يا ريت لو في حد هنا سافر قبل كدا كمل دراسته بره يقولي هو عمل ايه و ايه...

[Ahmed El Araby]

يا ريت لو في حد هنا سافر قبل كدا كمل دراسته بره يقولي هو عمل ايه و ايه الاجراءات اللي عملها
عشان انا عايز اسافر اكمل دراستي في انجلترا ف انا عايز اعرف ايه الورق المطلوب والاجراءات اللي هعملها
ونا هتجوز وعايز اخد مراتي معايا يبقى لازم اعمل ايه وايه الاجراءات المطلوبه والورق المطلوب..
يا ريت حد يرد عليا بسرعه وشكرا

 

[Mona Ahmed]

Up

 

[Rahma Mahmoud Farrag]

F

 

[Abdo Ahamed]

بوص يا باشا انا حكلمك علي امريكا الي اعرفهم طلعوا و الي كنت حعمله
لو عايز دراسة رخيصة في امريكا بتدرس في حاجة اسمها community college درجة اقل من البكارليوس و بعدها سهل جدا تكمل بكارليوس انتة بتدخل علي موقع ال college تشوف متطلبتها تحققها تبعتلهم و قبلوك تمام تاخد ورقة القبول تروح السفارة تشوفهم عايزين ايه بس كدة

 

[Chiaro Di Luna]

عملة روسيا بالنسبة لمصر .. 1 روبل =3 جنيه مصري
وهتاخد هناك سنة تعليم روسي
و ألف ألف مبروك انك هتطلع من فاروس

 

[Hend Salem]

بتشوف تخصصك و الجامعات اللى بتدرسه و تشوف شروط القبول من مصاريف و توثيق شهادات و ايلتس ... لما تبعت لهم لهم ورقك و يقبلوك هيبعتوا لك خطاب قبول
بتاخده و تقدم على فيزا دراسة و ترفق خطاب القبول مع الورق المطلوب و تحدد موعد تبع tls
بس لازم تبقى عارف ان الدراسة فى انجلترا غالية جدا يعنى تبقى عامل حسابك كويس فى المصاريف

 

[Eslam El Maghraby]

F

 

[Mostafa Caffa]

طب لو عايز اقدم ع منحه اعمل اي
ياريت اللي عنده معلومه ميستبخلش و يقلها

 

[Mony El-shamy]

م

 

[Ahmed Mohamed]

الدراسه برا مصر حاجتين .. منح او علي حسابك
المنح عشان تاخدها لازم تثبت انك احسن من غيرك اللي بيقدم عليها
بمعني
لو فيه منحه لدراسه ماجستير القانون في امريكا مثلا
المنحه عددها 50 منحه مثلا يعني وبتبقي لكل جامعات مصر
بيتخرج كل سنه من كليات الحقوق المصريه هنقول 50 الف واحد
تفتكر انت فيك ايه احسن من باقي ال 50 الف اللي بيتخرجوا كل سنه من كليات الحقوق عشان تاخد المنحه دي دونا عن باقي الناس اللي اتخرجوا ؟؟ هي دي مفتاح المنح
انك تكون مميز ومختلف عن باقي البشر اللي حوليك
معاك ايلتس / تويفل / سات حسب متطلبات كل منحه ب درجه كويسه + تقديرات GPA عاليه + انشطه طلابيه وتطوعيه كنت بتعملها في الجامعه مع مؤسسات معروفه ف مصر
حاجات تخليهم يقولوا باااااااس مفيش غير البني ادم دة اللي هنديه المنحه الكامله دي علي حسابنا عشان تدرس برا
يعني انت لازم تشتغل علي نفسك وتتعب من دلوقتي عشان تبقي مؤهل للمنح وتجيلك فرصه كويسه لان التنافس من كل العالم دلوقتي مش مصريين بس
.
خطوات البحث عن اي دراسه علي حسابك 4 خطوات
بتختار التخصص اللي عايز تدرس فيه
وبعدين تختار اسم الدوله اللي عايز تدرس فيها
وبتختار بعد كدة الجامعات اللي موجودة في الدوله دي
وتبدأ رحله البحث في كل جامعه علي الشروط اللي تناسبك
وبعد كدة لو لقيت الشروط تناسبك بتراسل الجامعه دي وتقدم فيها وتحاول تجيب قبول جامعي منها
مثال
عايز تدرس تخصص محاماه في امريكا في جامعه يوتا
اديك اختارت التخصص محاماه
واختارت الدوله امريكا
واختارت الجامعه يوتا
ولو الشروط تنطبق عليك بتروح تراسلها وبتجيب قبول جامعي منها وبعدين بتدخل علي موقع السفاره بتاع الدوله اللي هتروحها وتشوف الشروط والمتطلبات وتقدم
.. مفيش حد يقدر يقولك تكلفه كام لانها نسبيه جدا حسب كل ولايه وكل معهد وكل جامعه وكل مدينه .. عايزة تعب وبحث بنفسك

 

[Lina Elmelegy]

كانت احلام و لما عرفت المصاريف نسيت موضوع تماما و لقيت ماليزيا ارخص و تعلمهمم مصنف عالميا تالت