السادة أعضاء الجروب المحترمين ناس كتير بتسأل ليه الادمن مش بيرد على الخاص...

[Hend Salem]

السادة أعضاء الجروب المحترمين
ناس كتير بتسأل ليه الادمن مش بيرد على الخاص
الشات المرفق بيوضح نوعية الأسئلة اللى بتوصل على الخاص و مستوى اللغة و الحوار اللى بيخلينى أرفض تماما الرد على الخاص ... فى كمان نماذج تانية من التطاول اللى بتوصل فى حال الاختلاف فى الراى على البوستات فمش بيكون عندهم شجاعة الشتيمة و قلة الادب على العام فبيدخلوا يمارسوا سوء أخلاقهم على الخاص
طبعا ده لا يمنع ان فى نماذج محترمة جدا بتبعت على الخاص و لكن للأسف مش باقدر ارد عليهم لعامل الوقت
لذا باستسمح حضراتكم ان الاسئلة تكون على العام عشان نحقق اكبر قدر من الاستفادة
#دمتم_مسافرين
#Traveller_Experience

 

[Nagwa Amin]

عندك حق و الله... و انا كمان بعتذر للناس اللي بعتولي علي الخاص الاسئله المفروض تكون عامه عشان الاستفاده للجميع

 

[Ramy Eman]

طبعا حذفتي الحتة اللي بتتفاوضو فيها ع السعر

 

[Steven Gerrard Bergkamp]

اكيد.طبعا بحكم أن الاستفسارات بفلوس والادمنز ناس فعلا محتاجه حاجه زاي ديه

 

[Ahmed Mohamed]

ممكن ادد وتعارف جاد يا هند :"D انترنت اكسبلور 2007

 

[Sara Saeed]

فلووووس زي الرزززززز

 

[Sameh Salah]

ربنا معاكم بجد هههه دة انا بعد بوست واحد جالى حوالى ٣٠٠ مسدج منهم حوالى ١٠٠ مسدج من النوعية. دى .. كنت حتشل ولما تفهم الناس البوست ال انا كنت عامله علشان ال الناس ال عايزة تسافر سياحه ملوش علاقة بالحوارات دى خالص والكلام دة غلط برضه مفيش فايدة فيما بالكم أنتم بقى ^^

 

[Ahmad Morsy]

طب ليه الجروب معمول puplic

 

[Ahmed Haddad]

السؤال ع العام افضل وبتلاقي ردود كتيير واجابات مختلفه وبتفيد

 

[Sami Magdi]

حاجه صعبه جدا سؤال غبي وحتي الاسلوب غبي يفول هو السؤال حرام طيب ياسيدي عندك جروب في ناس ماشاء الله ليه تسأل خاص الله معاكي معلش hend salem

 

[Moutaz Mohamed]

انتم شغالين من ورايا رشاوي؟؟؟
مش ننصص و لا عايزين تكلوها وابعه لوحدكم؟؟؟

 

[Omar Abdalla]

انا مش ادمن و زهقت بصراحه من الناس اللي بتدخل تكلمني انبوكس .الجروب فيه حاجه وسبعين الف ومستحيل الواحد يلاقي وقت للرد علي كل الناس ولو الواحد اتاخر في الرد الناس بتزعل

 

[Mohamed Elsayed]

دا اختار اكتر ٣ دول مفيش فيهم فرص شغل و لا مستقبل اصلا روسيا اهلها ذات نفسهم اصلا مش لاقيين ياكلوا و اللي بيشتغل المرتب مش بيكفيه و بقوا اصحاب مرض يشتغلوا بال ١٢ ساعة و المرتب بيكفي ايجار اوضة بالعافية و لازم يكون بيتكلم روسي و بقوا بيرحلوا المصريين من المطار اصلا و لغوا تاشيرة العمل للمصريين و بقت التأشيرة متطلباتها معقدة اكتر و برضه بنسبة ٧٠٪ هتترحل من المطار اما توصل غير الشرطة اللي بتوقف العرب في المترو اللي هو وسيلة المواصلات الوحيدة و تشوف تأشيرتهم و شرعيين ولا لأ اقسم بالله اصحابي الروسيين بقوا بيفكروا يهاجروا لمصر و تايلاند و بيسألوني ازاي يعملوا اقامة في مصر علشان يعيشوا بس زي البني ادمين بسكن و اكل و شرب رخيص

و جورجيا اهلها شغالين بياعين في الشوارع و مفيش فيها ولا مصنع وكلهم معتمدين ع الرعي و لازم تكون بتتكلم روسي او جورجي برضه

قبرص جزيرة ولا تأشيرتها بتدخلك دول شينجن ولا ليها اي حدود مع شنجن ولا هتعرف تهرب فيها من صغرها

 

[Ahmed Ramadan]

يبقى اقفلى الخاص

 

[Fahd Alsayed]

بعيدا عن ان كلامه نسبيا عادي مش فاهم حضرتك منزله الصوره دي من كلامه ليه و بتسخري منها بس يخربيت النفاق اللي في الكومنتات

 

[Mohamed Mostafa]

هو الكلام عادي .... بس الي باعت الكلام لو عمل سيرش هيلاقي اجابات .... مش لازم يستني رد لانه مش فرض علي الادمن .. ليه يسأل علي الخاص !؟؟

 

[Nada Ahmed]

تمام بس مش كل اللي بيسال بيكون كده اوقات كتير مبنلاقيش اجابات واوقات البوست بينزل ويتمسح من غير محد يلحق يشوفو او يرد واكيد حضراتكو عندكو المقدره فتمييز اللي بيتكلم واكيد بردو تقدرو تمنعو اللي بيتكلم من اي تطاول

 

[Ahmed Abdel Basset]

معلش عدم الرد افضل شىء

 

[Nemo Mohamed]

مع احترامي التام لحضرتك ولكل اعضاء الجروب
الوقت الي ضاع علي الردود في البوست ده كان اولا بيه بوسط يفيد الناس وحكايه الرسايل شباب وبنات بيجيلهم رسايل في حاجه اسمها بلوك
مره تانيه كل الاحترام والتقدير للادمن واعضاء الجروب

 

[Mohamed Samir]

مش فاهم طيب لو رديتي عل الراجل هيحصل ايه !!