اخواني واخواتي حابه استشاره منكم انا تخصصي العام في البكالوريوس لغه...

  • بادئ الموضوع بادئ الموضوع Sam Ja
  • تاريخ البدء تاريخ البدء
عرض العطلة
S

Sam Ja

:: مسافر ::
#1
اخواني واخواتي حابه استشاره منكم
انا تخصصي العام في البكالوريوس لغه انجليزيه طبعا كان مكس بين الأدب واللغويات والمواد العامه مثل الرايتنج والريدنج

الآن أنا معيده في معهد اللغه
أدرس لغة انجليزية لطالبات السنة التحضيرية
حابه اطلع ماستر وجاتني قبولات وابغى استشارتكم
الجامعة شارطين tesol وانا مو حابه اتوسع فيه لان الدبلوم فيه يكفي في نظري وبما اني طالعة ابتعاث بحول الله حابه ادرس شي مميز يستحق العناء
ف بعد مفاوضات الجامعه قالت عادي دبل ميجور اهم شي تيسول
انا محتاره بين هذي التخصصات
Applied linguistics( for ) language teaching, University of Southampton

Linguistics and TESOL>> Uni of Leeds

Applied linguistics and TESOL >> Uni of Newcastle, University of Nottingham & University of Sheffield

ايش حتختاروا لو كنتو مكاني.. انا حابه اتوسع ومره ماني قادره اختار.. احياناً يجيني احباط من تدريس اللغة كلغة ثانية خصوصا عامل الـ motivation زيرو عند أغلب الطالبات.

وايش الافضل كمدينه ليدز او ساوثهامبتون او شيفيلد او نيوكاسل ..
 
#3
بحكم تخصصي المشابه، اذا بتدرسي لغة انجليزية، فانصحك بالتيسول. لانه مجال متجدد وفيه اشياء كثيرة راح تستفيدي منها. ولكن حاولي يكون التخصص مندرج تحت كلية العلوم والآداب College of Arts
يعني يسير التخصص:
MA in TESOL
لان المسار هذا فيه خليط بين اللغويات التطبيقية والنظرية وطرق التدريس. لانه هذا المطلوب اذا مجال عملك تدريس مهارات لغة انجليزية. لكن التخصص المزدوج بين تيسول ولغويات بيكون ضغط عليك في الدراسة نوعاً ما.
وبعدها لو حابة تكملي دكتوراة، فانصحك بتخصص اللغويات التطبيقية.
وبالتوفيق.
 
#4
وانصحك بجامعة Birmingham اذا بتدرسي في بريطانيا
واذا ما عندك الا الخيارات السابقة فجامعة Nottingham تعتبر الاقوى
 
#5
التيسول شهادتو توفرلك فرص وظيفية اكبر، اللغويات حتحصرك بس في تخصص واحد والان اتجاه الجامعات كلو بدأوا يركزوا على تخصص الترجمة اكثر من اللغويات او الادب هذا اذا انتي كنتي حابة تشتغلي في جامعة لما ترجعي. اما التيسول يوفرلك فرص في اكثر من مكان
 
عرض العطلة
#8
دام انك طالعة ع معيدية فغالبا يجبروك ع التيسول الي يتضمن اللغويات عربي-انجليزي لانه دا الي حيخدم ومرتبط بوظيفتك، بس لازم تعرفي تفرقي بين شيئين اللغويات التطبيقية تنقسم لقسمين حسب خبرتي هنا في الجامعات الامريكية: ١- لغويات تطبيقية تيسول فقط و ٢- لغويات تطبيقية الي مجالاتها تكون اوسع وتضمن psycholingsuitics; sociolinguistics; language acquisition ...etc (وهدا تخصصي في الجامعة) بس البرنامجين لابد يكون فيهم مواد اللغويات النظرية (Phonology, syntax..etc)، فالبرنامجين اللي طرحتيهم يشبهو بعض لانه تيسول جزء من ال applied linguistics، اعرف جامعة قوية من افضل ٥٠ جامعة في امريكا
Indiana Universtity, Bloomington دي الجامعة برضو فيها برنامج اللغويات التطبيقية النوعين وتقدري تاخذي ماينور في النوع التاني ازا حابة تنوعي في شي تاني غير التيسول، وبالتوفيق لك
 
#9
انا لو مكانك حاختار linguistics and tesol لانه يجمع مابين اللغويات النظرية والتخصص الي انت مجبرة عليه بحكم الوظيفة.. وكدا حتتوسع معلوماتك اكتر في كزا مجال..
ممكن تضيفي مواد من قسم ال education او second language acquisition بحكم انها مرتبطة بالتيسول
بالتوفيق يارب..
 
#10
التيسول هو فرع من فروع الأبلايد لينقويستكس..
من وجهة نظري ابتعدي عن اللينقويستكس لحاله لأن مجالات توظيفه محدودة يعني فقط كليات الآداب ممكن تاخذك..

التيسول أو الأبلايد لنقويستكس تاخذك كلية الآداب وكلية اللغات والترجمة وقسم التحضيري في أي جامعة كانت وحتى المعاهد الخاصة..

بالنسبة لكلامك انو التيسول يكفي شهادة دبلومه، هذا بيكون صحيح اذا كنّا نتكلم عن جهة توظيف خارج السعودية أو الخليج عامًة، لكن الدبلوم ما يغنيك عن الماجستير إذا كنتِ تبين تشتغلين محاضرة.. وعادة يستفيد منها النيتڤ سبيكرز فقط في التوظيف لأن النيتڤز ما يشرطون عليهم ماجستير وتكفي الدبلومه..

من رأيي اختاري تيسول أو أبلايد لنقويستكس لأنه بيفتح لك مجالات كبييييرة سواء في السعودية أو حتى خارجها...

اختيار الجامعة يرجع لك... لازم تدخلين وتشوفين الخطة الدراسية حقت كل جامعة وشوفي الأنسب لك ولطموحاتك.. مثلا بعضها تكون الدراسة فيها كثير بحوث وبعضها تطبيق أكثر.. اذا احترتي اطبعي الخطط الدراسية واستشيري رئيسة القسم...

موفقة
 
عرض العطلة
عرض العطلة
عرض العطلة
أعلى أسفل
عودة
قائمة