 الى 42 متدرجة و واحده ساقعه و غرفتين steam و 3 غرف هواء ساخن بتوصل 72 و بتقعد فيهم براحتك تفضل تغير و تبدل على كل حاجه بالترتيب كانت استجمام على الاخر بتطلع كأنك صغرت حبتين حلوين
و بعد ما خرجنا من thermal path طلعنا على كروز حوالى ساعتين بتلف فى الدانوب و اللفه كانت نهار و أخدنا الغروب كمان معانا مناظر جميله و الاضاءات بليل تحفه على المبانى و ال bridges بعد ما خلصنا نزلنا اتغدينا فى نفس المطعم التركى و كملنا مشى و روحنا على الهوستل
و اتفقنا مع الريسيبشن يجيبلنا تاكسى عشان يودينا المطار عشان نروح لبرشلونة و دى كانت المره الوحيده و الاخيره اللى ركبنا تاكسى فيها عشان معاد الطياره كان بدرى اوى فريحنا دماغنا و أخد حوالى 25 يورو على ما اتذكر و بكده خاصة بودابست
و ان شاء الله مكمل معاكم آخر مدينه برشلونه فى بوست تانى
لينك بوست مدينه باريس
/Mohamed Saad
لينك بوست مدينه أمستردام
/Mohamed Saad
لينك بوست مدينه براغ
/Mohamed Saad
لينك بوست فيينا /Mohamed Saad