T
Travel Secrets
:: مسافر ::
صراحةً انتظرت لحد ما الأمور كلها توضح و أتأكد من كل المعلومات قبل كتابة أي خبر , للأسف السفر لجورجيا حاليا بيتطلب استخراج تصريح أمني , و ده ترتب عليه أن أي حد حيسافر من مصر مش حيعرف يعمل الفيزا اون لاين لأن لازم تكون مثبته على الباسبور للحصول على تصريح أمني . طيب أولا خلينا نعرف هو ليه أصلا جورجيا اصبحت تحتاج تصريح أمني !!!
جورجيا بعد ما سمحت ان الفيزا تكون اون لاين و انها مش محتاجه لا شهادة راتب و لا مهنه و لا حساب بنكي و لا تصريح أمني اصبحت أكثر دوله مرغوبه للسفر من المصريين
• سواء اللي بيسافروا بغرض السياحه ( لسهولة السفر ليها و روعة الطبيعه هناك )
• أو اللي بيسافروا بغرض كسر الفيزا و البحث عن اي فرصة عمل ( لأنها مش محتاجه انه يقدم أي أوراق قبل السفر غير صورة الباسبور فقط و بتطلع الفيزا و هو في بيته )
• أو اللي عاوزين يهربوا ( لأي سبب من الأسباب الى تركيا ) فبيتخذوا جورجيا معبر علشان يهرب من موضوع التصريح الأمني بتاع تركيا فيسافر من غير تصريح من مصر الى جورجيا و من هناك يسافر على تركيا .
للأسباب دي كلها أصبحت جورجيا جنة العاطلين عن العمل و مقصد الباحثين عن الثراء السريع و فرص العمل الرهيبه ( للأسف مغفلين !! ) , لأن الكلام ده مالوش اي أساس من الصحه , جورجيا للأسف بلد منهكة اقتصاديا بسبب انها كانت ضمن الاتحاد السوفيتي و كان مسيطر على كل مواردها و بعد كده حصل فيها انقلابات و حرب مع روسيا, كل ده خلاها للأسف معندهاش اي اقتصاد قوي لدرجة أن أهلها نفسهم مش لاقيين شغل غير أن دخل الفرد ضعيف جدا ,فأكيد أي مصري حيروح علشان يكسر فيزا و هو لا معاه لغة و لا اي شهاده و فاكر نفسه حيشتغل و يكسب دهب , ملقاش غير الشارع في انتظاره اما انه يتسول أو انه يسرق , و فعلا ده اللي حصل للأسف انتشر المصريين الباحثين عن العمل في شوارع تبليسي و بدأت تكثر الشحاتة من المصريين هناك وللأسف بدأت تحصل سرقات و حالات نصب و تحرش من المصريين في جورجيا, ده السبب الاول و السبب التاني و يمكن يكون الاهم للحكومة المصريه هو الحد من سفر بعض المصريين الى تركيا عن طريق جورجيا بدون تصريح امني. و علشان مصر تتحكم في الموضوع قرروا تطبيق التصريح الأمني لجورجيا علشان يسمحوا للمسافرين للسياحه فقط بأنهم يسافروا بعد ما يتاكدوا انهم عندهم وظيفه فعلا و معندهمش أي مشاكل أمنيه تمنعهم من السفر
للأسف احنا بنفسنا اللي بنحول كل حاجه سهلة و حلوه لحاجه صعبة لأن للأسف السيئه بتعم على الجميع, شكرا لكل كاسري الفيز و القوانين اللي بيصعبوا السفر على الناس اللي عاوزه فعلا تسافر علشان تتبسط و تتفسح و تحترم قوانين الفيزا و ترجع بلدها في سلام .
أخر كلمة لمحبي كسر الفيزا على فكره مش حل انك راجل طول بعرض و مش لاقي شغل في بلدك فتروح ترمي مشاكلك و حملك على بلد تانيه هيا أصلا مش عارفه تحل مشاكل أهلها !!. اسعى علشان ربنا يوفقك في المكان اللي انت فيه , حاول تتعلم صنعه أو لغه أو أي طريقه حلال و شرعية علشان تقدر تسافر و تحسن مستوى دخلك بشكل شرعي و مترميش مشاكلك على حد تاني يحلهالك ( يا غريب كن اديب ) , و نصيحه لو معرفتش تاخد حقك في بلدك مش حتعرف تاخد حقك في أي مكان تاني في العالم
البوست القادم حقولكم ازاي تسافروا بالتفصيل الى جورجيا في ظل القوانين الجديده .
#التصريح_الأمني_جورجيا
جورجيا بعد ما سمحت ان الفيزا تكون اون لاين و انها مش محتاجه لا شهادة راتب و لا مهنه و لا حساب بنكي و لا تصريح أمني اصبحت أكثر دوله مرغوبه للسفر من المصريين
• سواء اللي بيسافروا بغرض السياحه ( لسهولة السفر ليها و روعة الطبيعه هناك )
• أو اللي بيسافروا بغرض كسر الفيزا و البحث عن اي فرصة عمل ( لأنها مش محتاجه انه يقدم أي أوراق قبل السفر غير صورة الباسبور فقط و بتطلع الفيزا و هو في بيته )
• أو اللي عاوزين يهربوا ( لأي سبب من الأسباب الى تركيا ) فبيتخذوا جورجيا معبر علشان يهرب من موضوع التصريح الأمني بتاع تركيا فيسافر من غير تصريح من مصر الى جورجيا و من هناك يسافر على تركيا .
للأسباب دي كلها أصبحت جورجيا جنة العاطلين عن العمل و مقصد الباحثين عن الثراء السريع و فرص العمل الرهيبه ( للأسف مغفلين !! ) , لأن الكلام ده مالوش اي أساس من الصحه , جورجيا للأسف بلد منهكة اقتصاديا بسبب انها كانت ضمن الاتحاد السوفيتي و كان مسيطر على كل مواردها و بعد كده حصل فيها انقلابات و حرب مع روسيا, كل ده خلاها للأسف معندهاش اي اقتصاد قوي لدرجة أن أهلها نفسهم مش لاقيين شغل غير أن دخل الفرد ضعيف جدا ,فأكيد أي مصري حيروح علشان يكسر فيزا و هو لا معاه لغة و لا اي شهاده و فاكر نفسه حيشتغل و يكسب دهب , ملقاش غير الشارع في انتظاره اما انه يتسول أو انه يسرق , و فعلا ده اللي حصل للأسف انتشر المصريين الباحثين عن العمل في شوارع تبليسي و بدأت تكثر الشحاتة من المصريين هناك وللأسف بدأت تحصل سرقات و حالات نصب و تحرش من المصريين في جورجيا, ده السبب الاول و السبب التاني و يمكن يكون الاهم للحكومة المصريه هو الحد من سفر بعض المصريين الى تركيا عن طريق جورجيا بدون تصريح امني. و علشان مصر تتحكم في الموضوع قرروا تطبيق التصريح الأمني لجورجيا علشان يسمحوا للمسافرين للسياحه فقط بأنهم يسافروا بعد ما يتاكدوا انهم عندهم وظيفه فعلا و معندهمش أي مشاكل أمنيه تمنعهم من السفر
للأسف احنا بنفسنا اللي بنحول كل حاجه سهلة و حلوه لحاجه صعبة لأن للأسف السيئه بتعم على الجميع, شكرا لكل كاسري الفيز و القوانين اللي بيصعبوا السفر على الناس اللي عاوزه فعلا تسافر علشان تتبسط و تتفسح و تحترم قوانين الفيزا و ترجع بلدها في سلام .
أخر كلمة لمحبي كسر الفيزا على فكره مش حل انك راجل طول بعرض و مش لاقي شغل في بلدك فتروح ترمي مشاكلك و حملك على بلد تانيه هيا أصلا مش عارفه تحل مشاكل أهلها !!. اسعى علشان ربنا يوفقك في المكان اللي انت فيه , حاول تتعلم صنعه أو لغه أو أي طريقه حلال و شرعية علشان تقدر تسافر و تحسن مستوى دخلك بشكل شرعي و مترميش مشاكلك على حد تاني يحلهالك ( يا غريب كن اديب ) , و نصيحه لو معرفتش تاخد حقك في بلدك مش حتعرف تاخد حقك في أي مكان تاني في العالم
البوست القادم حقولكم ازاي تسافروا بالتفصيل الى جورجيا في ظل القوانين الجديده .
#التصريح_الأمني_جورجيا