A
Alaa Yassine
:: مسافر ::
الجزء الثاني - مغامرة في جورجيا -
اتكلمت معاكم في الجزء اللي فات عن بعض التفاصيل السريعة للتجهيز لرحلة جورجيا لغاية ماوصلت فريدم سكوير اللي هو وسط البلد عندهم . والمرة دي بقي هاتكلم عن عملت اية هناك وبتفاصيل دقيقة شوية لأن اللي بيكون عاوز يسافر أول مرة بيبقي قلقان وعاوز يعرف كل حاجة ..
.......................
مبدأيا أنا كنت محضر بروجرام اني هازور علي الاقل 7 مدن في جورجيا وهما ( تبليسي - كاخيتي - تيلافي - كازبيجي وانانوري - كوتايسي - مستيا - باتومي ) خلال 8 ايام ولكن طبعا الخطة كلها أتغيرت أول ماوصلت هناك والبرنامج اتحول انة يبقي يومي يعني أصحي الصبح اعمل برنامج لليوم لغاية ما انام بليل وأوقات كمان مايبقاش في برنامج ويمشي اليوم بالبركة !!! وزرت ( تبليسي - كاخيتي - كازبيجي وانانوري وباتومي ) .
.........................
وصلت فريدوم سكوير ودة الميدان الرئيسي هناك بتاعهم وم عندة ممكن تتحرك لأي مكان وكانت المسافة من المطار حوالي 20 دقيقة واخدت الاتوبيس الازرق رقم 37 من باب المطار نزلني في قلب الميدان .. هناك بقي نسيت خططي القديمة كلها وبدأت اركز بقي وأنا شايل الشنطة علي ضهري وشنطة علي صدري وبدأت افكر هاروح فين ؟؟ طبعا كنت حاجز هوستل من علي بوكنج وكان معايا طبعا نسخة مطبوعة من الحجز بتاعي ودة لنك الهوستل علي بوكنج وبالمناسبة دة تقريبا احسن هوستل في تبليسي من حيث السعر ومن حيث الموقع لأنة بالضبط خطوتين من ميدان الحرية عندهم اللي انا نزلت فية من الاتوبيس 37 ..
/بيت شباب سيكويرل تبليسي, تبليسي, جورجيا
بس مانزلتش فية وقلت اخوض تجربة تانية وهاروح لصاحبي اللي كنت مكلمة من علي موقع الاستضافة العالمي couchsurfing وطبعا كنت منسق معاة قبلها واعطاني تليفونة وعنوانة وقالي اما توصل كلمني بس رجاء لو عرفت تتأخر شوية يبقي افضل لاني طبعا انا كنت واصل السبت وهو عندهم السبت اجازة فكان صعب بالنسبالة انة يصحي بدري لانة كان سهران ليلة امبارح وخاربها !!! ببص في الساعة كانت 9 فقلت اهو اتوة شوية في البلد لغاية ما الاقي العنوان يكون عدت ساعة ولا ساعتين ويكون هو صحي وللاسف طلعت البلد ماتوهش ووصلت بعد تقريبا 20 دقيقة بس .. مشيت علي الجي بي اس وسألت شوية ناس طبعا اللي صاحيين في الوقت دة اغلبهم ناس كبيرة بتفسح الكلاب بتاعتها ومابتفهمش انجليزي بس بالاحساس ولغة الاشارة وصلوني لغاية الشارع اللي صاحبي ساكن فية واما وصلت قابلني واحد كدة ضخم لابس بنطلون جيش وشكلة زي عملاء الكي جي بي الروس وشاف منظري فقالي انت عاوز الامريكاني اللي هنا ؟؟ ادخل في الحارة دي هاتلاقي بيتة وخدني وصلني بس ياعم امريكاني مين ؟؟؟ دة انا مكلمة علي انة جورجي قالي لا دة امريكاني رحت مكلم الولد صحيتة من نومة وقلتلة انا علي باب البيت تعالي اطلع افتحلي فقام فتحلي ودخلني وقالي علي المكان اللي هانام فية وطلعلي شوية خرايط وقالي اعتبر المكان مكانك وخد مفتاح الشقة اهو وكارت المواصلات بتاعك وعييييش وانا داخل انام طيب ياعم انت امريكاني ولا جورجي ؟؟؟ ضحك وسبني ودخل ينام... ظبطت حاجتي وطلعت هدومي وبدات اشوف هاعمل اية طبعا هادخل اخد دش واطلع الف في البلد لغاية مااخينا دة يصحي افهم منة الوضع واهو بالمرة احجز الرحلات اللي انا هاطلعها .. دخلت اخد دش وعينكم ماتشوف الا النور علي الريحة اللي انا شمتها في الحمام !! طبعا بصفتي اول مرة اسافر اوروبا فماكنتش اعرف ان دي ريحة بيرة لانة في مصنع بيرة جمب الشقة دي ودة اللي قالهولي بعد كدة وقالي هاتتعود عليها وفعلا اتعودت علي الريحة وبالعكس افتقدتها كمان ههههههه ... نزلت البلد رحت مكتب الاستعلامات اللي في وسط الميدان اخدت منة شوية معلومات ورحت حجزت رحلة مدينة كاخيتي وهناك بيقولوا عليها مدينة الحب والنبيذ لانة احلي نبيذ في اوروبا بيتصنع في المدينة دي وكمان فيها اطول سور دفاعي في العالم بعد سور الصين العظيم وحجزت الرحلة تبع الشركة دي ب60 لاري وهاتلاقوا البروشور بتاعها في الصور. وهاتلاقوا عندها رحلات لاغلب المدن السياحية في جورجيا وشركة ممتازة .بس حجزت معاهم كاخيتي بس
طبعا الرحلة كان التجمع بتاعها الساعة 9 الصبح في اليوم الثاني امام الشركة في المدينة القديمة وطبعا شاملة كل حاجة ماعدا الاكل وبتزور كاخيتي وبتزور بوابات وسور المدينة ومتحف كاخيتي ومصنع النبيذ .. المهم حجزت وروحت البيت تاني وكان صاحبي خلاص فاق وعمل قهوتة و اللي هو بالمناسبة (عمل معايا اللي مايعملوش ابن بلدي كان فعلا اخويا في الرحلة دي واللي كانت هاتختلف كتير لو ماكنش معايا ) . بدأنا نتكلم بقي شوية طلع فعلا امريكاني في اواخر العشرينات وتقريبا لف معظم دول العالم وهو حاليا في جورجيا شغال مدرس انجليزي . المهم كلمني عن نفسة وع البلد واعتذر انة كان نايم لانة كان سهران في البار ليلة امبارح لانة يوم اجازتة !! وقالي يلا هاننزل ناخد لفة في البلد ونتغدي لانة عندة شغل بليل ونزلنا في البلد واخدت جولة ووقعت في غرامها وعشقها .. بلد نظييفة جدا والطبيعة فيها خرافة واهلها طيبين جداا والابتسامة علي وجوههم حتي الناس الفقرا سعيدة والشحاتين بيشعوا بهجة وسرور اللي بضرب علي درامز واللي بيعزف علي طبلة واللي بيغني بتضطر غصب عنك تعطيلة فلوس لانك مبسوط فعلا بموهبتة وبيعمل فرحة كدة في المكان .. طيب اية اللي ممكن تزورة في تبليسي ؟؟
1- المتحف الوطني في تبليسي
2 - حديقة النباتات الوطنية ودي كدة حاجة اضعاف مساحة حديقة الازهر عندنا وفيها كمية نباتات من اجمل واندر النباتات في اوروبا .
3- المدينة القديمة اللي فيها المسجد الجامع والحمامات الكبريتية وبيوت تبليسي القديمة
4- قلعة ناريكالا
5 جسر السلام وركوب التلفريك اللي بيطلعك لقمة الجبل اللي منة تشوف المدينة كلها
وكنائس قديمة وكتيييرة جدا هاتدخلها طول ما انت ماشي والكنائس القديمة والقلعة مجانا والتلفريك وحديقة النباتات ب 3لاري تقريبا لانة طبعا هو اللي دفعلي ورفض رفض تام اني ادفع تتر واحد .. اخدنا الجولة واحنا ماشيين طبعا لاني اول مرة اسافر اوروبا فلقيت فعل فاضح في الطريق العام !!! وعادي خالص وطبعا العرق الشرقي ظهر وقلتلة ازاي البوليس بيسمح بكدة فقالي هنا البلد عاوزة تدخل الاتحاد الاوروبي فلازم تسمح بكدة دي حرية ولما هاتيجي معايا البار بليل هاتلاقي اكتر من كدة ؟
((( بار ))) ؟؟ طبعا اتصدمت طبعا اول مرة اسمعها وحسيت كدة انة الموضوع مشوق اوي وهاشوف حاجة جديدة وفيها اية اما اروح يعني هاتفرج بس طبعا مش لحاجة تانية يعني .. واهي تبقي تجربة جديدة . المهم اتغدينا وروحنا البيت هو نزل شغلة المسائي وقالي هاجيلك الساعة 8 نطلع علي البار انا واصحابي وخلي معاك مفتاح الشقة واعتبرها بتاعتك وطبعا سايب اللاب بتاعة والغرفة بتاعتة مفتوحة وقتها حاسيت كدة اعتبرني اخوة ولا اية الثقة دي يعني ؟؟ دة هو لسة عارفني من ساعتين يعني !! قعدت اخطط شوية بقي والعب مع القطة اللي كانت عندة ونزلت لفيت شوية ورجعت تاني كان هو رجع ونزلنا رحنا لاصحابة برضة منهم اللي جاي سياحة ومنهم اللي بيدرس في البلد من امريكا وازربيجان وايران والاسكا ورحنا البار وطبعا كانت اول مرة في حياتي وتجربة جديدة وطبعا شوفت بلاوي كنت بتفرج وبضحك بس وكل واحد بدا يحكي بقي عن تجاربة اللي قبل كدة وعن حياتة ومشاكلة وشوية لقيت كلة بقي في عالم تاني وماستحملتش الجو لسة جديد بقي وكدة فأستاذنت اني اروح البيت وطبعا كانت اول تجربة هنا مع ( الأمن ) لان الساعة كانت 3 الفجر وكنت ناسي الباسبور كمان في البيت ولكن والله حسيت بالامان في البلد وانا اللي ماكملتش يوم فيها حتي المخمورين اللي كانوا ماشيين وقتها في الشوارع كانوا لطاف جدا ييجوا يسلموا عليك ويضحكوا معاك وياخدوك بالحضن ويمشوا ودة لان الشعب نفسة مسالم والشرطة موجودة في كل مكا ووصلت البيت بالسلامة وكنت واخدها مشي طبعا ونمت اخيرا بقي بعد يومين من عدم النوم ...
بالنسبة للاكل ::
أنا كانت بتكفيني وجبتين في اليوم والاكل هناك رخيص تقريبا ارخص حاجة هناك ..
وجبة ماكدونالدز التقليدية :: 10 لاري
الخنكالي ( القطعة ) :: 75 تتر وكانت وجبتي 5 قطع وكانت بتكفي معايا وزيادة .
وفي باللحمة وفي بالبطاطس . اللحمة حلوة والبطاطس طعمها ماحبتهوش ..
الخاشبوري ( فطيرة بالجبنة ) :: 2 لاري وكانت تعتبر وجبة بالنسبالي
ساندوتش الشاورمة الوسط :: 4 لاري
ساندوتش الفلافل :: 3لاري
المياة ارخص حاجة هناك وطبعا احسن نوع ( Borjomi ) وهو من انقي انواع المياة اللي في العالم .
وخلوا بالكم في نوعين مياة غازي وعادي والغازي طعمة وحش مش هاتحبوة ..
الفراخ هناك طعمها جااااااااااااامد أحلي فراخ اكلتها في حياتي لان الفراغ هناك متربية في الطبيعة لا اعلاف ولا تسمين ولا تزغيط ولا تفريخ ولا الكلام دة بيسيبوها بترمح في الاراضي الزراعية وتشوف الفرخة كدة تحسها حاجة فخيمة ..
الشوبنج ::
الملابس هناك تقريبا اسعارها وموديلاتها زي مصر فانا بس اشتريت تذكارات وميداليات وشوية اكلات مجمدة وانا نازل .. هاتلاقوار ارخص واحسن تشكيلة من التذكارات والانتيكات في شارع رستافيللي عند ماكدونالدز وفي سوق عامل زي سوق الجمعة كدة في منطقة اسمها ال Dead bridge هاتلاقي في كل حاجة تقريبا ..
الانتقالات ::
تاكسي يلففك تبليسي كلها ب15 لاري فالمشوار ممكن يقف ب5لاري ..
استنوني في الحلقة الثالثة وانا بعتذر جدا عن التقطيع دة بس فعلا والله ماعاوز اطول الموضوع زيادة عن كدة والحلقات اللي جاية هاتكول مختصرة اكيد ولو اي سؤال انا جاهز .
اتكلمت معاكم في الجزء اللي فات عن بعض التفاصيل السريعة للتجهيز لرحلة جورجيا لغاية ماوصلت فريدم سكوير اللي هو وسط البلد عندهم . والمرة دي بقي هاتكلم عن عملت اية هناك وبتفاصيل دقيقة شوية لأن اللي بيكون عاوز يسافر أول مرة بيبقي قلقان وعاوز يعرف كل حاجة ..
.......................
مبدأيا أنا كنت محضر بروجرام اني هازور علي الاقل 7 مدن في جورجيا وهما ( تبليسي - كاخيتي - تيلافي - كازبيجي وانانوري - كوتايسي - مستيا - باتومي ) خلال 8 ايام ولكن طبعا الخطة كلها أتغيرت أول ماوصلت هناك والبرنامج اتحول انة يبقي يومي يعني أصحي الصبح اعمل برنامج لليوم لغاية ما انام بليل وأوقات كمان مايبقاش في برنامج ويمشي اليوم بالبركة !!! وزرت ( تبليسي - كاخيتي - كازبيجي وانانوري وباتومي ) .
.........................
وصلت فريدوم سكوير ودة الميدان الرئيسي هناك بتاعهم وم عندة ممكن تتحرك لأي مكان وكانت المسافة من المطار حوالي 20 دقيقة واخدت الاتوبيس الازرق رقم 37 من باب المطار نزلني في قلب الميدان .. هناك بقي نسيت خططي القديمة كلها وبدأت اركز بقي وأنا شايل الشنطة علي ضهري وشنطة علي صدري وبدأت افكر هاروح فين ؟؟ طبعا كنت حاجز هوستل من علي بوكنج وكان معايا طبعا نسخة مطبوعة من الحجز بتاعي ودة لنك الهوستل علي بوكنج وبالمناسبة دة تقريبا احسن هوستل في تبليسي من حيث السعر ومن حيث الموقع لأنة بالضبط خطوتين من ميدان الحرية عندهم اللي انا نزلت فية من الاتوبيس 37 ..
/بيت شباب سيكويرل تبليسي, تبليسي, جورجيا
بس مانزلتش فية وقلت اخوض تجربة تانية وهاروح لصاحبي اللي كنت مكلمة من علي موقع الاستضافة العالمي couchsurfing وطبعا كنت منسق معاة قبلها واعطاني تليفونة وعنوانة وقالي اما توصل كلمني بس رجاء لو عرفت تتأخر شوية يبقي افضل لاني طبعا انا كنت واصل السبت وهو عندهم السبت اجازة فكان صعب بالنسبالة انة يصحي بدري لانة كان سهران ليلة امبارح وخاربها !!! ببص في الساعة كانت 9 فقلت اهو اتوة شوية في البلد لغاية ما الاقي العنوان يكون عدت ساعة ولا ساعتين ويكون هو صحي وللاسف طلعت البلد ماتوهش ووصلت بعد تقريبا 20 دقيقة بس .. مشيت علي الجي بي اس وسألت شوية ناس طبعا اللي صاحيين في الوقت دة اغلبهم ناس كبيرة بتفسح الكلاب بتاعتها ومابتفهمش انجليزي بس بالاحساس ولغة الاشارة وصلوني لغاية الشارع اللي صاحبي ساكن فية واما وصلت قابلني واحد كدة ضخم لابس بنطلون جيش وشكلة زي عملاء الكي جي بي الروس وشاف منظري فقالي انت عاوز الامريكاني اللي هنا ؟؟ ادخل في الحارة دي هاتلاقي بيتة وخدني وصلني بس ياعم امريكاني مين ؟؟؟ دة انا مكلمة علي انة جورجي قالي لا دة امريكاني رحت مكلم الولد صحيتة من نومة وقلتلة انا علي باب البيت تعالي اطلع افتحلي فقام فتحلي ودخلني وقالي علي المكان اللي هانام فية وطلعلي شوية خرايط وقالي اعتبر المكان مكانك وخد مفتاح الشقة اهو وكارت المواصلات بتاعك وعييييش وانا داخل انام طيب ياعم انت امريكاني ولا جورجي ؟؟؟ ضحك وسبني ودخل ينام... ظبطت حاجتي وطلعت هدومي وبدات اشوف هاعمل اية طبعا هادخل اخد دش واطلع الف في البلد لغاية مااخينا دة يصحي افهم منة الوضع واهو بالمرة احجز الرحلات اللي انا هاطلعها .. دخلت اخد دش وعينكم ماتشوف الا النور علي الريحة اللي انا شمتها في الحمام !! طبعا بصفتي اول مرة اسافر اوروبا فماكنتش اعرف ان دي ريحة بيرة لانة في مصنع بيرة جمب الشقة دي ودة اللي قالهولي بعد كدة وقالي هاتتعود عليها وفعلا اتعودت علي الريحة وبالعكس افتقدتها كمان ههههههه ... نزلت البلد رحت مكتب الاستعلامات اللي في وسط الميدان اخدت منة شوية معلومات ورحت حجزت رحلة مدينة كاخيتي وهناك بيقولوا عليها مدينة الحب والنبيذ لانة احلي نبيذ في اوروبا بيتصنع في المدينة دي وكمان فيها اطول سور دفاعي في العالم بعد سور الصين العظيم وحجزت الرحلة تبع الشركة دي ب60 لاري وهاتلاقوا البروشور بتاعها في الصور. وهاتلاقوا عندها رحلات لاغلب المدن السياحية في جورجيا وشركة ممتازة .بس حجزت معاهم كاخيتي بس
طبعا الرحلة كان التجمع بتاعها الساعة 9 الصبح في اليوم الثاني امام الشركة في المدينة القديمة وطبعا شاملة كل حاجة ماعدا الاكل وبتزور كاخيتي وبتزور بوابات وسور المدينة ومتحف كاخيتي ومصنع النبيذ .. المهم حجزت وروحت البيت تاني وكان صاحبي خلاص فاق وعمل قهوتة و اللي هو بالمناسبة (عمل معايا اللي مايعملوش ابن بلدي كان فعلا اخويا في الرحلة دي واللي كانت هاتختلف كتير لو ماكنش معايا ) . بدأنا نتكلم بقي شوية طلع فعلا امريكاني في اواخر العشرينات وتقريبا لف معظم دول العالم وهو حاليا في جورجيا شغال مدرس انجليزي . المهم كلمني عن نفسة وع البلد واعتذر انة كان نايم لانة كان سهران في البار ليلة امبارح لانة يوم اجازتة !! وقالي يلا هاننزل ناخد لفة في البلد ونتغدي لانة عندة شغل بليل ونزلنا في البلد واخدت جولة ووقعت في غرامها وعشقها .. بلد نظييفة جدا والطبيعة فيها خرافة واهلها طيبين جداا والابتسامة علي وجوههم حتي الناس الفقرا سعيدة والشحاتين بيشعوا بهجة وسرور اللي بضرب علي درامز واللي بيعزف علي طبلة واللي بيغني بتضطر غصب عنك تعطيلة فلوس لانك مبسوط فعلا بموهبتة وبيعمل فرحة كدة في المكان .. طيب اية اللي ممكن تزورة في تبليسي ؟؟
1- المتحف الوطني في تبليسي
2 - حديقة النباتات الوطنية ودي كدة حاجة اضعاف مساحة حديقة الازهر عندنا وفيها كمية نباتات من اجمل واندر النباتات في اوروبا .
3- المدينة القديمة اللي فيها المسجد الجامع والحمامات الكبريتية وبيوت تبليسي القديمة
4- قلعة ناريكالا
5 جسر السلام وركوب التلفريك اللي بيطلعك لقمة الجبل اللي منة تشوف المدينة كلها
وكنائس قديمة وكتيييرة جدا هاتدخلها طول ما انت ماشي والكنائس القديمة والقلعة مجانا والتلفريك وحديقة النباتات ب 3لاري تقريبا لانة طبعا هو اللي دفعلي ورفض رفض تام اني ادفع تتر واحد .. اخدنا الجولة واحنا ماشيين طبعا لاني اول مرة اسافر اوروبا فلقيت فعل فاضح في الطريق العام !!! وعادي خالص وطبعا العرق الشرقي ظهر وقلتلة ازاي البوليس بيسمح بكدة فقالي هنا البلد عاوزة تدخل الاتحاد الاوروبي فلازم تسمح بكدة دي حرية ولما هاتيجي معايا البار بليل هاتلاقي اكتر من كدة ؟
((( بار ))) ؟؟ طبعا اتصدمت طبعا اول مرة اسمعها وحسيت كدة انة الموضوع مشوق اوي وهاشوف حاجة جديدة وفيها اية اما اروح يعني هاتفرج بس طبعا مش لحاجة تانية يعني .. واهي تبقي تجربة جديدة . المهم اتغدينا وروحنا البيت هو نزل شغلة المسائي وقالي هاجيلك الساعة 8 نطلع علي البار انا واصحابي وخلي معاك مفتاح الشقة واعتبرها بتاعتك وطبعا سايب اللاب بتاعة والغرفة بتاعتة مفتوحة وقتها حاسيت كدة اعتبرني اخوة ولا اية الثقة دي يعني ؟؟ دة هو لسة عارفني من ساعتين يعني !! قعدت اخطط شوية بقي والعب مع القطة اللي كانت عندة ونزلت لفيت شوية ورجعت تاني كان هو رجع ونزلنا رحنا لاصحابة برضة منهم اللي جاي سياحة ومنهم اللي بيدرس في البلد من امريكا وازربيجان وايران والاسكا ورحنا البار وطبعا كانت اول مرة في حياتي وتجربة جديدة وطبعا شوفت بلاوي كنت بتفرج وبضحك بس وكل واحد بدا يحكي بقي عن تجاربة اللي قبل كدة وعن حياتة ومشاكلة وشوية لقيت كلة بقي في عالم تاني وماستحملتش الجو لسة جديد بقي وكدة فأستاذنت اني اروح البيت وطبعا كانت اول تجربة هنا مع ( الأمن ) لان الساعة كانت 3 الفجر وكنت ناسي الباسبور كمان في البيت ولكن والله حسيت بالامان في البلد وانا اللي ماكملتش يوم فيها حتي المخمورين اللي كانوا ماشيين وقتها في الشوارع كانوا لطاف جدا ييجوا يسلموا عليك ويضحكوا معاك وياخدوك بالحضن ويمشوا ودة لان الشعب نفسة مسالم والشرطة موجودة في كل مكا ووصلت البيت بالسلامة وكنت واخدها مشي طبعا ونمت اخيرا بقي بعد يومين من عدم النوم ...
بالنسبة للاكل ::
أنا كانت بتكفيني وجبتين في اليوم والاكل هناك رخيص تقريبا ارخص حاجة هناك ..
وجبة ماكدونالدز التقليدية :: 10 لاري
الخنكالي ( القطعة ) :: 75 تتر وكانت وجبتي 5 قطع وكانت بتكفي معايا وزيادة .
وفي باللحمة وفي بالبطاطس . اللحمة حلوة والبطاطس طعمها ماحبتهوش ..
الخاشبوري ( فطيرة بالجبنة ) :: 2 لاري وكانت تعتبر وجبة بالنسبالي
ساندوتش الشاورمة الوسط :: 4 لاري
ساندوتش الفلافل :: 3لاري
المياة ارخص حاجة هناك وطبعا احسن نوع ( Borjomi ) وهو من انقي انواع المياة اللي في العالم .
وخلوا بالكم في نوعين مياة غازي وعادي والغازي طعمة وحش مش هاتحبوة ..
الفراخ هناك طعمها جااااااااااااامد أحلي فراخ اكلتها في حياتي لان الفراغ هناك متربية في الطبيعة لا اعلاف ولا تسمين ولا تزغيط ولا تفريخ ولا الكلام دة بيسيبوها بترمح في الاراضي الزراعية وتشوف الفرخة كدة تحسها حاجة فخيمة ..
الشوبنج ::
الملابس هناك تقريبا اسعارها وموديلاتها زي مصر فانا بس اشتريت تذكارات وميداليات وشوية اكلات مجمدة وانا نازل .. هاتلاقوار ارخص واحسن تشكيلة من التذكارات والانتيكات في شارع رستافيللي عند ماكدونالدز وفي سوق عامل زي سوق الجمعة كدة في منطقة اسمها ال Dead bridge هاتلاقي في كل حاجة تقريبا ..
الانتقالات ::
تاكسي يلففك تبليسي كلها ب15 لاري فالمشوار ممكن يقف ب5لاري ..
استنوني في الحلقة الثالثة وانا بعتذر جدا عن التقطيع دة بس فعلا والله ماعاوز اطول الموضوع زيادة عن كدة والحلقات اللي جاية هاتكول مختصرة اكيد ولو اي سؤال انا جاهز .