A
Alaa Yassine
:: مسافر ::
الجزء الرابع :: مغامرة في جورجيا ( كازبيجي )
النهاردة هاتكلم معاكم علي أهم رحلة وأجمل مكان خلال زيارتي لجورجيا وهو كازبيجي .. كانت رحلة مختلفة في كل حاجة وشاهدت فيها حاجات لاول مرة في حياتي واتعرضت لموقف ماكنتش اتخيل في يوم انة يحصل معايا وكنت مبسوط جدا انة حصل .. تعالوا نعرف اية الموقف دة واية اللي حصل بالتحديد ...
بدا الترتيب للرحلة من اول مارجعت من كاخيتي وأتكلمت مع صاحبي الامريكاني اللي كنت قاعد عندة اني عاوز اروح مستيا فقالي اصرف النظر عنها لأنها بعيدة 12 ساعة والجو مش تمام فيها وخليك في كازبيجي احسن . وطبعا الليلة دي نمت علي اساس اني الصبح هاروح كازبيجي وهاحجز مع الشركة اللي طلعت معاها كاخيتي ونمت علي اساس اني هاصحي بدري وهنا بقي القدر لعب لعبتة .. صحيت متأخر في اليوم دة كان الوقت الضهر تقريبا واتضايقت جدا ان في يوم ضاع كدة من البرنامج حتي صاحبي نفسة اتفاجأ اني ماصحتش بدري لانة اتعود من وقت ماجيت اني اخر واحد بنام واول واحد بصحي .. وزي ما يكون القدر كان حابب يخليني لحاجة احسن . المهم اتصلت بصديقي ورفيق رحلتي بقي من اول اليوم دة مصطفي امين وهو بالمناسبة كان وصل بعدي بيوم واتفقنا من علي الجروب هنا اننا هانتقابل هناك وتبقي رحلتنا مع بعض واتفقنا اننا نتقابل وننزل نعمل شوبنج ونجيب شوية هدايا وتذكارات وبالمناسبة أهم مكان للهدايا والتذكارات بأسعار معقولة هما مكانين في تبليسي :::
1- شارع رستافيللي ودة بتلاقوا فية نااس بتبيع تذكارات قديمة ومنتجات يدوية ولوحات عن جورجيا بأسعار رخيصة ..
2- منطقة ال Dead Bridge ودة مكان هاتلاقوة قريب برضة من رستافيللي وهاتشوفوة انة عامل زي سوق الجمعة كدة هاتلاقوا فية كل حاجة وانتيكات وتحف وسجاد ونحاس وبأسعار رخيصة برضة .
شوية وقابلنا صاحبنا الثالث مصطفي اللي كان لسة راجع من تركيا واتفقنا اننا هانروح بكرة كازبيجي مع المكتب اللي رحت معاة رحلة كاخيتي فنصحنا بمكتب تاني كان طلع معاة كاخيتي وكمان سعرة ارخص من المكتب اللي كنت هاطلع معاة .. المكتب الاول كانت الرحلة ب65 لاري انما اللي نصحنا بية كانت ب45 لاري فطبعا رحنا حجزنا واليوم التاني الساعة 9 بدات الرحلة مع جروب حوالي 12 كان منهم 3 عرب من السعودية واليمن ..
الرحلة زرنا فيها ( أنانوري - غودوري -جرجيتي - كازبيجي ) وطبعا كل مدينة بتكون مرتفعة عن المدينة اللي قبلها لغاية ماتوصل كازبيجي اللي هو اعلي قمة جبل في جورجيا .. طبعا تعملوا حسابكم في لبس تقيل جدااا وقفازات وأيس كاب وكوفية لان فعلا البرد والتلج هناك مابيهزرش أنا فعلا وصلت لمرحلة اني ماكنتش حاسس بأيدي ماكنتش عارف اقفل ايدي كانت اتجمدت فعلا الحرارة بتوصل ل -10 و -15 ...
أول الرحلة زرنا قلعة أنانوري وهي قلعة مطلة علي سد أنانوري وهااتلاقوا هناك بحيرة جميلة جدا ومنظر في غاية الروعة .. ولغاية دلوقتي الجو جميل جدا ومفيش اي تلج ولا عواصف ولا اي حاجة بعد كدة كملنا لغاية ماوصلنا مدينة غودوري وهي تعتبر المكان الاول للتزلج علي الجليد في جورجيا .
وصلنا هناك بقي اخيرا بعد طريق صعب جدا و في ممرات ضيقة علي الجبل و الممر بتعدي فية عربية واحدة وبدا التلج يظهر والبياض بقي حوالينا في كل مكان واول ماوصلنا هناك كاانت العاصفة بدات والتلج بدا ينزل ودرجة الحرارة انخفضت جدا وطبعا كان المنظر رهيييب جدا بالنسبالي لانة اول مرة في حياتي اشوف تلج بالكمية دي واحس فعلا بالبرد بالشكل دة وفكرني بمحمد هنيدي في جاءنا البيان التالي ولكن طبعا لا عاصفة تأثر فينا ولا حاجة .......
كان تأجير الSnow mobiling أو زلاجات التليج ب70 لاري والمرشد بتاعك ب70 لاري يعني المجموع 140 لاري للفرد .. الزلاجة بالمرشد لمدة 30 دقيقة فاجرت انا وصاحبي زلاجة بالمرشد وكل واحد دفع 70 لاري وطبعا انطلقنا مع القافلة !! كان الجو عاصف جدا والتلج بينزل بغزارة لدرجة ان المرشدين اللي كانوا معانا الزلاجات بتاعتهم غرزت وكانت بتتقلب بينا من كتر التلج اللي كان بينزل ماكناش شايفين اي حاجة اصلا في اوقات كتير المهم لففونا شوية ونزلنا اخيرا وقلنا يعني اللي هو احنا ( العرب ) هو في تلج كل يوم يلا بينا نتزحلق علي الجليد ونزلنا عشان نأجر معدات التزحلق و طبعا المرشد منعنا وقال لينا بالحرف ( ? want to die ) لأن فعلا كان الجو قلب جدا واحنا كنا فاكرينة ان دة الطبيعي بتاعهم !! رغم كدة كملنا المسيرة لفاية كازبيجي وهما طبعا متعودين علي السواقة في التلج دة لغاية ماوصلنا لبداية طريق الصعود لقمة الجبل .. نزلنا من العربية وكل 4 دخلوا في عربية جيب ب40 لاري عشان نطلع علي قمة الجيل .. طبعا الطريق حقيقي يخوف وعر جدا أنا نفسي ماكنتش شايف حاجة من الضباب والتلج اللي بينزل بس الحمد لله وصلنا لقمة الجبل وشفنا الكنيسة اللي انا مش عارف ازاي كانوا بيطلعوا كل المسافة دي عشان يصلوا فيها .. المسافة تقريبا نص ساعة بالعربية علبال ماطلعنا فوق .. نزلنا اخيرا من علي الجبل بعد جولة في الكنيسة ورحنا عشان نتغدي في المطعم دة اللي موجود في بداية طريق الصعود واكلة رووعة وسعرة معقول .
/Restaurant წანარეთი-Tsanareti in kazbegi
طبعا وقتها اكتشفت ان موبايلي وقع مني في العربية اللي طلعتنا فوق وكان فاصل شحن فقلت خلاص الموبايل راح !!!
هنا بقي عاوز اقف لحظة لان دي المواقف اللي بتظهر معدن الأشخاص فعلا .. رحت قلت للمرشد اللي كان معانا طبعا اهتم جدا بالموضوع وسأل كزا حد من العربيات اللي كانت لسة واقفة بس عرفت ان العربية اللي كنت فيها طلع فيها فوج وهي علي الجبل فوق دلوفتي فالمرشد قالي لو الموبايل بتاعك في العربية فاطمن هايرجعلك تاني وبالفعل ربع ساعة وكان السواق ساب الجروب اللي كان معاة فوق ونزل يسأل علي المرشد اللي معانا عشان يديلة الموبايل .. المهم في الموضوع ان الشعب دة رغم فقرة وحالتة المتدنية نوعا ما الا انهم مابيبصوش في اللي معاك وقنوعين جدا وعندهم امانة بدرجة كبيرة جدا ..ودة اللي حصل معايا ..
اتغدينا وبدأ الجو يظلم فجهزنا نفسنا اننا نرجع بقي تبليسي ولكن برضة القدر يلعب لعبتة ويحصل شوية اكشن في الرحلة عشان العاصفة التلجية بتزيد والتلج اغلق الطريق والبوليس مانع اي حد انة يمر فرحنا اتكلمنا مع البوليس واننا ملتزمين ببرنامج معين ولازم نوصل تبليسي دلوقتي وطبعا ماعندهمش تفاهم !! فقالنا الطريق ممكن يتفتح الصبح لو العاصفة وقفت ورجعنا تاني كازبيجي ندور علي مكان ننام فية لغاية الصبح ..وطبعا كان الوضع كالاتي تقريبا 12 واحد هايناموا فين ؟؟ واي هوستل ممكن يستقبلنا دلوقتي وبالعدد دة ؟؟ وكمان الفنادق في كازبيجي غالية والجو مش مظبوط فصعب اننا ندور علي حاجة فالمرشد اللي معانا كان علي قدر المسئولية فعلا واتصرف وقدر يشوف هوستل متوفر ورحنا الهوستل فكرنا بافلام الرعب مافيهوش مخلوق وقفنا شوية لغاية ما صاحبة المكان العجوزة فتحت الباب لأنها كانت نايمة وفتحت النور ودخلنا الهوستل المكان جوة تلج جداااا ومفيش مياة ساخنة واغلب لبسنا مبلول من التلج اللي علية فتخيلو بقي منظرنا فالمرشد لقي الوضع كدة فبلغنا نسيب الشنط بتاعتنا وهانروح في فندق تاني نظيف نقضي فية الليلة ونرجع ننام في الهوستل وخلاص لغاية الصبح . رحنا الفندق دة هو غالي حبتين بس فعلا من اجمل الفنادق اللي انا دخلتها في حياتي وطبعا واخد 1000 تقييم علي بوكنج وبالرغم من سعرة العالي الا انة دايما محجوز ولا يوجد فية اماكن خالية ..
/★★★★ فندق رومز كازباجي, كازباجي, جورجيا
دخلنا الفندق ومشكورين استقبلونا طبعا اول ما اخدنا بالنا من الدفاية اللي موجودة في اللوبي كلنا رحنا اتجمعنا عندها واحساس الدفا الجميل بدأ ينتشر وقضينا ليلتنا ورحنا نمنا في الهوستل ليلة لا تنسي قضيناها مع المرشد بتاعنا اللي هو فعلا حسسنا انة اخونا يومها ماكانش بيتضايق ولا بيزهق من الطلبات اللي كنا عاوزينها واخدنا في عز التلج ونزلنا السوبر ماركت الساعة 12 بليل وبعد كدة قال تعالوا اسهروا معايا لو مش هاتعرفوا تناموا والصبح اخدنا جولة شوية لغاية ما الطريق فتح وروحنا تبليسي واحنا مش مصدقين اصلا اننا رجعنا بعد كل الاحداث دي .. وكمان ماطلبوش مليم زيادة في الرحلة وكمان اعتذروا لينا عن التأخير اللي حصل وبدل ماكان يوم واحد هايكون ب65 لاري . القدر يخليني احجز مع المكتب اللي ب45 لاري وبدل ما يكون يووم واحد يبقي يومين !!!
النهاردة هاتكلم معاكم علي أهم رحلة وأجمل مكان خلال زيارتي لجورجيا وهو كازبيجي .. كانت رحلة مختلفة في كل حاجة وشاهدت فيها حاجات لاول مرة في حياتي واتعرضت لموقف ماكنتش اتخيل في يوم انة يحصل معايا وكنت مبسوط جدا انة حصل .. تعالوا نعرف اية الموقف دة واية اللي حصل بالتحديد ...
بدا الترتيب للرحلة من اول مارجعت من كاخيتي وأتكلمت مع صاحبي الامريكاني اللي كنت قاعد عندة اني عاوز اروح مستيا فقالي اصرف النظر عنها لأنها بعيدة 12 ساعة والجو مش تمام فيها وخليك في كازبيجي احسن . وطبعا الليلة دي نمت علي اساس اني الصبح هاروح كازبيجي وهاحجز مع الشركة اللي طلعت معاها كاخيتي ونمت علي اساس اني هاصحي بدري وهنا بقي القدر لعب لعبتة .. صحيت متأخر في اليوم دة كان الوقت الضهر تقريبا واتضايقت جدا ان في يوم ضاع كدة من البرنامج حتي صاحبي نفسة اتفاجأ اني ماصحتش بدري لانة اتعود من وقت ماجيت اني اخر واحد بنام واول واحد بصحي .. وزي ما يكون القدر كان حابب يخليني لحاجة احسن . المهم اتصلت بصديقي ورفيق رحلتي بقي من اول اليوم دة مصطفي امين وهو بالمناسبة كان وصل بعدي بيوم واتفقنا من علي الجروب هنا اننا هانتقابل هناك وتبقي رحلتنا مع بعض واتفقنا اننا نتقابل وننزل نعمل شوبنج ونجيب شوية هدايا وتذكارات وبالمناسبة أهم مكان للهدايا والتذكارات بأسعار معقولة هما مكانين في تبليسي :::
1- شارع رستافيللي ودة بتلاقوا فية نااس بتبيع تذكارات قديمة ومنتجات يدوية ولوحات عن جورجيا بأسعار رخيصة ..
2- منطقة ال Dead Bridge ودة مكان هاتلاقوة قريب برضة من رستافيللي وهاتشوفوة انة عامل زي سوق الجمعة كدة هاتلاقوا فية كل حاجة وانتيكات وتحف وسجاد ونحاس وبأسعار رخيصة برضة .
شوية وقابلنا صاحبنا الثالث مصطفي اللي كان لسة راجع من تركيا واتفقنا اننا هانروح بكرة كازبيجي مع المكتب اللي رحت معاة رحلة كاخيتي فنصحنا بمكتب تاني كان طلع معاة كاخيتي وكمان سعرة ارخص من المكتب اللي كنت هاطلع معاة .. المكتب الاول كانت الرحلة ب65 لاري انما اللي نصحنا بية كانت ب45 لاري فطبعا رحنا حجزنا واليوم التاني الساعة 9 بدات الرحلة مع جروب حوالي 12 كان منهم 3 عرب من السعودية واليمن ..
الرحلة زرنا فيها ( أنانوري - غودوري -جرجيتي - كازبيجي ) وطبعا كل مدينة بتكون مرتفعة عن المدينة اللي قبلها لغاية ماتوصل كازبيجي اللي هو اعلي قمة جبل في جورجيا .. طبعا تعملوا حسابكم في لبس تقيل جدااا وقفازات وأيس كاب وكوفية لان فعلا البرد والتلج هناك مابيهزرش أنا فعلا وصلت لمرحلة اني ماكنتش حاسس بأيدي ماكنتش عارف اقفل ايدي كانت اتجمدت فعلا الحرارة بتوصل ل -10 و -15 ...
أول الرحلة زرنا قلعة أنانوري وهي قلعة مطلة علي سد أنانوري وهااتلاقوا هناك بحيرة جميلة جدا ومنظر في غاية الروعة .. ولغاية دلوقتي الجو جميل جدا ومفيش اي تلج ولا عواصف ولا اي حاجة بعد كدة كملنا لغاية ماوصلنا مدينة غودوري وهي تعتبر المكان الاول للتزلج علي الجليد في جورجيا .
وصلنا هناك بقي اخيرا بعد طريق صعب جدا و في ممرات ضيقة علي الجبل و الممر بتعدي فية عربية واحدة وبدا التلج يظهر والبياض بقي حوالينا في كل مكان واول ماوصلنا هناك كاانت العاصفة بدات والتلج بدا ينزل ودرجة الحرارة انخفضت جدا وطبعا كان المنظر رهيييب جدا بالنسبالي لانة اول مرة في حياتي اشوف تلج بالكمية دي واحس فعلا بالبرد بالشكل دة وفكرني بمحمد هنيدي في جاءنا البيان التالي ولكن طبعا لا عاصفة تأثر فينا ولا حاجة .......
كان تأجير الSnow mobiling أو زلاجات التليج ب70 لاري والمرشد بتاعك ب70 لاري يعني المجموع 140 لاري للفرد .. الزلاجة بالمرشد لمدة 30 دقيقة فاجرت انا وصاحبي زلاجة بالمرشد وكل واحد دفع 70 لاري وطبعا انطلقنا مع القافلة !! كان الجو عاصف جدا والتلج بينزل بغزارة لدرجة ان المرشدين اللي كانوا معانا الزلاجات بتاعتهم غرزت وكانت بتتقلب بينا من كتر التلج اللي كان بينزل ماكناش شايفين اي حاجة اصلا في اوقات كتير المهم لففونا شوية ونزلنا اخيرا وقلنا يعني اللي هو احنا ( العرب ) هو في تلج كل يوم يلا بينا نتزحلق علي الجليد ونزلنا عشان نأجر معدات التزحلق و طبعا المرشد منعنا وقال لينا بالحرف ( ? want to die ) لأن فعلا كان الجو قلب جدا واحنا كنا فاكرينة ان دة الطبيعي بتاعهم !! رغم كدة كملنا المسيرة لفاية كازبيجي وهما طبعا متعودين علي السواقة في التلج دة لغاية ماوصلنا لبداية طريق الصعود لقمة الجبل .. نزلنا من العربية وكل 4 دخلوا في عربية جيب ب40 لاري عشان نطلع علي قمة الجيل .. طبعا الطريق حقيقي يخوف وعر جدا أنا نفسي ماكنتش شايف حاجة من الضباب والتلج اللي بينزل بس الحمد لله وصلنا لقمة الجبل وشفنا الكنيسة اللي انا مش عارف ازاي كانوا بيطلعوا كل المسافة دي عشان يصلوا فيها .. المسافة تقريبا نص ساعة بالعربية علبال ماطلعنا فوق .. نزلنا اخيرا من علي الجبل بعد جولة في الكنيسة ورحنا عشان نتغدي في المطعم دة اللي موجود في بداية طريق الصعود واكلة رووعة وسعرة معقول .
/Restaurant წანარეთი-Tsanareti in kazbegi
طبعا وقتها اكتشفت ان موبايلي وقع مني في العربية اللي طلعتنا فوق وكان فاصل شحن فقلت خلاص الموبايل راح !!!
هنا بقي عاوز اقف لحظة لان دي المواقف اللي بتظهر معدن الأشخاص فعلا .. رحت قلت للمرشد اللي كان معانا طبعا اهتم جدا بالموضوع وسأل كزا حد من العربيات اللي كانت لسة واقفة بس عرفت ان العربية اللي كنت فيها طلع فيها فوج وهي علي الجبل فوق دلوفتي فالمرشد قالي لو الموبايل بتاعك في العربية فاطمن هايرجعلك تاني وبالفعل ربع ساعة وكان السواق ساب الجروب اللي كان معاة فوق ونزل يسأل علي المرشد اللي معانا عشان يديلة الموبايل .. المهم في الموضوع ان الشعب دة رغم فقرة وحالتة المتدنية نوعا ما الا انهم مابيبصوش في اللي معاك وقنوعين جدا وعندهم امانة بدرجة كبيرة جدا ..ودة اللي حصل معايا ..
اتغدينا وبدأ الجو يظلم فجهزنا نفسنا اننا نرجع بقي تبليسي ولكن برضة القدر يلعب لعبتة ويحصل شوية اكشن في الرحلة عشان العاصفة التلجية بتزيد والتلج اغلق الطريق والبوليس مانع اي حد انة يمر فرحنا اتكلمنا مع البوليس واننا ملتزمين ببرنامج معين ولازم نوصل تبليسي دلوقتي وطبعا ماعندهمش تفاهم !! فقالنا الطريق ممكن يتفتح الصبح لو العاصفة وقفت ورجعنا تاني كازبيجي ندور علي مكان ننام فية لغاية الصبح ..وطبعا كان الوضع كالاتي تقريبا 12 واحد هايناموا فين ؟؟ واي هوستل ممكن يستقبلنا دلوقتي وبالعدد دة ؟؟ وكمان الفنادق في كازبيجي غالية والجو مش مظبوط فصعب اننا ندور علي حاجة فالمرشد اللي معانا كان علي قدر المسئولية فعلا واتصرف وقدر يشوف هوستل متوفر ورحنا الهوستل فكرنا بافلام الرعب مافيهوش مخلوق وقفنا شوية لغاية ما صاحبة المكان العجوزة فتحت الباب لأنها كانت نايمة وفتحت النور ودخلنا الهوستل المكان جوة تلج جداااا ومفيش مياة ساخنة واغلب لبسنا مبلول من التلج اللي علية فتخيلو بقي منظرنا فالمرشد لقي الوضع كدة فبلغنا نسيب الشنط بتاعتنا وهانروح في فندق تاني نظيف نقضي فية الليلة ونرجع ننام في الهوستل وخلاص لغاية الصبح . رحنا الفندق دة هو غالي حبتين بس فعلا من اجمل الفنادق اللي انا دخلتها في حياتي وطبعا واخد 1000 تقييم علي بوكنج وبالرغم من سعرة العالي الا انة دايما محجوز ولا يوجد فية اماكن خالية ..
/★★★★ فندق رومز كازباجي, كازباجي, جورجيا
دخلنا الفندق ومشكورين استقبلونا طبعا اول ما اخدنا بالنا من الدفاية اللي موجودة في اللوبي كلنا رحنا اتجمعنا عندها واحساس الدفا الجميل بدأ ينتشر وقضينا ليلتنا ورحنا نمنا في الهوستل ليلة لا تنسي قضيناها مع المرشد بتاعنا اللي هو فعلا حسسنا انة اخونا يومها ماكانش بيتضايق ولا بيزهق من الطلبات اللي كنا عاوزينها واخدنا في عز التلج ونزلنا السوبر ماركت الساعة 12 بليل وبعد كدة قال تعالوا اسهروا معايا لو مش هاتعرفوا تناموا والصبح اخدنا جولة شوية لغاية ما الطريق فتح وروحنا تبليسي واحنا مش مصدقين اصلا اننا رجعنا بعد كل الاحداث دي .. وكمان ماطلبوش مليم زيادة في الرحلة وكمان اعتذروا لينا عن التأخير اللي حصل وبدل ماكان يوم واحد هايكون ب65 لاري . القدر يخليني احجز مع المكتب اللي ب45 لاري وبدل ما يكون يووم واحد يبقي يومين !!!
