A
Alaa Yassine
:: مسافر ::
الجزء الثالث - مغامرة في جورجيا -
قبل ما ادخل في بداية الرحلة لكاخيتي مدينة الحب والنبيذ اللي كانت في اليوم التاني للزيارة .. حابب اوضح شوية حاجات ..
زي ما انتم ملاحظين انة كنت لوحدي طوال الفترة دي من الرحلة يعني الناس اللي خايفة مثلا انها تتوة او تبقي لوحدها او حتي اللي أول مرة يسافر صدقوني مافيش حد بيتوة برة دة انا حتي حاولت اتوة في جورجيا والله ماعرفت ههههههه صبح ولا ليل .. حتي في اول مرة اسافر فيها واول مرة اركب طيارة في رحلتي لسلطنة عمان ماتهتش برضة .
.........
موضوع الأكل .. مطاعم الحلال منتشرة هناك في اغلب الاماكن ولكن في مناطق معينة برة تبليسي مافيهاش مطاعم حلال فبيكون ادامك انك بتجيب لحمة او فراخ او اي اكل تاني وتقولهم No pork plz اللي هو مش عاوز لحمة خنزير ودي الاكلة المحرمة الوحيدة اللي متفق عليها الجميع وهما بيكون عندهم علم بكدة ومجهزين البديل اما بقية الاكل فعلية اختلاف وان كان الأرجح ان هما اهل كتاب فيتيح ليك انك تاكل من اكلهم عادي .. وماحدش يقول والنبي انهم مايسموش علي الدبيحة أو انهم بيخنقوا الحيوان او كدة لان كل دي تكهنات واصلا اللحمة بتاعة الحمير اللي احنا بناكلها في مصر ولا طريقة شنق العجول اللي احنا بنشوفها في الاعياد هو دة اللي حلال .. وبرضة مطاعم الحلال منتشرة في اغلب الاماكن واللي يتزنق ممكن يجيب خاشبوري بالجبنة وياكل .
.........
بالنسبة للخطة اللي هاتحضرها خليها مرنة ؟؟ يعني مثلا لو مكان اتلغي لاسباب معينة يكون في البديل علي طول لأنك بتتعرض لظروف معينة وانت مسافر يعني انا مثلا كنت حابب اروح مارتفيللي كانيون في كوتايسي فاكتشفت ان المكان مقفول وممنوع الزيارة بسبب التلج فحولت الوجهة لباتومي لاني مجهز البديل .. مثلا كنت حابب اروح مستيا ولكن اكتشفت ان اقل مواصلات ليها بتاخد 14 ساعة وشكل الجبال والخضرة والشلالات مش هاتبقي موجودة لان النلج لسة بينزل .. والخريطة متعلم بدوائر سوداء علي المدن اللي زرتها خلال رحلتي لجورجيا .
...........................................................................................
نيجي بقي لرحلة كاخيتي دي بقي زي ولاية كدة او محافظة والعاصمة بتاعتها اسمها سيغناغي - ودي تعتبر من اشهر المدن في زراعة العنب وصناعة النبيذ فحتي الاجانب من كل اوروبا اللي كانوا معانا كان التذكار بتاعهم من المدينة دي هي زجاجاة نبيذ بياخدوها معاهم ويفتخروا انهم جايبينها من كاخيتي ..
** حجزت الرحلة ب60 لاري من مكتب سياحة هناك واللي مهتم انة يعرفه وناوي يروح ممكن يتواصل معايا بس عشان طبعا ممنوع الاعلانات في الجروب .. الرحلة كانت ممتازة جدا كانت بدايتها الساعة 9 الصبح ورجعنا 7 المغرب وكنا رايحين في تويوتا مكيفة كان الجروب حوالي 10 وكان معانا مرشد طول الرحلة وبصراحة ماقصرش معانا خالص وبالعكس كان مهتم اكتر بالعرب اللي موجودين في الرحلة انة يظهر ليهم جمال جورجيا وتميزها .. وطبعا اتغدينا في مطعم علي برج من ابراج سور المدينة القديمة وهو بالمناسبة تاني اكبر سور في العالم بعد سور الصين العظيم ... انا طلبت خنكالي اكلتي المفضلة والمرشد طبعا اول ماعرف اننا عرب طلب منهم انة الاكل بتاعنا يكون بدون خنزير او خمرة . الترابيزة اللي كنت قاعد عليها كانت اسرة من اوكرانيا معايا عليها وطبعا بدأوا بالانخاب واعطوني كأس عشان اشرب معاهم فأما اعتذرت حاسيتهم اتضايقوا او اتحرجوا فألجيش طبعا قالك اتصرف اخدت كاس فاضي ومليتة شوية بيبسي وضربنا الانخاب وشربنا كلنا وهما انبسطوا والموقف عدي علي خييير هههه .
........................
اهم المزارات :: واسمحولي هانزلكم صورها طبعا مش تصويري لاني وقتها اكتشفت ان الكاميرا فصلت شحن مني وانا في الطريق !!!!
1- كنيسة سانت نينو
/تعليقات حول Bodbe Monastery of St. Nino - Signagi, جورجيا
ودي علي مرتفع بتشوف من فوق مناظر رووعة جدا ..
........................
2- سور المدينة القديمة ( ثاني اكبر سور في العالم بعد سور الصين العظيم )
/تعليقات حول Signagi City Walls - Signagi, جورجيا - TripAdvisor
ومن فوق السور دة تقدر تشوف حدود جورجيا مع ازربيجان ومع روسيا وجبال القوقاز
وبتمشي علية في ممر بيكفي بس فرد واحد وبتحس كدة انك ماشي في السما ......................
3- متحف ومنزل الشاعروالمؤلف الجورجي Chavchavadze وهو يقع في مدينة كفاريللي وهو من القصور السوفييتية الجميلة وتذكرة الدخول لة 5 لاري ...
/تعليقات حول House-Museum of Chavchavadze - Tsinandali, جورجيا
ومن المعروف عنة انة مؤسس جورجيا الحديثة وكمان انة كان بيصنع النبيذ بنفسة وبتلاقي جوة البيت مجموعات ضخمة من زجاجات النبيذ الخاصة بة .
.....................
بالاضافة لمصنع لصناعة النبيذ ومصنع لصناعة الخبز والجبنة الجورجية . والتجول في المدينة القديمة اللي هو متعة اصلا وكأنت اتنقلت لفترة اوروبا في العصور الوسطي .
خلصنا الرحلة ورجعنا تبليسي الساعة 7 تقريبا وروحت واتقابلت مع صديقي اللي مستضيفني قعدنا نتكلم شوية ونصحني اني اصرف النظر عن زيارة مستيا لانها بعيدة والجو فيها مش حلو وعرض علية انة لازم ازور كازبيجي لانها احلي بكتيير وطبعا سمعت كلامة ورحت كازبيجي ودي بقي كانت مغامرة تانية خااااالص ...
قبل ما ادخل في بداية الرحلة لكاخيتي مدينة الحب والنبيذ اللي كانت في اليوم التاني للزيارة .. حابب اوضح شوية حاجات ..
زي ما انتم ملاحظين انة كنت لوحدي طوال الفترة دي من الرحلة يعني الناس اللي خايفة مثلا انها تتوة او تبقي لوحدها او حتي اللي أول مرة يسافر صدقوني مافيش حد بيتوة برة دة انا حتي حاولت اتوة في جورجيا والله ماعرفت ههههههه صبح ولا ليل .. حتي في اول مرة اسافر فيها واول مرة اركب طيارة في رحلتي لسلطنة عمان ماتهتش برضة .
.........
موضوع الأكل .. مطاعم الحلال منتشرة هناك في اغلب الاماكن ولكن في مناطق معينة برة تبليسي مافيهاش مطاعم حلال فبيكون ادامك انك بتجيب لحمة او فراخ او اي اكل تاني وتقولهم No pork plz اللي هو مش عاوز لحمة خنزير ودي الاكلة المحرمة الوحيدة اللي متفق عليها الجميع وهما بيكون عندهم علم بكدة ومجهزين البديل اما بقية الاكل فعلية اختلاف وان كان الأرجح ان هما اهل كتاب فيتيح ليك انك تاكل من اكلهم عادي .. وماحدش يقول والنبي انهم مايسموش علي الدبيحة أو انهم بيخنقوا الحيوان او كدة لان كل دي تكهنات واصلا اللحمة بتاعة الحمير اللي احنا بناكلها في مصر ولا طريقة شنق العجول اللي احنا بنشوفها في الاعياد هو دة اللي حلال .. وبرضة مطاعم الحلال منتشرة في اغلب الاماكن واللي يتزنق ممكن يجيب خاشبوري بالجبنة وياكل .
.........
بالنسبة للخطة اللي هاتحضرها خليها مرنة ؟؟ يعني مثلا لو مكان اتلغي لاسباب معينة يكون في البديل علي طول لأنك بتتعرض لظروف معينة وانت مسافر يعني انا مثلا كنت حابب اروح مارتفيللي كانيون في كوتايسي فاكتشفت ان المكان مقفول وممنوع الزيارة بسبب التلج فحولت الوجهة لباتومي لاني مجهز البديل .. مثلا كنت حابب اروح مستيا ولكن اكتشفت ان اقل مواصلات ليها بتاخد 14 ساعة وشكل الجبال والخضرة والشلالات مش هاتبقي موجودة لان النلج لسة بينزل .. والخريطة متعلم بدوائر سوداء علي المدن اللي زرتها خلال رحلتي لجورجيا .
...........................................................................................
نيجي بقي لرحلة كاخيتي دي بقي زي ولاية كدة او محافظة والعاصمة بتاعتها اسمها سيغناغي - ودي تعتبر من اشهر المدن في زراعة العنب وصناعة النبيذ فحتي الاجانب من كل اوروبا اللي كانوا معانا كان التذكار بتاعهم من المدينة دي هي زجاجاة نبيذ بياخدوها معاهم ويفتخروا انهم جايبينها من كاخيتي ..
** حجزت الرحلة ب60 لاري من مكتب سياحة هناك واللي مهتم انة يعرفه وناوي يروح ممكن يتواصل معايا بس عشان طبعا ممنوع الاعلانات في الجروب .. الرحلة كانت ممتازة جدا كانت بدايتها الساعة 9 الصبح ورجعنا 7 المغرب وكنا رايحين في تويوتا مكيفة كان الجروب حوالي 10 وكان معانا مرشد طول الرحلة وبصراحة ماقصرش معانا خالص وبالعكس كان مهتم اكتر بالعرب اللي موجودين في الرحلة انة يظهر ليهم جمال جورجيا وتميزها .. وطبعا اتغدينا في مطعم علي برج من ابراج سور المدينة القديمة وهو بالمناسبة تاني اكبر سور في العالم بعد سور الصين العظيم ... انا طلبت خنكالي اكلتي المفضلة والمرشد طبعا اول ماعرف اننا عرب طلب منهم انة الاكل بتاعنا يكون بدون خنزير او خمرة . الترابيزة اللي كنت قاعد عليها كانت اسرة من اوكرانيا معايا عليها وطبعا بدأوا بالانخاب واعطوني كأس عشان اشرب معاهم فأما اعتذرت حاسيتهم اتضايقوا او اتحرجوا فألجيش طبعا قالك اتصرف اخدت كاس فاضي ومليتة شوية بيبسي وضربنا الانخاب وشربنا كلنا وهما انبسطوا والموقف عدي علي خييير هههه .
........................
اهم المزارات :: واسمحولي هانزلكم صورها طبعا مش تصويري لاني وقتها اكتشفت ان الكاميرا فصلت شحن مني وانا في الطريق !!!!
1- كنيسة سانت نينو
/تعليقات حول Bodbe Monastery of St. Nino - Signagi, جورجيا
ودي علي مرتفع بتشوف من فوق مناظر رووعة جدا ..
........................
2- سور المدينة القديمة ( ثاني اكبر سور في العالم بعد سور الصين العظيم )
/تعليقات حول Signagi City Walls - Signagi, جورجيا - TripAdvisor
ومن فوق السور دة تقدر تشوف حدود جورجيا مع ازربيجان ومع روسيا وجبال القوقاز
وبتمشي علية في ممر بيكفي بس فرد واحد وبتحس كدة انك ماشي في السما ......................
3- متحف ومنزل الشاعروالمؤلف الجورجي Chavchavadze وهو يقع في مدينة كفاريللي وهو من القصور السوفييتية الجميلة وتذكرة الدخول لة 5 لاري ...
/تعليقات حول House-Museum of Chavchavadze - Tsinandali, جورجيا
ومن المعروف عنة انة مؤسس جورجيا الحديثة وكمان انة كان بيصنع النبيذ بنفسة وبتلاقي جوة البيت مجموعات ضخمة من زجاجات النبيذ الخاصة بة .
.....................
بالاضافة لمصنع لصناعة النبيذ ومصنع لصناعة الخبز والجبنة الجورجية . والتجول في المدينة القديمة اللي هو متعة اصلا وكأنت اتنقلت لفترة اوروبا في العصور الوسطي .
خلصنا الرحلة ورجعنا تبليسي الساعة 7 تقريبا وروحت واتقابلت مع صديقي اللي مستضيفني قعدنا نتكلم شوية ونصحني اني اصرف النظر عن زيارة مستيا لانها بعيدة والجو فيها مش حلو وعرض علية انة لازم ازور كازبيجي لانها احلي بكتيير وطبعا سمعت كلامة ورحت كازبيجي ودي بقي كانت مغامرة تانية خااااالص ...