M
Mohamed Saad
:: مسافر ::
نيجى بقى للمدينة التالته اللى طال انتظارها محبوبتى براغ أو براج أو براها حسب ما كل واحد يحب يدلعها
اللى كان قرأ البوست التانى بتاع امستردام كنت اتحركت من باريس لامستردام اتوبيس و نفس الكلام لبراج ركبت اتوبيس برضه مريح جدا و مناسب للسفر و أخد حوالى 10 ساعات تقريبا بيمر جوا ألمانيا
المهم وصلنا و أول حاجه دخلنا مكتب الاستعلامات اللى فى المحطه عشان نسأل ازاى نروح الهوستل و أشترينا الكارت بتاع prague card بنصح بيه جدا غالى شويه ب 40 يورو بس لو هتقعد فتره فى براغ هتستفيد بيه جدا مواصلات و مزارات و خصومات على حاجات كتير زى ما هحكى بالتفصيل
وصلنا الهوستل مكانه كان كويس قريب من كل حاجه تقريبا بعد ما نزلنا المحطه و سألنا الناس فى الشارع اللى كانوا بيجاوبوا بترحيب شديد و وجه بشوش و اكتر من حد مشى معانا شويه عشان يشرح الطريق
الهوستل مكنش بيقدم فطار كنت يجيب فطار 3 الأيام من محل مخبوزات أكثر من رائع اسمه krusta و له اكتر من فرع هناك و الحاجه سعرها رخيص جدا مقارنه بطعمها و الغداء فى مطاعم حلال كتير و فى يوم منهم كلت بيتزا فى مطعم افغانى كانت لذيذه بس غاليه شويه
انا قعدت 3 ايام فى براغ و فى العموم براغ مدينه جميله جدا تحس فيها عبق كده حلوه عبق دى المهم تحس ليها تاريخ و شوارع جميله بالبازلت كده و نضيفه جدا و أهلها حلوين اوى الصراحه و العيشه فيها رخيصة مش غاليه أكل و أقامه و فسح و العملة بتاعتهم كورونا و ممكن تتعامل باليورو عادى معظم المحلات حطين السعر بالعملتين نيجى للمهم
اليوم الأول
طبعا أشهر معالم براغ Charles bridge و كان الهوستل اللى قعدت فيه قريب بناخدها مشى كوبرى مبهج جدا ناس بترسم و ناس بتعزف و ناس بتصور و اتمشينا فى المدينه القديمه old town وصولا ب prague castle طلعوا بسلالم كتير شويه تحفه طبعا من جوا متقسمه مبانى كتير و كل مبنى فيه حاجات مختلفه عن التانى كارت براغ دخلنا اكتر من مبنى و كناءس ببلاش و غرف للتعذيب و الاسلحه و الملابس الحربيه القديمة كان مكان ظريف اوى
خرجنا من القلعه ركبنا ترام ل petra tower حاجه كده شبه ايفل بس على صغنن على مكان عالى شويه بيتركبله تليفريك ينزلك فى بارك كبيره فيها البرج و اكتر من مبنى معاه و دخولهم كلهم ببلاش بالكارت منهم maze mirror كانت ظريفة اوى تشوف نفسك بأشكال مختلفة البرج نفسه المنظر من فوق تحفه كاشف براغ كلها مناظر حلوه اوى للتصوير و فيه زى متحف لمراحل بناء التليفريك و كملنا اليوم مشى على نهر فلتافا مناظر بديعة و مبانى حلوه اوى
اليوم التانى
أخدنا bus tour بعربيه فان بس كبيره شويه لف بينا براغ كلها معظم معالم المدينه مع شرح بكل اللغات سماعات قدامك لكل كرسى و ده كان ضمن الكارت ببلاش برضه
و بعدين طلعنا old town hall tower و powder tower دول بيطلوا على ميدان المدينه القديمه و المنظر من فوق روعه و برضه ببلاش بالكارت
و طلعنا بعدها prague ferry boat مركب بتطلع رحله فى النهر مده نص ساعه تقريبا برضه ظريفة اوى و بلاش بالكارت و الراجل اللى كان سايقها لذيذ اوى و طلع جه مصر قبل كده و اتوصنا بينا اوى
دخلنا بعدها متحف Charles bridge حاجه صغيره كده بس بيحكى عن خطوات عمل الجسر و الحجارة المستخدمه دخلناه استخسار عشان كان ببلاش برضه بالكارت
دخلنا بعدها متحف الشمعmadame tussauds طبعا مشهور و مدن كتير حول العالم مش فاكر اوى كان بكام الصراحه بس مكانش غالى
و بعدها ختمنا اليوم بكروز بالعشاء بس أخدنا مقلب تمام فى الأكل و قضيناها جبنة و فاكهة بس و دى الكارت كان مدى خصم 25% بس كانت 3 ساعات تقريبا كانت بحوالى 25 يورو أو 30 على ما اتذكر
اليوم التالت
فطرنا من krusta كالعاده و رحنا على park كبيره على النهر و عاليه و كانت ببلاش طبعا الدخول و المنظر من فوق مش ممكن الجمال اسمها مش متأكد اوى تقريبا letna park و جنبها ملعب sparta praha ده فريق الجامد بتاعهم الاهلى كده
و ختمنا اليوم التالت و براج كلها بمكان رائع بيقدم عروض فولكلور الرقص التشيكى و شامل عشاء اسمه folklore garden العرض حوالى ساعتين بحوالى 35 يورو بعد خصم 25%بتوع الكارت و بيجو ياخدوك من قدام الفندق و يرجعوا تانى و قمنا رقصنا فيه تشيكى معاهم و عرض كان حلو اوى اوى
معلش طولت اوى البوست ده بس تعمدت انى احكى بالتفصيل عشان اللى يحب يروح يبقى متخيل كل حاجه لو قرأ البوست و ان شاء الله مكمل معاكم باقى المدن فى بوست تانى
اللى كان قرأ البوست التانى بتاع امستردام كنت اتحركت من باريس لامستردام اتوبيس و نفس الكلام لبراج ركبت اتوبيس برضه مريح جدا و مناسب للسفر و أخد حوالى 10 ساعات تقريبا بيمر جوا ألمانيا
المهم وصلنا و أول حاجه دخلنا مكتب الاستعلامات اللى فى المحطه عشان نسأل ازاى نروح الهوستل و أشترينا الكارت بتاع prague card بنصح بيه جدا غالى شويه ب 40 يورو بس لو هتقعد فتره فى براغ هتستفيد بيه جدا مواصلات و مزارات و خصومات على حاجات كتير زى ما هحكى بالتفصيل
وصلنا الهوستل مكانه كان كويس قريب من كل حاجه تقريبا بعد ما نزلنا المحطه و سألنا الناس فى الشارع اللى كانوا بيجاوبوا بترحيب شديد و وجه بشوش و اكتر من حد مشى معانا شويه عشان يشرح الطريق
الهوستل مكنش بيقدم فطار كنت يجيب فطار 3 الأيام من محل مخبوزات أكثر من رائع اسمه krusta و له اكتر من فرع هناك و الحاجه سعرها رخيص جدا مقارنه بطعمها و الغداء فى مطاعم حلال كتير و فى يوم منهم كلت بيتزا فى مطعم افغانى كانت لذيذه بس غاليه شويه
انا قعدت 3 ايام فى براغ و فى العموم براغ مدينه جميله جدا تحس فيها عبق كده حلوه عبق دى المهم تحس ليها تاريخ و شوارع جميله بالبازلت كده و نضيفه جدا و أهلها حلوين اوى الصراحه و العيشه فيها رخيصة مش غاليه أكل و أقامه و فسح و العملة بتاعتهم كورونا و ممكن تتعامل باليورو عادى معظم المحلات حطين السعر بالعملتين نيجى للمهم
اليوم الأول
طبعا أشهر معالم براغ Charles bridge و كان الهوستل اللى قعدت فيه قريب بناخدها مشى كوبرى مبهج جدا ناس بترسم و ناس بتعزف و ناس بتصور و اتمشينا فى المدينه القديمه old town وصولا ب prague castle طلعوا بسلالم كتير شويه تحفه طبعا من جوا متقسمه مبانى كتير و كل مبنى فيه حاجات مختلفه عن التانى كارت براغ دخلنا اكتر من مبنى و كناءس ببلاش و غرف للتعذيب و الاسلحه و الملابس الحربيه القديمة كان مكان ظريف اوى
خرجنا من القلعه ركبنا ترام ل petra tower حاجه كده شبه ايفل بس على صغنن على مكان عالى شويه بيتركبله تليفريك ينزلك فى بارك كبيره فيها البرج و اكتر من مبنى معاه و دخولهم كلهم ببلاش بالكارت منهم maze mirror كانت ظريفة اوى تشوف نفسك بأشكال مختلفة البرج نفسه المنظر من فوق تحفه كاشف براغ كلها مناظر حلوه اوى للتصوير و فيه زى متحف لمراحل بناء التليفريك و كملنا اليوم مشى على نهر فلتافا مناظر بديعة و مبانى حلوه اوى
اليوم التانى
أخدنا bus tour بعربيه فان بس كبيره شويه لف بينا براغ كلها معظم معالم المدينه مع شرح بكل اللغات سماعات قدامك لكل كرسى و ده كان ضمن الكارت ببلاش برضه
و بعدين طلعنا old town hall tower و powder tower دول بيطلوا على ميدان المدينه القديمه و المنظر من فوق روعه و برضه ببلاش بالكارت
و طلعنا بعدها prague ferry boat مركب بتطلع رحله فى النهر مده نص ساعه تقريبا برضه ظريفة اوى و بلاش بالكارت و الراجل اللى كان سايقها لذيذ اوى و طلع جه مصر قبل كده و اتوصنا بينا اوى
دخلنا بعدها متحف Charles bridge حاجه صغيره كده بس بيحكى عن خطوات عمل الجسر و الحجارة المستخدمه دخلناه استخسار عشان كان ببلاش برضه بالكارت
دخلنا بعدها متحف الشمعmadame tussauds طبعا مشهور و مدن كتير حول العالم مش فاكر اوى كان بكام الصراحه بس مكانش غالى
و بعدها ختمنا اليوم بكروز بالعشاء بس أخدنا مقلب تمام فى الأكل و قضيناها جبنة و فاكهة بس و دى الكارت كان مدى خصم 25% بس كانت 3 ساعات تقريبا كانت بحوالى 25 يورو أو 30 على ما اتذكر
اليوم التالت
فطرنا من krusta كالعاده و رحنا على park كبيره على النهر و عاليه و كانت ببلاش طبعا الدخول و المنظر من فوق مش ممكن الجمال اسمها مش متأكد اوى تقريبا letna park و جنبها ملعب sparta praha ده فريق الجامد بتاعهم الاهلى كده
و ختمنا اليوم التالت و براج كلها بمكان رائع بيقدم عروض فولكلور الرقص التشيكى و شامل عشاء اسمه folklore garden العرض حوالى ساعتين بحوالى 35 يورو بعد خصم 25%بتوع الكارت و بيجو ياخدوك من قدام الفندق و يرجعوا تانى و قمنا رقصنا فيه تشيكى معاهم و عرض كان حلو اوى اوى
معلش طولت اوى البوست ده بس تعمدت انى احكى بالتفصيل عشان اللى يحب يروح يبقى متخيل كل حاجه لو قرأ البوست و ان شاء الله مكمل معاكم باقى المدن فى بوست تانى