M
Mohammed Omran
:: مسافر ::
اولا انا حابب اشكر صاحب فكرة انشاء الجروب وكل القائمين عليه و كل الاعضاء فعلا الواحد اتعلم حاجات كتير منه،انا لسه راجع من اسطنبول انهارده اجازه مدتها خمس ايام. الرحلة كانت علي الخطوط التركية اللي انصح بيها بشده نظرا للمواعيد الممتازه للذهاب والعوده لانها بتطلع الصبح بدري الساعة 3 الصبح من الاسكندرية وتوصل بعديها بساعتين فبتقدر تستفيد بيوم الذهاب وكمان بتستفيد يوم العوده باليوم لان ميعادها الساعة 1 الصبح،،، طبعا بجانب ان الطيارات جديده وفيها وسائل ترفيه و الاكل حلو والطاقم الضيافة المهذب والمتعاون،،،،اول ما توصل بالسلامة انصح بشراء خط موبايل من المطار من شركة turkcell تمنه 100 ليره ومعاه دقايق و مسجات و. 3gb،،،، عشان تروح الفندق عندك التاكسي و سعره حوالي 50 ليره لتكسيم او الاتوبيس وبيكون واقف قدام المطار وسعره اظن 12 ليره و في المترو بس انا لا انصح بيه لانه ممكن يتوه لو اول مره تركبه وخاصة الواحد بيكون نازل من الرحلة تعباان،،نزلت في فندق فتكسيم كان حلو جدا،،، طبعاً لازم تكون عامل برنامج حضرتك قبل تسافر، وعارف كل يوم حتعمل ايه،،، مسجد السلطان احمد، ايا صوفيا،السوق المصري، مول جواهر في محطة ترام اسمها sisli طبعا لازم تجيب كارت المواصلات Istanbul card،، انا كنت بطلع رحالات داخليه تبع مكتب سياحه كويس جدا جدا الناس اللي بتتشتغل فالمكتب اغلبهم من سوريا محترمين جدا و معايا اسم االشركة وارقام الناس اللي شغاله هناك لو حد حابب اسم الشركة او ارقام الناس يبعتلي علي الخاص،،، طلعت معاهم رحلة البسفور اربع ساعات ونص وانصح بيها جدا و طلعت رحلة بورصا و الرحلة ديه ما ينفعش تتفوت مدتها حوااي 12 ساعة اكتر حاجة متميزه فيها المناظر الطبيعية ولازم تعمل رحلة السفاري فالغابات اللي فالجبل مدتها 40 دقيقة و سعرها 100 ليره للفرد،،،، في رحالات حلوه اوي بس للاسف ما كنش معايا وقرت اعملها وهي رحلة سبانجا و جزيرة الاميرات،،،، انا بسافر لوحدي واتبسطت جدا فتركيا و ناوي اروح تركيا تاني لانها بلد ممتعة جد،،ناوي اروح هناك طرابزون و انطاليا،،انا حبيت تركيا اكتر من دول اوربية زرتها، فيها حاجات كتير تتعمل و سعرها معقول جدا و كمان قريبة و متحسش انك غريب عن البلد نظرا لتقارب الثقافة والعادات بين العرب والاتراك، و الشعب التركي شعب جميل و متحضر و نظيف وخلوق و مضايف،،،، اسف للاطاله وارجو اني اكون افاتكم بشئ. اي حد عاوز يسال عن اي حاجة يتفضل يراسلني و شكرا