N
Nagwa Amin
:: مسافر ::
حبيت انقلكم تجربتي مع الساحره النمسا ...الرحله كانت متقسمه بين النمسا و ألمانيا ...انهارده هتكلم عن النمسا بما انها خطفت قلبي ..رحنا فيننا و زي ام سي ..اول شي نزلنا علي مطار فيننا هو مطار عادي جدا أكاد اقول انو أقل من العادي لكن كل شي بيتم بسهوله خدنا التاكسي للفندق ..طبعا اتصدمت أن الفنادق هناك مفيش اي خدمه خالص بمعني شنطك انت تشيلها و تطلعها غرفتك ..عربيتك انت تركنها بنفسك ولو عايز تستخدم جراج الفندق يبقي بفلوس ..المهم ما علينا من كل ده المهم البلد نفسها قعدنا فيها أربع أيام طبعا هي كلها متاحف ..جو ظريف الناس هناك بتحاول تكون متعاونه ..اللي لفت نظري أن المهن البسيطه هناك واخده حقها اوي يعني مثلا سواق الحنطور تحسي أن دكتور داخل عليكي لابس بدله و بيسلم و يعرض عليكم السعر دا في ساحة ستيفنز..ركبنا القطر تلاقي الكومسري كأنه رئيس مجلس إدارة بيكلم اه والله زي ما بقولكم كده ..اللي عايزه اتكلم عنه بالتفصيل زيل ام سي البلد سحر كأنها احلام عباره عن بلد صغيره متحوطه بالجبال كل ما عينك تروح في حته لازم تقول سبحان الله جمال لا يوصف و جو رائع و تجارب ولا في الأحلام طبعا طلعنا اكتر من قمه جبل هناك في الجبل اللي كله خضار و الجبل اللي كله جليد ده طبعا موتنا من البرد بس كان تحفه بس اللي اخذ قلبي جبل بحيرات موزرت بحيرات فوق الجبال سبحان الله .....يا جماعه انا أن شاء الله طالعه تاني السنه دي عشان اروح المكان ده و الله العظيم اللي هيروح هيتسحر بالجمال .......يتبع
